اعشق زوجتي

بارت السادس حياة اوس

نتكلم شوية عن اوس

جان ابو اوس عايش بس مريض خطية ويرقد بالعناية المركزة 💔
وام اوس هي رفيقته لان ماعندهم احد لا اخوان ولا خوات 💔... المهم اوس جان مرحلة اول بكلية الهندسة يحب نفسه كلش ومايختلط مع احد
من ينتهي الدوام يروح للمستشفى يشوف حالة ابوه

ام اوس تعبانه حيل بسبب السهر والاكثر لان زوجها بهذه الحالة وماعدهم احد يهتم بيهم .. فجأة حالة زوجها صارت اسوء ☹️ الدكتور طب للغرفه تأخر يلة طلع ...
طلع وعيونه مليانيين دمع لان ابو اوس صارله شهر يمهم وتوفه اهنا الموقف الصعب والمحزن كلش راح يمشي على ام اوس كال الها البقية بحياتج الله يصبركم

ام اوس
بنفس اللحظة فقدت وعيها ، اتصلوا على ابنهم اوس من اجه للمستشفى وسمع من الدكتور بكل الي صار ماسوو شي وكال ''انا لله وانا اليه راجعون ''

كمل اوس أجراءت الوفاة واخذه بالاسعاف وراحوا يدفنونه وكل هذا بعدها ام اوس فاقدة الوعي

رجع اوس واخذ امه وراحوا للبيت مكسورين والدنيا صارت سودة بعيونهم 😔
اوس راح لغرفته وسد الباب وضل يبچي وينعي لحد ما غلبه النوم

ثاني يوم
ماحب يسوي فاتحة لان وضعهم صعب شوية
لكن جيارينهم ماقبلوا كلهم حزنوا على ابو اوس لان جان شخص محترم ومحبوب

وسوا اله فاتحة يومين ....

بعدها اوس ترك الكلية وبداخله حزن والم وقهر وامه كذالك هم فقرر يبيع البيت ويسافرون
ام اوس رفضت بالبداية بس شافت اوس اصر ان ينباع البيت ـ وافقت على قرار اوس
خبروا جيارينهم راح يسافرون ودعوهم بحزن 💔🤗
المهم
راحوا للإمارات ــ ابو ظبي ــ
لان قبل وفاة ابو اوس
اوس شاف بيت بنص بستان معروض للبيع بسعر مناسب لكن فجأة الغاء البيع ــ اوس ذكي حفظ المكان ورقم صاحب البيت ــ
راحوا للفندق حتى يرتاحون شوية بسبب السفر
طلع اوس موبايلة واتصل ع صاحب البيت
السلام عليكم
وعليكم السلام
اني اوس من بيت فلان

صاحب البيت اهلا وسهلا تفضل شنو اكدر اخدمك

اوس عفوًا اريد اشوفك وعندي موضع معك لان موضع مايرهم ع الموبايل ...

صاحب البيت تفاجأ شنو هذا الموضع خير يارب
قاله عادي انطاه الموقع حتى يلتقي بي

اوس خبر امه بكل شي !!!
كالت اله بكيفك شوف الي يناسبنه

راح والتقى بي !!!
سلم عليه وصاحب البيت رحب بي
صاحب البيت:-  تفضل وش هذا الموضع
اوس :- خبره بكل شي عدا وفاة ابوه !!! وهو حزين وصار فترة ايام على وفاة ابوه

صاحب البيت:- قاله يصير خير يارب .. اسأل الاهل وارجع لك الخبر !!!

وصار الليل ويجي اتصال على اوس

السلام عليكم انا فلان صاحب البيت!!

اوس  وعليكم السلام تفضل !

صاحب البيت:- ابشر البيت من نصيبكم الاهل موافقين يبيعون البيت لكم

اوس.  الله يبشرك بالجنة

كملوا الاوراق البيت وصار بإسمهم قانونيًا.....

الى هنا 👈
نلتقي معكم في البارت القادم لتكملة حياة اوس وامه 
شلون صارت وتغيرت للافضل

'' خير الناس من نفع الناس  ''
لاتنسوا لايك ومتابعه ✅👍
اخوكم حمد الدليمي