يَغْمُرنِيٰ شَوّقًا

40

كملوا الكومنت 100 تعليق!!

.

.

.

.

مسك جواله بقهر من وقاحتها الزايده
وقال:احترمي نفسك تراك بمكان شغلي

قالت بشماته
:لا تسوي فيها مدير الفرع اقصاك عامل لا راح ولا جا

تقدم منها والعصبيه عاميته مسكها من يدها وسحبها
وقال:اللي يستحمل اشكالك م هنا غلطتي يابابا

فتح الباب ورماها على الارض وسط ذهول الموظفين
وقال:هالاشكال لا اشوفها تدخل المكان

قفل الباب بقوه نفس عصبيته والمكان يعمه الهدوء تحت
صدمتها من تصرفه

وقفت وهي تحس بقهر يسري بجسمها
وقالت:مكتب المدير وين

صرخت من سكوتهم
:اقولكم وين مكتبه ولا بتكونون مكانه
وانسوا شغلكم هنا

بينما عند هيثم اللي حاط يده على الطاوله وهو يغلي
من العصبيه وطلوعه من طوره ولاول مره بسبب هالبنت

اخذ نفس يهدي نفسه وهو م عارف شلون يتصرف مع هالمصيبه
وقال:مالي الا فيصل هو الوحيد اللي يقدر يتفاهم مع هالعله

اخذ جواله وهو يشوفه متصل فيه ورد عليه
وقال:اسمع ي فيصل ترا هالزفت خطيبتك زودتها
وانا وصلت حدي وش معني تجي لين مكتبي

قال فيصل
:شوي شوي اهدا عشان افهم

طرق باب هيثم ودخل سكرتيرة المدير
وقالت:استاذ هيثم المدير يناديك ضروري

ضحك وهو عارف ليش
وقال:اخذ هذي مشكله جديده تحطني فيها خطيبتك
المحترمه

عند فيصل اللي سمع كل شي وفهم كلام هيثم من
وقال:ماعليك انا اتصرف

فصل الخط وطلع مع السكرتيره وهو عارف ان هاليوم ماراح
يمر بسلام طالما هي موجوده!

دخل مكتب المدير وكانت موجوده وابتسامتها واضحه
وقالت:هذا هو

ناظره بهدوء ورفع يده
وقال:استريح ياهيثم

جلس هيثم بهدوء وعينه تتجاهل النظر فيها
وقال:حظرتك طلبتني

هز راسه المدير
وقال:جات لنا شكوى بأسمك وهذي اول مره

بلل شفايفه هيثم
وقال:امور خاصه

قال المدير بحزم
:مافي امور خاصه بمكان الشغل عندك شي تحله برا
المكان اما عندنا ممنوع وانت تعرف