اعشق زوجتي

بعد مرور عدة سنوات

‏ياشـــوق  خــذني  وين مــا كان ويكون
ودي ازور الحــب ...واعــــرف علــومــه

حتى ولـــو قالوا لي النـــاس ... مجنون
انا  اعـــرف المجـنـــون مــاحد يلومـــه

بقلم احمد الدليمي
⭐️🌸⭐️🌸⭐️🌸⭐️🌸⭐️🌸⭐️🌸⭐️🌸⭐️🌸
بعد مرور عدة سنوات

هيثم : بعد ماتزوجت هديل، تقريبًا 9 سنوات (الله سبحانه وتعالى ) رزقني بولد سميتهُ يوسف

هديل : اني خايفة بعد ما يصير عدنا اي طفل لكن فضل الله علينا بولد وهيثم راده يوسف لان اغلب الناس تصيحلهُ ابو يوسف
ابد ما قصر ولا خلاني احتاج شيء ،كلش يحبني جان يدعلني بأسم ( هدهد ) .
امه وابوه لهيثم توفوا قبل 4 سنوات حيييل اتأثر بموتهم لان كان مطيع الهم كلش وهو من الطبع الحنون ويحبهم اكثر من نفسه
بعدها بسنة امي هم كذلك توفت ( دائما الاقرب الك هم اهلك فلا تترك ساعة من عمرك تفوت ما تشوفهم لان الواحد مايعرف شوكت يجي الحق عليه ) صارت حياتنه عن حزن ، الى ان الله رزقنه بيوسف وبعدها بسنتين كذلك الله سبحانه وتعالى فضل علينه بنت

سميتها (هالة )فصاروا اطفال 2 عدنا

هيثم : مرت الايام والسنوات ( يوسف ) بعمر 19 بأول مرحلة اله بالكلية تعرف ع بنت من قسمة يعتبرها صديقتة المقربة ، طبيعة يوسف متعلم يحچي بس الي اسراره من هو وصغير

يوسف : بابا اريد اخذ رأيك بموضوع !

هيثم : كول بابا ؟ أسمعك

يوسف : وياي بنت بنفس القسم من تكعد وياي بالحديقة او بالكافتريا ، يوصلني كلام كلش يغثني واني اخاف على سمعة البنت

هيثم ابو يوسف : " ماعاش الي يغثك واني خشمي يشتم الهوا "

يوسف : تسلم ياتاج راسي ، فموضوعي أريدك تخطب الي اسماء

ام يوسف : صدفة وهي رايحة للمطبخ سمعت أريدك تخطب الي أسماء ؟ اني بدون ماعرف الموضوع صحت عليه
يوسف من بعد اذن ابوك زواج ماكو الا تتخرج وطبيت للمطبخ

يوسف : لا ماما فدوة غير تفهمين الموضوع بالكامل
فهمها الموضوع واقتنعت وغيرت رأيها بلحضه

ابو يوسف : مرت الايام ويوسف تزوج وصار عدهم طفل سموا مراد

يوسف : خطية أسماء تبقة سهرانه لحد ما ينام مراد
واني اضل وياها سهران ، بعدها يجي دورها تعودت اتنام بحضني ،ابقى العب بشعرها لحد ما اغفه وانام ،مؤقت المنبه ب 6 الصبح لان عدنا دوام
اسماء تتأخر بالكعدة الا اني اكرصها من خدها لو من زندها عود تكعد من نومتها

يتبع ............

هذا البارت قصير ياحبايب اهلكم 🌸🌸⭐️
لان اغلب وقتي بالعمل
كم يوم وانزل الكم فد بارتيين 💜🔂
لا تنسوا التصويت والتفاعل ورأيكم يهمني
وبطريقكم سوي مشاركة لصدقائكم خلي يضيفوني