شُوگت مَيعجبك أحَچينيّ شگثر مَتريد
أذينيّ ،لمَلمَنيّ أعله ؏ُـرفك مْايّ و أچَفينيّ .
# عشك بنيتي
# ملاك الشيطان
........................................................…….
فزيت بخرعه م̷ـــِْن صاح الدكتور: مات
باوعت للدكاتره يتراكضون ي يعني ش شنوو
قصدهم مات هذوله شديحجون باوعت لزمرد
م̷ــن لزمت ايدي اطبط عليهة وهي مو احسن
من حالي تبجي ل ليش جاي تبجي هاي كمت
وكفت لحيلي اريد اعرف شنوو قصدهم انيي
صكري مايموت و و اذا سواهة اكيد اني وراه
ردت بس احد يكولي يفهمني شديصير اجاني
بابا لزمت ايده بسرعه اتوسل بيه ودموعي ت
توكع على ايده هو بقه مدنج يباوع لايده اني
كتله بضعف
:ب بابا حبيبي ش شنو صار ش شديكولونن
ف فهمني الله عليك
رفع راسه يمسح على شعري:اصبري يا روحه
لابوج اصبري
هديت ايده ارجع ليوره اهز راسي اصيح: لاا
لاتكولي اصبري بشنو اصبر لاتكولييي اصبري
انداريت م̷ـــِْن طلع الدكتور م̷ـن الغرفه عيونه
بالكاع يحجي بخيبه امل :مكدرنه نلحك عليه
اصلا انتو جبتوه ميت وكلبه متوقف.و الطلقه
صارت يم كلبه اكثر مكان خطر حساس البقاء
للالله
صيح عليه براهيم يلزمه م̷ــن ياخته يهدد :
كول غيرهة كول غيرهة شايف الي جوه هاا
اذا مايعيش انته وهلامستشفى امحيكم م̷ـِْن
الوجود
م̷ــن الخيبه الجتني ضحكت اي ضحكت ههه
وبصوت عالي لزم بابا وجهي خايفه: ع عشق
بنيتي شبيج كومي بنيتي
ابتسمتله بخفه بدون وعي:مات يعني هو راح
ماكو شي اسمه صكر بدنيا يعني بعد ماشوفه
ولا اتعارك وياه و لا استفزه يعني بعد ماشمهه
ولا احس بدفو جسمه لٱاسمع كلمه بنيتي منه
ولا يتغزل بعيوني بعد
صفنت بالكاع : ي ي يعني هاهيه عافني وراح
ماكو شي اسمه اياس
هزيت راسي ب اي رفعت نظري الهم:اذاا هو
ماكو معناتهة عشق هم ماكو
كمت م̷ـــِْن مكاني واني مقرره انتحر اموتتت
ولاا اعيش بدونه لزمني م̷ـــِْن ايدي بابا عتيته
اصيح: وخررر عنيي
حضني كامشني بقوه احاول افلت م̷ـــِْن ايده
:نياتي شبيج يروح ابوج كافي تسوين هيج م
ماا مات ما مات
صرت اضرب بصدره حتى يعوفني اصيح: لٱ
جذابين جذابين مات مات عافني
صرت مثل المخبله اضرب عشوائيا فقدت وو
وجودي ماله داعيي بعد اريد اروح اريد اروح
اله وخرت م̷ـــِْن بابا و رحت اوكف يم الجام...
فتحو لبرده وشفته شفت جسمه النايم عيونه
المغمضه حطيت كصتي على الجام ابجي و و
اباوعله : ليشش تريد تقهرني ليش تريد انتهه
تعوفني
أنت تقرأ
عشك بنيتي
Storie d'amoreأُحبُّكَ، رغمَّ إنيِّ أحبُ العِراق أكثر و رغمّّ أنكَ مِثلُ السُلطة ؛ لا تعِرفُ غير القمّعِ و قسوةُ القلبِ و قتليِّ بـِ أستمرار. (باللهجة العراقيه)
