Beyond The Tragic Ending [Completed]

Episode 2

Unicode

မနက်ခင်းရဲ့အေးစက်တဲ့လေစိမ်းတွေကြား Nabiရဲ့နှုတ်ခမ်းသားလေးဟာခြောက်သွေ့အပ်ကွဲနေပြီ... အလင်းခပ်စူးစူးကလာ‌ရောက်ထိတွေ့နေပြီး အိစက်သောအရာတစ်ခုပေါ်ရောက်နေသလိုခံစားရတာမို့ အိပ်နေရာမှနိုးလာလေလျှင် ညကလိုအပြင်မှာမဟုတ်ဘဲ အိမ်ထဲကဆိုဖာပေါ်ရောက်နေတာမို့ Nabiအံ့သြနေမိသည်...

" Jungkookချီလာတာလား... ဟာ.. မဖြစ်နိုင်တာ... Jungkookလား... ငါ့ကိုဂရုစိုက်မှာ..."

ဆိုဖာပေါ်မှာအိပ်ထားရတာမို့ ကိုယ်လက်များအနည်းငယ်နာနေသည်... လက်နှစ်ဖက်ကိုအနည်းငယ်ဆွဲဆန့်လိုက်သည်...

‌ဘာရယ်မဟုတ် ဘေးဘက်ကစားပွဲပေါ်ကိုအကြည့်‌ရောက်မိတော့ တွေ့လိုက်ရတာက နိုးဗူးတစ်ဗူးနဲ့စာတစ်စောင်...

နို့ဗူးလေးကိုလှမ်းယူလိုက်ကာ စာလေးကိုဖွင့်ဖောက်ကြည့်မိတယ်...

" Nabi shi.. နိုးလာရင် အရင်ဆုံးမျက်နှာသစ်ပြီး ဒီနို့ဗူးလေးကိုအဆာပြေသောက်ထားလိုက်ပါနော်... ဒီနေ့ CEOအိမ်ပြန်မလာနိုင်ဖို့ရှိတယ်ဗျ"

အာ... ဒါဆို အတွင်းရေးမှူး Park jiminကအိမ်ထဲထိပို့ပေးခဲ့တာပေါ့.. ဒါနဲ့များ သူပို့ပေးတာလားဆိုတဲ့ခပ်ကြောင်ကြောင်အတွေးကတွေးလိုက်သေးတယ်... ဟက်... ရူးပါ့ နာဘီရယ်..

နို့ဗူး‌လေးကိုယူကာ ဆိုဖာပေါ်မှထလိုက်ရင်း ထမင်းစားခန်းကစားပွဲပေါ်တင်လိုက်တယ်... ပြီးတာနဲ့ အပေါ်ထပ်ကအိပ်ခန်းလေးဆီသွားကာ ရေချိုးသန့်စင်ရန်ပြင်လိုက်သည်။

ထို့‌နောက်‌အောက်ထပ်ပြန်ဆင်းလာကာအတွင်း‌ရေးမှူးJiminပေးသွားတဲ့နို့ဗူးလေးကိုသောက်ပြီးတာနဲ့ ရေခဲသေတ္တာပေါ်မှာတင်ထားတဲ့ ဆေးသေတ္တာလေးကိုယူလိုက်တယ်...

သေတ္တာထဲကတံဆိပ်မပါ‌သောအဖြူ‌ရောင်ဆေးဗူးလေးတစ်ဗူးကိုယူပြီး တစ်လုံး‌ထုတ်ကာသောက်လိုက်သည်။ ထိုဆေးလုံးလေးတွေက jungkookကိုယ်တိုင်သောက်ထားခိုင်းခြင်းပင်... ဒီဆေးလုံးတွေကို တစ်နေ့တစ်လုံးပုံမှန်သောက်ခိုင်းတယ်...

ဆေးအလုံးရေမှတ်ထားတာမို့ လိမ်လို့မရ... ချစ်ရသူက‌ပေးတဲ့အမိန့်မို့ သေသေရှင်ရှင်နာခံမည်ဟုခံယူထားတာကြောင့်လည်းပါသည်။