نحن فِ مجتمع كل تفكيره فاشل ، اغلب القرارات غلط ومليانه جهل ،
ليش بنتأثرو من كل حاجه ليش عاطيين كل شي فوق من قيمته ؟
واول شي الصحبه الي الكل قاعد يعاني من خذلان وكسرة الصاحب ! كل شي يوجع من القريب منك والي تديره هو اغلى حاجه يبدا يتمادى ومعش يشوف شي ، معش يشوف اغلاطه ولا الحاجات الي قعد بسببهن فشل كل حاجه ، وتبدا انت الي تكافح وتتحمل وتعطي وتعاتب وتبكي وتسكت وتقول ماعلينا هذا رفيقي ، بس هو مايشوفش ل شي غغير ان يحسسك انك مجبور تدير انت كل شي ، ومن هنا يبدن المشاكل وسوء التفاهم والطرفين واحد يتحمل ويسكت والاخر مايسكتش ع نظره منك ماعجباتكش ، وانت الطرف الي تتحمل طبعاً
تبدا اسابيع وشهور تتحمل وتعطي وتعاتب ومفيش فايده تبدا تفطن فيه ع اغلاطه وتغيره وهو مش فاطن لشي غير ان عارف نقطة ضعفك بُعده ويبدا يذلك بيها، تبدا تمشي المواقف الكبيره لعند تجي اللحظه الي يصير فيا موقف صغير ومايسوش وقلبك فيها يموت ومعش يحس تقعد معش تشوف للعشره ولا للمواقف لا شي خلاص ينتهى بالنسبالك كل حاجه ،
وعند النقطه هذي كلنا نبدو فِ الحزن والغم ونخشو فِ مود يخلنا نمشو للهلاك بسبب فراق وذكريات ، بسبب شوق كبير لشخصك ، تنتهى ثقتك فِ الناس كلها تبدا شخص قاسي شخص معش يهمه شي كل همك يقعد انك تتريح وتريحهم منك ..
بس هنا نحن لازم نغيرو الشي هذا لازم نخلقو لأنفُسنا تفكير جديد نَمط جديذ يغير حياتنا فِ المواقف الي زي هك
المفروض واللازم ان بعد تنتهى صُحبتك بصحبتك تبدي بدايه جديده لروحك تدعيلها مش تدعي عليها وتنسي كل الشر ل منها وتنسي كل شي متاها بحلوه وب مره تبدي ترديها كأنها شخص عابر فِ حياتك ابدي بدايه جديده بدايه اكتبي فيها اول نقطه هيا معش نعاودو اخطاء زمان معش نعطو ل حد اكبر من حجمه ، خليك زي ما انتِ واحسن الصحبات يكبرن فينا يعلمن فينا حاجات لو معرفنهش مش ح نعرفو نستمرو ، اشكري صحبتك وخليها بينها بين ربي وانسي استمري فِ حياتك مع صحبات جدد ماتلوميش صحبتك الجديده ع اغلاط صحباتك زمان ، لما بتقرري تسميها اختك فكري قبلها انك بتحطي فيها ثقه ان بتحسييها ب شعور سمح وامان وثقه ...
الصحبه نعمه مليانه جمال وفرحه وضحك الصحبه وقت الضيق ووقت الحاجه وقت الجو السمح ، الصحبات واجد بس مش كلهن زي بعضهن ومفيش وحده تدوم للابد يمكن ف حياه كل انسان شخص واحد بس يدوم معاه ممكن تقعد صحبتك اربع خمس سنين بس ح تعدي ح تمل ح يجي يوم تقولك معش نبيك ..
ماتربطش فرحتك وسعادتك ب انسان كلهم مصيرهم ماشيين وقاهرينك ف وسط خاطرك ، صاحب روحك واعطي الثقه لروحك انت بس ولهلك الي مايريحكش فوته وعدي اشري راحتك ، خليهم لغيرك ممكن انت كنت حاجز بينه وبين حد ممكن ان يفرحهم اكثر منك ، انا كمل عمر صحبتنا وانا نشوف ف روحي حاجز وحاجه تجيب الضيق لصحبتي وخلاص مع ان نيتي معروفه شن كانت ، بس لو بيكمل العمر كله هك وانا سبب ضيقها اكيد ح نبعد وبُعد يخليها معش تتذكرني حتى وتلقى ل خير مني ،
خوذو الامور ببساطه وبطلو حقد بطلو قساوة القلب الابيض سمح فوتو السواد ل عايشين فيه وترقو بتفكيركم خليكم احسن من غيركم فِ كل شي ،العمر مره واليوم معش يتعاود عيش اللحظه وفوت الغم والنكد سامح صاحبك وراضي الي زعلان منك مش معروف هل مزال فِ بكره ولالا الندم بعدين مش ح يفيد ولا يردلك الوقت الي تبيه ، قبل كل شي تذكر ان ربي يحب الناس الطيبه واكسب حُب الله 🧡
