مقعمِزة ونتأمل فـ جمال النجُوم وضِي القمر يلي مضوي علينا ونسمه الهوي الخفيفة يلي تبرد علينا حبيت جو بكل تفصيله ، حسدتّ القمر لان نجـومه لايدين بيِه ومونسينه وحسدت النجوم لان القمر مضِوي عليهم ديماً ، سألت روحِي سؤال ما لقيتش ليه أجـابه علاش ما عنديش ناس زي النجوم بزبِـط علاش ما يكونوش قراب منِي ويونسوني علاش ماعنديشّ شخص قريب مني زي النجُوم لـِ القمر علاش معاش فيه ناس تحِس بيك علاش اني نحِب نسأل و نطمّن لو كان فـِ شخص مضايق ، يشهد عليا ربي ان سندت كل كتف اتكئ عليا ، ومسحت كل الدموع اللي شافتها عيونِي ، عطيت كُل يلي نقدر عليه ومابخلتش بكِل ، سامحت ع قد مانقدر وماشديتَش في قلبي ، عاتبت هلبا باش نحافظ عَ علاقاتي ، وعمري ماكرهتَ ولاحقدت ولاحسّدت حد ، وقفت مع الكُل وساعدت كل من طلبني في يوم ، هونت في الوقت اللِي محتاجه من يهون عليا ، وكنت سند وظهر لكل من يبي يسند روحه عليا، يشهد عليا الله وناسي عمري ماوجعت حد ولاحنوجع حد في عمري 🖤، ياريت نلقي حد يعملني زي مانعامل فيِه لأكتر ولا أقل ومش طالبه أكتر، حولت أنا نعامّل بِـ المثل بس يقعد لأصل طيب ديما غالب والحمد الله ع كل حال❤️.
