ضعيفة لكني الاقوي ♥️..الجزء الاول..(الرواية الثانية من سلسلة قوة متمردة...)

ضعيفة لكني الاقوي ❤البارت الثااامن ❤♕

عند ندي وهي تجلس في المنزل بعدما قامت بترتيب وتنظيف المنزل ب اكمله لتلتهي به عن قلقها علي كريم
لتمسك هاتفها وتنظر الي رقمه تريد ان تسمع صوته ولكن خائفة من ان يكون مشغولا وتعطله
ثم فتحت برنامج واتساب بعدما حملته علي هاتفها
هي لم تمتلك هاتفا ولكنها تفهم به لامتلاك اصدقائها هواتف ذكية
لتجد كريم اونلاين
لتبعث له رسالة مضمونها عكس ما تشعر به اساسا
ندي وكريم في محادثة عبر الواتساب
ندي: قفشتك 😲
كريم: يا فضيحتشي 😱
ندي: 😂😂😂😂
كريم: طب كنتي قوليلي طيب كنت سترت نفسي 😂
ندي وهي تضحك بالفعل بجانب ضحكها ع الابلكيشن: 😂😂😂😂😂
كريم: كلتي والا لسة 😍
ندي: اممممممم
كريم: مكلتيش؟🤨
ندي: مش جعانه 😬
كريم: ندددددي 🤬
ندي: كنت قلقانه ف مجاليش نفس 😔
كريم: قلقانه من اي 😟
ندي: كنت خايفة عليك 😶
كريم بسعادة داخلية: يا حبيبتي تقلقي عليا من اي مش انا قولتلك ماتقلقيش!؟
ندي: معرفتش والله يا كريم قلقت عليك والف حاجة تيجي فبالي تخوفني اكتر..
تعجبت ندي من كريم الذي راي الرسالة واغلق الابلكيشن
ليصدع في الارجاء صوت رنه هاتفها ب اسمه
لترد علي الفور: كريم
ليدق قلب كريم بسعادة من نطق اسمه منها: قلب كريم
لتسكت ندي بصدمة وخجل
ليردف كريم بسرعة: اة صح... انا بكلمك عشان تلبسي شوية وهاجي اعدي عليكي ننزل نتغدا برا
ندي: طب منا محضرة الاكل هنا تعالي وناكل هنا
كريم بصوت عبلة كامل : انتشي مااااااالك.... مراتي وعاوز اعذمها ع الغدا برا تتدخلي بينا ليييية... انتشي مااااااالك 😂
لتضحك ندي بصوت عالي علي طريقته ليبتسم كريم بحب علي صوت ضحكتها ليردف بحب: البسي علي ما اجي مش هتاخر عليكي
ندي ب احساس سعادة لا توصف: حاضر
ليغلق كريم معها ويتنهد بحب كبير اتجاه ندي
يحبها...... نعم...... الحب لا يقدر بوقت.... او بشكل......
الحب روح تلائم روح اخري........ احساس ينتشلك من وسط زحام افكارك لركن هادئ يحمل جميع عواصف قلبك المحببه اليك....وقد وجد روحه معها فقط..... نعم ان يوسف وتامر علي حق قد تكون هي حب عمري ولن افرط بها......
