هالمره تساهل ي اعزائي القراء في هالروايه عشانها
خلاص قربت للنهايه وبننهيها ونبدا بالجديده بس ها
ماراح اتساهل معاكم بالجديده من الحين اقولكم تكملون
الشروط فيها انزل اللي بعده ماتكملونه ماراح انزل لكم🤨
شرط البارت
100 كومنت❤️
.
.
.
.
ضحك سالم وهو يركض في ارجاء الحديقه وهو يسمع
عصبية الجده عليه وترميه بالحجر
قال سالم
:ماسويت شي والله
قالت الجده
:وبعد تكذب عيني عينك من خرب الزرع
قال سالم
:ليش انا طيب وش ابي فيها م اقرب منها حسب توصياتك
قالت الجده
:ولا الخدم لانهم منتبهين لها وانا م اخلي حد يسقيها غيري
قال سالم وهو ماسك الكرسي ومحتمي فيه
:وشلون استنتجتي انه انا
قالت الجده
:ماحد عتوي في هالبيت وخراب غيرك
بوز سالم
وقال:حرام عليك دايماً ظالمتني
دخل ذيب عليهم وهو راجع من برا
وقال:خاطري ادخل يوم م اسمع حسكم فيه امنيه
صعبه تتحقق؟
قالت الجده
:شوف يالذيب انا ذابحبه هالعتوي الملوي اليوم مابذني ماي
ضحك ذيب على القابها اتجاه سالم
وقال:ليش ليش بس وش سوا
قالت الجده
:موصيه ومنبه على الخدم مايقربون عليها وينتبهون من
هالجني عليها بس وش اقول ماعنده حرفه يسويها
راح يلعب بزرعي
قال سالم
:لا تلوميني لومي ولدك قلت له يشوف لي شغل مارضي
قال ذيب
:وانت وش لك بالشغل انثبر بالبيت
ضربت عصاها الجده بالارض
:لا مادام يبي شغل خليه يشتغل ان شاءالله لو معك
المهم يذلف من وجهي لا اذبحه
ابتسم سالم وناظر ذيب بأنتصار والجده دخلت للقصر
وهي تستغفر من كثر السب اللي قالته لـ سالم
قال سالم ببتسامه
:سمعتها وش قالت شغلني مالي دخل
قال ذيب
:اظن ان اتفقنا ياسلوم
بوز سالم وتقدم منه بزعل
وقال:لا لا م اتفقنا انت اللي اتفقت مع نفسك
قال ذيب
:ليش تبي الشقى حق عمرك
أنت تقرأ
يَغْمُرنِيٰ شَوّقًا
General Fictionعلاقات مُعقده وماضي يُؤرق حياتهم ومؤامرات تداخل وتُعكر صفوهم وهدوء حياتهم لتنقلب رأساً على عقب فهل سيستطيعون التغلب على كل هذا وينتصر حبهم.... ؛ لنتابع سوياً ونرا ماذا سيحدث من احداث في هذه الروايه ؛ تحمل عده من الكوبلات ولكل كوبلز علاقه مُعقده واحد...
