It's YOU,my SOULMATE | SUNGJAKE✅

Part 3

Unicode

•Mr. Blue_420
ကျွန်တော်အိမ်သော့ယူပြီးအခုပဲထွက်လာခဲ့ပါမယ်။ နာရီဝက်အတွင်းတွေ့ကြတာပေါ့😉

•_s.jyun15
ဟုတ်ကဲ့။ကျွန်တော်လည်းအခုထွက်လာပါပြီ။

အခန်းငှားမည့်ပိုင်ရှင်နဲ့ messageပို့ပြီးနောက် ဦးထုတ်ကောက်ဆောင်းပြီး ခပ်သွက်သွက်ထွက်လာခဲ့သည်။

အခုလက်ရှိနေနေသည့် အိမ်နှင့် သိပ်မဝေးလွန်းသော်လည်း နီးတော့မနီးသည်မို့ နာရီဝက်အတွင်းရောက်ဖို့ မြန်မြန်လမ်းလျှောက်ရမည်လေ...။

ကိုယ့်အာရုံနဲ့ကိုယ် ဦးထုတ်ကိုခပ်ငိုက်ငိုက်ဆောင်းရင်း လျှောက်လာသည်မို့ လမ်းကွေ့တစ်ခုမှာ လူတစ်ယောက်နဲ့တိုက်မလိုဖြစ်သွားသည်။

ကြိုသတိထား ထိန်းလိုက်နိုင်မိလို့ တိုက်တော့မတိုက်ပေမဲ့ တစ်ဘက်လူကို ကြည့်လိုက်မိတော့...

ပတ်ခ်ဆောင်းဟွန်း...။

ဟိုတလောက ဘတ်စကစ်ဘောကွင်းထဲတွေ့ကတည်း​က ဒီရက်ကွက်ထဲနေနေမှန်း သိသော်လည်း သာမန်တော်ရုံတော့ မတွေ့မိသည်မို့ အာရုံထဲသိပ်မရောက်။

ခုတလော သူနဲ့တွေ့လိုက်တိုင်း လူက ဒရမ်မာထဲ အော်တို ရောက်ရောက်သွားသလို ဖြစ်နေတာကြီးက လည်း သိပ်တော့အဆင်မပြေလှ။

သူ့ရင်ခွင်ထဲခြေချော်လဲရတာနဲ့

ဘူးခွံနဲ့ကန်မိရတာနဲ့

အခုလည်းကြည့်...

အလကားနေရင်း လမ်းအကျယ်ကြီးမှာ လာတိုက်မိတော့မလို့။

ကိုယ်ရှိန်သတ်မိလို့တော်သေးသည်။

နို့မို့ဆို ဟိုတစ်ခါလို ရင်ခွင်ထဲထပ်ရောက်သွားမှဒုက္ခ။

တွေးရုံနဲ့တင် တော်တော်အောင့်သီးအောင့်သက်ဖြစ်စရာ ကိစ္စကြီး...။

​တစ်ခါပဲ ခံမည်။
နောက်တစ်ခါတော့ အဖြစ်မခံနိုင်။

"ဘယ်လိုဖြစ်နေတာလဲ ပတ်ဂျုံဆောင်း! ငါထွက်လာပါပြီဆိုနေမှ ၁၅မိနစ်ပဲစောင့်ပါဆိုနေ။ ဒါပဲ ဖုန်းချလိုက်ပြီ!"