ليطرق باب مكتبه ليدخل نادر بمرح: اي يا شق
كريم بضيق: اي يا زفت
نادر بهمس: ابو تقل دمك
كريم بغيظ: لدمك يا حيوان
نادر بدهشة من سماعه وهو يخمس في وجهه: الله اكبر من عيني عليك يا جدع سمعتني ازاي
كريم لم يعلق والتزم الصمت
ليردف نادر بجدية: طب دلوقتي فارس مش هيسيبك فحالك انت واخد بالك م الموضوع دا؟
كريم بنظرة مطولة: تفتكر اي
نادر بنظرة قلقه: نظرتك مش مرتاحلها بصراحة
كريم بغموض: لا ارتاح...ارتاح ع الاخر
لينظر الي ساعته ليري انه قد مر من الوقت نصف ساعه منذ ان اغلق مع ندي ليقوم ويلملم اشيائه و : انا نازل لو في اي حاجة كلمني ماشي؟
نادر بحشرية: رايح فين
لينظر له كريم نظرة مميته ليردف نادر بسرعة وخوف: طيب يا حبيبي الطريق طويل خد بالك من نفسك مش عاوز حاجة سلام
ليركض خارج غرفة المكتب ليبتسم كريم علي حركاته فهو لم يتغير ابدا ماذال سئيل كما يسمية كريم 😂
لينزل كريم ويركب سيارته ب اتجاة المنزل
+++++؛؛؛؛؛++++++++++++
عند ندي
بعدما اغلقت الخط مع كريم اسرعت ب اخذ حمام دافئ ليرتخي جسدها قليلا..... وبعد قليل من الوقت خرجت وهي تلف جسدها بفوطة كبييرة ثم انتقت
بنطال من اللون الاسود وتيشرت بكم وناعم من اللون الابيض وحذاء رياضي من اللون الابيض واكسسوارات باللون الاسود
ثم ارتدت ملابسها وتركت لشعرها العنان بعدما قامت بتسريحة بطريقة بسيطة
ليرن هاتفها ب اسم كريم
لتبتسم تلقائيا وترد علي الهاتف: الو
ليردف كريم: اي خلصتي والا لسة
لتردف ندي بتاكيد: اه خلصت
كريم: طب يالا انا تحت
ندي ب ابتسامة: حاضر انا نازلة اهو
لتنظر ندي لشكلها في المراه برضي
لتنزل له وعندما راها كريم وهي قادم اليه بطالتها الناعمة وكانها فراشة بيضاء رفرف قلبه بشدة وظل سارحا بها حتي انه لم ينتبه لدخولها السيارة والقاءها التحيه عليه لتستغرب هي من عدم رده عليها لتنادي عليه لتمسك يدة بغرض افاقته ليفيق فعلا ولكنه ظل ممسكا ليدها: ها
ندي ب استغراب: ها اي بكلمك بقالي شوية سرحان ف اي
كريم بحب: فيكي
لتنظر له ندي بصدمة تحولت لخجل عندما استمعت لكلماته التاليه: اي الحلاوة دي
ندي بخجل شديد.: شكرا
ليبتسم كريم علي حيائها
لتحاول ندي ترك يدها ولكنها امسكها ب احكام ولكن بلطف : خليكي
لتنظر ندي له ولم تفهم كلماته ماذا تعني لينظر لها كريم وابتسم ثم ادار السيارة وذهب
ليقول كريم وهو يسوق: ها يا ستي تحبي ناكل اي؟
لتقول ندي بحرج: اي حاجة
لينظر لها كريم ب استنكار: طب ناكل فين
ندي ب احراج اكثر: اي مكان
ليقف كريم علي غفلة لتشهق ندي كانت تفكر انه سيفعل حادث ولكن تبين عكس ذلك من كلامه
كريم بغيظ: عارفة يا ندي والله لو ما اتعاملتي معايا بندي اللي اعرفها انتي حرة جرا اي يابت هو انا عارفك كدا؟
ندي ب استغراب: كدا اذاي في اي
كريم بتنهيدة: بصي يا ندي انا عاوزك تلقائية زي ما عرفتك عاوزك تتعاملي معايا براحتك مش عاوز احس اني غريب عنك وتتحرجي تطلبي اي حاجة او تروحي اي مكان... افهمي يا ندي طول مانتي مراتي ف انتي شريكة حياتي يعني مش انا اللي اقرر كل حاجة ولا انتي تقرري كل حاجة احنا الاتنين نقرر كل حاجة مع بعض فاهمه وخليكي فاهمه حاجة يا ندي..... انتي عينك مش مكسورة قدامي بالعكس....... انتي زي مانتي ف عنيا بل واغلي كمان فاهمه
لتبتسم ندي رغم دموعها وتقول ببسمة امتنان: حاضر
ليمسح كريم دموعة بكلتا يديه التي تحاوط وجهها لينظر الي شفتيها التي ترتجف وفجاة جائت في مخيلته انه يقبلها ود حقا فعل هذا الامر ولكن لا يقدر علي فعل ذلك يخاف من ان تكرهه
ليبتعد عن وجهها ويعود للامساك بيدها لتبتسم ندي بخجل.....ليقول ببسمه: ها تحبي تاكلي اي
لتقول ندي ببسمة: فول وطعمية
ليقول كريم ب استنكار: ياريتك ما قولتي....
