انتِ مَ تعرفيش آنِي مني !
من نكون و من شني تكونت !
مَ تعرفنيش غير شويه الحاجات اللي آني موريتهملك !
مَتعرفنيش غير إسمي و شن نقرا و بالك تعرفِ عمري , حتى عمري مَ تعرفنيش الا ك رقم مَ تعرفنيش فِ السنين اللي عطتهملي الدنيا قداش فِ كل دقيقه خدت مني !
مَ تعرفنيش شن سلبت مني حق كل يوم عشته فيها و حق كل يوم تنفست فيه !
مَ تعرفنيش قداش نقاحر بروحي !
مَ تعرفنيش قداش شخص مَ قدرنيش و تحملت فراقه !
مَ تعرفنيش قداش شخص قريب مني مريض روحي تطلع مع كل ألم يحسه !
مَ تعرفنيش قداش شخص خداه ربي خلاه يدفن جزء من روحي معاه !
مَ تعرفنيش قداش ليله بكيت فيها وفقت الصبح نضحك عَ خاطر عيلتي مَ يحسوش !
مَ تعرفنيش قداش غصه علقت فِ رقبتي مع كل معروف درته و انردلي بذل و كلام آخي !
مَ تعرفنيش قداش باب فرحت إنه طلعلي و قد مَ دورت ملقيتش مفتاحه و كليتها خيبت آمل !
مَ تعرفنيش قداش نساند فِ بنادم و آني ظهري مكسور !
والله مَ فَ بنادم يعرف قداش تعبت باش نكون آني بوقفتي هادي ، و والله مَ فِ بنادم عليه جميل عليا ولا فِ بنادم واحد يعرف آني من نكون .
وجود آغلبكم رزن عَ كتافي مش سند ليا ..
