جميلتي بنسألـك اسئـله مُمكـن💜؟
-اي عادي تفضلي 💜
انتِ كبيره وبالغه 💜؟
-اي اكيد شن السؤال هذا !
انتِ تاخدي من قسم النساء او الاطفال في الملابس وكِـذا؟
-اكيد من النساء مش قلتلك كبيره وبالغه!! خيرك انتِ؟
بـه تلبسي في لبس طويل وواسع💜؟
-لا وعلاش ان شاء الله نطمس روحي زيني زي بنات جيلي وبعدين اني مازلت صغيره !
صغيره💜؟! مش تاخدي من قسم النساء💜!مش انتِ بالغه وكبيره وبديتي زيك زي امك وزي النساء في الشرع 💜؟! كيف صغيره !
-صغيره ع اللبس هذا خيرني نعقد في روحي وتعقدي فيا خليني نعيش حياتي !
لا هكِ مانتفاهموش مافيش صغيره في أمور الدين وكبيره في امور ثانيه جميلتي راه انتِ حالياً دامك كبرتي خلاص زيك زي امك واختك المتزوجة وزيك زي اختك الكبيره راه 💜!
-كييف؟!
يعني ضروري ماتلتزمي باللبس الي أمرنا بيه ديننا الحنيف لانكِ بتتعاقبي ع هالشي راه 💜! ركزي معاي جميلتي اللبس الواسع والطويل والشاربه مش تعقيد ابداً 💜!
هذا الي حنا أُمرنا بيه وصدقيني فيه راحه ورضا علي نفسك لا توصف 💜! شوفي ربك لما ضحيتي ع خاطره ولبستي الي امرك بيه هل بيخذلك هل بـ يخليك تباني عزوز او كبيره في العمر او متعقده ! ابداً راه هوا معاكِ وحافظكِ وفي صفّك 💜! وكل من يشوفلك مُـعجب بيكِ وبشكلك الجميل وكيف العبايه والشاربه طالعات عليكِ نازكات 💜! خلي في بالك انه كل انسان عنده ضمير وتفكير ومعروف انك ماجبتيش اللبس هذا من راسِـك كله من ديننا الحنيف 💜كل انسان يعرف الصح من الغلط وعارف انكِ الصح 100% بس مزال ربي ماهداهش وحببه في الشيء هذا فقط لا غير 💜!
نسأل الله الهدايه لكل البنات وربي يوفق الجميع لكُـل ما يُحب ويرضى💜.
...
