YOU ARE READING

Beyond The Tragic Ending [Completed]

Fanfic

If I could change the fact that I love you... Jk x Nabi Taehyung x Jiae Cremie's third completed fiction. August 24, 2020 - January 4, 2021 #cremie

#btsxoc #cremie3407 #drama #hatelove #jimin #jkxoc #ownstory #sad #suga #taehyungxoc #vxoc #yoongi

Episode 26 {Final}

4.2K 298 215 
                                        

                                                  
Unicode

                              
" မတွေ့ရတာကြာပြီ။ 'ခရမ်းရိပ်မွန်' " 

                              
ဆိုင်းပုတ်ကြီးကိုငေးမောကြည့်ပြီးနာဘီခပ်ဟဟလေးရေရွတ်လိုက်လေတော့ ဘေးနားမှာရပ်‌နေတဲ့Jungkookတစ်ယောက်သူမဆီကိုလှည့်ငေါ့ကြည့်လာသည်။ ပုလဲလျှံသားအင်္ကျီစအောက်ကသူမရဲ့လက်နုနုလေးကိုလှမ်းကိုင်ကာ ဂေဟာထဲဝင်ဖို့အချက်ပြလေမှ သူမသဲ့သဲ့လေးပြုံးကာ‌ဂေဟာထဲသို့ဝင်သွားလိုက်ကြသည်။ 

                              
ဂေဟာလေးကတော့အရင်ကအတိုင်းပင်... သို့ပေမယ့် ခြံဝန်းထဲပြေးလွှားဆော့နေကြတဲ့ပေါက်စလေးတွေက တစ်နေ့ထက်တစ်နေ့အရေအတွက်များလာလေတာကိုကြည့်ပြီး သူမစိတ်မကောင်းမိပေ။ ထိုသို့တွေးမိပြန်တော့လည်း ရင်ထဲအလွန်တရာဆို့လာပြန်သည်။ တစ်ခြားအချိန်တွေထက် ကိုယ်ဝန်ဆောင်ချိန်တွေဆို ပို၍စိတ်ခံစားလွယ်နေသည်။ အခုလိုပေါ့...။

                              
" ဪ... နာဘီတို့ရောက်ပြီလား။ လာ.. ထိုင်ကြ။"

                              
ဂေဟာမှူးကြီးရဲ့နှုတ်ခွန်းချိုနဲ့အတူ သူတို့နှစ်ယောက်ရဲ့ဧည့်တွေ့ခန်းထဲဝင်ထိုင်လိုက်ကြသည်။ ဂေဟာမှူးကြီးကတော့ မတွေ့ရတာကြာပြီဖြစ်တဲ့နာဘီကိုပြန်တွေ့ရတာမို့ အလွန်အမင်းပျော်နေတာထင်ရှားပါသည်။

                              
" ခြောက်နှစ်နီးပါးပါပဲလား နာဘီ။ မတွေ့တဲ့အတောတွင်း ပိုလှလာပါရဲ့။" 

                              
ဂေဟာမှူးရဲ့စကားကြောင့်နာဘီကသာပြုံးရုံမျှပြုံးလိုက်ပေမယ့် အသံထွက်သည်အထိရယ်သူမှာ Jungkookပေ။ ထို့အတွက်လည်း နာဘီ့ထံမှမျက်စောင်းစူးစူးလေးတစ်ချက်ကိုရလိုက်သေးသည်။

                              
" ဒါနဲ့ခြေထောက်အခြေအနေရော အဆင်ပြေရဲ့လား နာဘီ။" 

                              
" ပြေပါတယ် ဂေဟာမှူးရဲ့... ပြေလို့ပဲ အခုဆို ကိုယ်ဝန်သုံးလတောင်ရှိပြီလေ။"

                              
" ဪ... ဟုတ်သားပဲ။ ဒီလိုပဲ နာဘီရေ.. ဂေဟာမှူးကအသက်ကြီးပြီဆိုတော့ တစ်ချို့တလေကိုမေ့မေ့နေတတ်တယ်ကွယ်။" 

                              
" ရပါတယ် ဂေဟာမှူးရဲ့... ဒါနဲ့ JungHwaလေးဘယ်မှာလဲဟင်။" 

                              
( Note - JungHwaက Episode 14မှာပါတဲ့ ခြောက်လသားကလေးမလေးပါ။ ) 

                              
ထိုသို့မေးတော့မှ အနောက်ဘက်ကကြားလိုက်ရတဲ့ပစ္စည်းကျသံလေးကြောင့်Jungkookရော သူမပါလှည့်ကြည့်မိသည်။ ‌အစီအရီတင်ထားခဲ့တဲ့ဖော့ဗူးလေးတွေဟာကြမ်းပြင်ပေါ်ဟိုတစ်ဗူးဒီတစ်ဗူးဖြင့် အပျံ့ပျံ့အနှံ့နှံ့...။ ဖော့ဗူးတွေဘေးနား ဆောင့်ကြောင့်ထိုင်နေတဲ့ကလေးမလေးဟာ သူမကိုဆူမယ်လို့ထင်သွားတယ်ထင်ပါရဲ့... မျက်ဝန်းဝိုင်းဝိုင်းလေးတွေဟာပို၍ပင်အထင်းသားဝိုင်းစက်လာကာ ကြောက်ရွံ့မှုကိုမြင်နေရသည်။
Beyond The Tragic Ending [Completed]Where stories live. Discover now