لتضحك ندي...ليردف كريم طب اي رايك المرادي ادوقك ع زوقي؟
ندي ب ابتسامة: تمام
ليذهبو معا الي محل كريب وطلب كريم اثنان كريب الدجاج الحار
ليتناولوة لتحب ندي هذه الوجبه كثيرا وعندما وجد كريم اندماج ندي في التهام طعامها امر النادل بتحضير اثنان اخران لتنتهي ندي من انهاء طعامها ولكنها لم تكن شبعت بالكامل لتري النادل وهو يضع امامها طبق به اثنان اخران لتنظر ندي ب استغراب ل كريم ليردف ب ابتسامة مغيرا سببه لعدم شعورها بالحرج: اصلي بصراحة بحب الاكلة دي جدا ونا جعان اوي ف مش هيكفيني واحد قولت اجيب ليا وليكي
لتبتسم ندي بخجل ليضع امامها واحدا اخر لتاكل وما ان انتو حتي ذهبو للتنذهه والي الملاهي وما ان شعرو بالتعب ذهبو الي المنزل
كريم وهو يجلس بتعب: ااااااااااة يالهوي مش قادر
ندي وهي تجلس بتنهيد وشعور بالسعادة الكبيرة بقلبها: انبسطت اوي انهاردة 😍
كريم وهو ينظر لها بحب: يارب دايما افضل اسعدك كدا علي طول 😍
ندي بتلقائية وسرعة: انت طول مانت جمبي انا هبقا مبسوطة
ليصدم كريم من ردها لتصدم هي الاخري من ما قالت ف اخفضت وجهها علي الفور خجلا من ما قالت ولكنها شعرت بشيئ بداخلها يحثها علي قول ذلك ف من طبيعتها انها تحكي كل شيئ بداخلها
ليبتسم كريم بعشق واضح وهو ينظر لها
ليقول بحب وبصوت هادئ: وانا مش محتاج اكتر من كدا
لترفع ندي وجهها لة بخجل ليبتسم لها بحب لتردف بتوتر: احم طب.. طب..انا...انا...هطلع انام....عاوز حاجة تصبح علي خير
لتركض الي غرفتها لينظر كريم ب اتجاهاها ليتنهد وذهب هو الاخر الي غرفته لينام ب ارتياح
#########
في منطقة اخري ف احدي المساكن المهجورة يجلس فارس بغضب وهو يقول بعصبية: بقا الكلب دا يلعب عليا انا اللعبه دي
احد رجالة: اهدي يا باشا مش كدا
فارس بعصبية: انت تخرس خالص.... انا عايزو ميت
ليردف الاخر: طب يا باشا مش هو كسب الصفقة طب ما الصفقات اللي جاية كتير
فارس بعصبية وقد صرح بكل ما لدية: صفقات اي اللي جاية انا كنت عاوز اوقع ابن الصياد ب اي شكل م الاشكال...... انا كدا كدا الشركة دي مش فارقة معايا انا الفلوس اللي عندي دي تكفيني عمري كلو
الرجل : الله طب لما هو كدا يا باشا لية عاوز توقع ابن الصياد
فارس بعصبية: ماهو يا غبي الشركة دي لازم تكبر لان الشركة دي اللي بغكي بيها علي كل الفلوس اللي باخدها من ورا المخدرات والسلاح ف لو فضلت كدا ومابنشغلهاش هتبقا العيون علينا.... وغير كدا ابن الصياد شركتو الاعلي و بياخد كل الصفقات ولما رشحتو للجماعه وكلموة ان يبقا معانا مارضاش ف سيبنلي انا مهمه اقناعو يا قتلو فهمت
ليقول الرجل وهو يدوس علي زر بهاتفه: فهمت اوي يا باشا
ليجد الشرطة فجاة تحاصر المكان
لينصدم فارس من الذي حدث ليخرج مسدسة ويشير علي هذا الرجل بجنون: انت بلغت عني.... انا مش هموت لوحدي انا هموتك
ليردف الرجل بعملية ل العساكر: دا محضر كمان فوق المحاضر الموجهه ضدو
ليقول فارس بغضب: انت مين انت
ليردف الرجل.: انا الظابط المكلف بمتابعه قضيتك
ليطلق فارس النار عليه ليصاب الضابط في ذراعة ليمسكة العساكر ويتم القبض علي فارس
...........
