الباارت التاني...
"روان وشروق أتعرفوا على بعض وروان أخدت رقم شروق وأنتهى اليوم الدراسي وهما خارجين من الفصل فضلوا يتكلموا شوية"
روان: عندك أخوات قد أيه.؟
شروق: عندي أخ بس معنديش أخوات بنات.
روان: ربنا يخلهولك يارب.
شروق:يارب وأنتي.؟
روان: لا أنا وحيدة وعندي أخويا هيثم أخويا في الرضاعة وعندي ماما وبابا عندي بالدنيا هما أخواتي وصحابي.
شروق: ربنا يخليهملك
روان: يارب أتشرفت جدًا بمعرفتك ياشروق وكان يوم جميل عشان أتعرفت عليكي.
شروق: وأنا أكتر ياحبيبتي لما تروحي أبعتيلي على الواتس عشان نتكلم سوا ونذاكر.
روان: حاضر يلا باي.
شروق: باي.
...........................
" عند سديم داخل من بوابة المدرسة عشان يسأل عن شروق فـ خبط في شخص ما "
سديم: أنتي غبيه ما تركزي وأنتي ماشية ولا أنتي هتركزي أزاي وأنتي بتكلمي حبيب القلب.
روان وهي بتقفل التلفون: وأنتَ مالك أنتَ أكلم اللي أكلمه وبعدين أنتَ اللي مش مركز.
سديم (بعصبيه): مانتي لو محترمة هتمشي وأنتي باصة قدامك مش هتفضلي ترغي في التلفون.
روان و(الدموع فـ عنيها): أنتَ أزاي بتتكلم معايا كدا ولا أنتَ تعرفني منين عشان تقول محترمة ولا....
قاطعها سديم: والله بيبان على الناس المحترمة ده أنتي حتى معتذرتيش كتك الأقرف بني أدمة متخلفة
.............................
" مشي سديم وهو متعصب وساب روان بتعيط عشان أول مره حد يشكك فأخلاقها بطريقة دي مسحت دموعها ومشيت وهي عماله تفكر فاللي حصل
وسديم دخل لقى شروق واقفه مع مُدرس "
سديم: السلام عليكم.
شروق والمُدرس: وعليكم السلام ورحمة الله وبركاته.
شروق: أبيه ده أستاذ خالد مُدرس الأنجلش.
سديم: أهلًا بحضرتك بتمنى تكون شروق كويسه معاك.
خالد : لا هي ممتازة جدًا بسم الله ماشاء الله عليها.
سديم: متشكر جداً بس لو في أي حاجه شروق عملتها كلمني.
خالد: تمام بس معتقدش شروق كويسه جدًا.
سديم: تمام يلا ياشروق.
" شروق مشيت مع سديم وهى مدايقة منه عشان حست أنه مش واثق فيها وأنه قلل منها قدام المُدرس بتاعها أما سديم بيفكر في روان وأنها أزاي تشتمه كدا وانه لازم ياخد حقه منها"
.............................
" روان وصلت البيت وكان أثر العياط على وشها "
سعاد: مالك ياروان حد زعلك.؟
روان: لا ياماما أنا تعبت شوية وعاوزه أنام.
سعاد: يبنتي أستني مالك بس
روان: لا ياماما سيبيني علىٰ راحتي.
" دخلت روان أوضتها وأخدت شاور وغيرت وشردت في ذلك المتمرد الذي تعدى حدوده معها وشكك في أخلاقها وتربيتها "
روان في نفسها:( إن ماوريتك أنا مين مبقاش أنا روان أنا هوريك ازاي تتكلم معايا كدا بس هشوفه فين يلا في داهيه )
ونامت روان وهي تفكر ماذا تفعل مع ذلك المتمرد
................................
" سديم وشروق وصلوا الفيلا "
سديم: أنزلي وأبقي قولي لماما إني هتأخر شوية عشان عندي أجتماع مهم.
شروق: حاضر يا أبيه.
سديم: وأنتي كلي وذاكري مش عاوزك تفتحي الموبيل خالص عشان مخدهوش منك.
شروق: يا أبيه الدروس كلها أونلاين وبعدين أنا صاحبت بنت شاطرة جدًا وهنذاكر سوا.
سديم: مافيش كلام مع حد وأتفضلي.
" نزلت شروق من العربية "
"ودخلت الفيلا وهي بتعيط من طريقة سديم معاها"
"وسديم رجع الشركه تاني عشان نسي ورق هيروح بيه الأجتماع "
...................................
" عند شروق "
حنان: أخوكي فين.؟
شروق: عنده أجتماع وقال هيتأخر شويه.
حنان : طيب أطلعي غيري عشان تاكلي.
شروق: مش عاوزه أكل أنا هطلع أرتاح شويه عشان أعرف أذاكر.
حنان: وبعدين معاكي أسمعي الكلام بقا.
شروق: خلاص ياماما مش عاوزه أكل قولت سيبيني بقا.
" طلعت شروق وهي متعصبة اخدت شاور وخرجت تنام شوية "
............................
" عديت الساعة 12 في منتصف الليل وسديم لسه مرجعش البيت "
..........................
"صحيت روان من النوم ودخلت المطبخ عملت فنجان قهوة عشان تعرف تذاكر عشان عندها صداع
روان قعدة تحل أسئله فكتاب الچولوچيا ووقف قصدها سؤال وجه على بالها (شروق) فتحت تلفونها وبعتتلها رساله على الواتس"
................................
" عند شروق "
" شروق صحيت من النوم وفتحت تلفونها وفتحت صورة "
شروق (بداخلها): وحشتني أووي.
" حضنت التلفون لحد ما جالها رسالة وأتخضيت "
( واتساب)
روان: عامله إيه ياشروق أنا روان.
شروق: الحمدلله ياروان أستني هسجلك.
روان: تمام ياقلبي.
شروق بعد لحظات: أنا جيت أتأخرت.؟
روان: لا ياقمر المهم كنت عاوزه أسألك على حاجه فـ الچولوچيا
" في اللحظه دي حنان دخلت "
حنان: أنتي صاحية ليه ياشروق......
-----------------------------------
يتبع.
متنسوش التصويت ورأيكم في الكومنتات ♥✨
قرأة ممتعة 💖💖✨
أنت تقرأ
وقعت في حب مجنونة
Mystère / Thriller*المقدمة* الحب هو أسمى معاني اللغة العربية التي ذُكرت بها، سرد وعبر عنه مئات الكتاب من وجهة نظر كلًا منهم، ولكن مع ذلك يظل المعنى الأسمى والحقيقي له مُبهمًا للآن، الحب هو شعور بالبهجة تملأ فؤادك فجأة من حيث لا تدري، شعور بأنه وكأنك اُحلت إلى طائرٍ م...