وقد تم القبض عليه ومحاكمته بالاعدام شنقا لتجارته ف الاعضاء والسلاح والمخدرات وتم هدم شركته............
ومر هذا الوقت اكثر من شهر
وكل الايام مثل ما هي
شهد ويوسف وتامر كعادتهم مع بعضهم البعض الا اختلاف واحد وانه تم تحديد موعد زفاف شهد ويوسف بعد عدة اشهر لحين تخرج 🎓 شهد ويوسف وتامر
اما ندي وكريم ف كانت الايام بينهم جميلة جدا حيث ان ندي بدات تشعر ب احاسيس جميله اتجاة كريم واعترفت بداخلها بحبها لة ولكن لا تقوي علي قولها له ف ماذال بداخلها معتقدة انه لا يرغب ب اكمال باقي عمرة معها وانه قد تزوجها شهامة منه لا اكثر

وفي يوم
استيقظ كريم علي صوت هاتفه يرن كثيرا فقام ب انزعاج ليري اسم نادر علي هاتفه ليرد عليه بصوت اجش تاثير نومة: الوو
نادر بمرح: اي يا باشا انت نايم والا اي
كريم وهو ينظر للساعة: انت رانن عليا الساعة 6 الصبح يوم اجازتي تقولي انت نايم والا لا بزكائك كدا هكون بعمل اي
نادر بسماجة: يبقا لسة نايم..... طب قوم عشان انا معزوم عندك انهاردة
كريم ب استغراب: دا مين اللي عزمك عندي
ليردف نادر بضحك: انا لقيت نفسي قاعد فاضي قولت اعزم نفسي عندك 😂
ليردف كريم : يالهوي ع الرخاااامة
نادر برخامة: حبيب قلبي تسلم هبقا عندك انشالله الساعة 3 العصر كدا
كريم بتنهيدة: ماشي يا زفت....اختك وراها حاجة انهاردة؟
نادر ب استغراب: لا لية
كريم: طب هاتها معاك
نادر بحدة: تيجي تعمل اي بروح امك
كريم ببرود:منا مش هسيب مراتي قاعدة لوحدها عشان اعد مع اهلك
نادر بصدمة: انت اتجوزت!؟
كريم ب ابتسامة: اة... لو اختك معندهاش حاجة هاتها معاك
لينهي المكالمة بدون ان يسمع ردة....ثم جلس يفكر قليلا... ليتصل علي يوسف
ليدعوة اليوم هو وتامر وشهد ان ياتو ليجلسون مع بعضهم
لينهض وياخذ حماما
ليخرج من غرفته ليجد امامة ما صدمة.....
♡♡♡♡♡♡꧁꧁꧁꧁꧂꧂꧂꧂

الباارت خلص كدا واتمني يعجبكم ❤
قولولي رايكو ف البارت + اي توقعاتكو للبارت الجاي ❤
فووووووت كتيير وكومنتس بقاااا 😂💋❤