ضعيفة لكني الاقوي ♥️..الجزء الاول..(الرواية الثانية من سلسلة قوة متمردة...)

ضعيفة لكني الاقوي ❤البارت الحادي عشر ❤♕

وقفنا المرة اللي فاتت
في صباح يوم جديد علي ابطالنا

صحيت شهد مالقتش يوسف موجود ولما خرجت لقت امها اللي قالتلها ان يوسف فطر مع ابوها ونزلو من بدري قعدت فتحت التليفزيون لتقلب بملل وتوقف عند خبر صدمت بشدة مما رات: ينهار اسود.... ندي.......
لتتصل بندي علي الفور ولكن لسوء حظها ف ان ندي ما ذالت نائمة وهاتفها في وضع الصامت
لتتصل سريعا علي يوسف الذي اجاب بمرح: اي دا لحقت وحشتك والا اي 😂❤
شهد بفزع: الحق يا يوسف ندي
يوسف بهدوء: مالها ندي
شهد بفزع: عيلة ندي يا يوسف مقبوض عليهم وجايبينهم ف الاخبار وان اي حد من طرفهم هيتجاب
يوسف بمكر: طب و اي يعني
شهد ب استغراب وغضب : هو اي اللي اي يعني انت بتستعبط يا يوسف...ما كدا ندي هتتجاب وكلهم كدا هيعرفو طريقها
يوسف ببساطة: ما جوزها معاها
شهد بصدمة علي ردة: يوسف في اي انت بتتكلم كدا لية
يوسف بهدوء: اهدي انتي وماتقلقيش علي ندي اكيد جوزها هيخلي بالو منها
شهد بشك: يوسف انت عارف حاجة عن الموضوع دا
يوسف بعبث: هاتي بوسة وانا اقولك
شهد بغضب وخجل: يوسف اتلم وانجز
يوسف بمكر: طب والله منا قايلك حاجة غير لما تجيبي بوسة الاول 😂
شهد بغضب: يوسف مابهزرش
يوسف: اقفلي ابت دلوقتي اما اخلص شغلي هكلمك...او اقولك هجيلك اخد البوسة 😂
ليغلق قبل ان يسمع ردها الغاضب
لترن مرة اخري علي ندي ومرة اخري واخري الي ان ملت من الاتصال
وبعد وقت طويل تستيقظ ندي وكان الوقت قارب علي الساعة الثالثة عصرا
ندي وهي تفتح عينيها لتشعر بثقل علي صدرها لتنظر بتلقائية فتجد كريم ينام علي كتفها ويحاوط خصرها بشدة فظلت تنظر لة وهو نائم وكم هو وسيم وهو نائم شعرة الغير مرتب والذي ينزل علي جبهتها بعشوائية مرورا بذراعة التي تحاوطها بشدة وكانة خائف من ان يتركها
لتضع يدها علي كتفه حتي تبعد يدة ليشدد من احتضانها اكثر لتتنهد ندي وتسكن وهي تنظر لة ثم وضعت يدها علي شعرة وظلت تعبث به بهدوء ليبتسم كريم وهو مغمض عينيه لتراة ندي فتبعد يدها بسرعة و ندي بتوتر وصوت خافت: صاحي؟
كريم: امممم
ندي: طب عايزة اقوم
كريم برفض وهو ما زال نائما علي وضعة: خليكي شوية
سكنت ندي بهدوء مرحبة بكلامة ليردف بشرود: عارفة
ندي: اممم
كريم: عمري ما حسيت براحة فنومي اد وانا نايم معاكي.......عيت طول عمري لوحدي محستش ابدا بحنية ام او سند اب اهلي سابوني اعيش لوحدي مفكروش فيا اصلا.......كول عمري كنت اخاف اقرب من جنس الحريم دا نهائي......خايف اكون عيلة اصلا....خايف ابقا زي ابويا عشان كدا كنت رافض العلاقات تماما........بس اول ما شوفتك وانا حسيت ان انتي اللي هتبقي معايا.....انتي اللي علي ايدك هتتغير حياتي وهتبقا احسن وهيبقا عندي عيلة
لتنظر لة ندي : ماتو ازاي
كريم نهض بجزئه العلوي ورفع راسه ونظر لها بعض الثواني ثم نطق بما صدم ندي: ابويا قتل امي
ندي بصدمة: اي؟
كريم: ابويا دخل البيت لقي امي مع حد تاني وشوفت ابويا وهو بيقتلها وقتل اللي كان معاها وبعدها قتل نفسو
ندي بصدمة وهي تنظر ل كريم وعيناها امتلئت بالدموع فكيف تحمل هذا المشهد كيف لطفل صغير ان يري مثل هذا المشهد الدموي ما ابشع هذا الذي مر به
لتحتضنه ندي بشدة وهي تبكي ليبتسم كريم ب الم: عارفة يا ندي.....انا رغم كل اللي حصل دا انا مازعلتش عليهم كتير او حتي حياتي وقفت عليهم لان اصلا محدش فيهم كان بيهتم بيا او بيسال عليا حتي.....
لتردف ندي وسط بكائها: واستحملت كدا ازاي
كريم ب ابتسامة: ربنا مبيسبش حد يا ندي
لتشدد ندي من احتضانه وظلو هكذا بعض الوقت لتبتعد عنه وهي تنظر في عينيه: هنعمل عيلة وهنعوض فيها اللي انا وانت اتحرمنا منو وهتبقا احسن عيلة ف الدنيا ❤
ليبتسم كريم بشدة ليمسك يدها ويقبلهاو: مغلطش لما اخترتك يا احسن حاجة ف دنيتي
لتبتسم ندي بشدة ليحتضنها كريم وهو يقول: ندي
ندي وهي محتضنة اياة: اممم
كريم: عايز اقولك علي حاجة
ندي: قول
كريم: انا ب..
ليري هاتف ندي يرن ب اسم شهد فعلم ما تريدة شهد ليقول وهو يبتعد عنها: تليفونك بيرن
لتنظر ندي الي الهاتف لترد علي شهد
ندي: الو
شهد بفزع: ندي الحقي بسرعة
ندي بخضة وصوت عالي: في اي يا حلوفة
شهد بسرعة: افتحي التليفزيون بسرعة ع قناة..... انتي تعرفي بسرعة
لتنزل ندي الي الصالة بسرعة ركضا ليلحق بها كريم ب ابتسامة واثقة
لتفتح ندي التلفاز كما قالت لها شهد لتري اخبار عمها واولاد عمها مقبوض عليهم بتهمه تجارة المخدرات و الاعضاء وايضا العثور علي جثث مدفونة في ارضهم التي احترقت عندما كانت الشرطة تحقق في حرق الارض
لتصدم ندي من منظر ابن عمها فهو الوحيد الذي راته مع خالد من عائلتها وهو يتشاجر مع العساكر حتي يهرب لتنظر ل كريم بعيون مليئه بالدموع فنظر لها بقلق من انها تغضب عليه لاجل ما فعل لاجلها لتشاور بيدها علي التلفاز وتهبط دموعها بشدة ثم قالت بصوت متقطع جعل كريم يسرع لها ويحتضنها براحة وشدة: ا...اخد...اخدو جزاتهم.....شوفت...شوفت حصلهم اي.......حق بابا وماما يا كريم.
ثم اجهشت بالبكاء ف اخيرا تحررت...اخيرا قد تحررت من خوف دام لاكثر من 16 عشر عاما....فها هو حق والديها يسترد امام اعينها
كريم وهو يحتضنها بشدة: المهم انتب تبقي مرتاحة اكيد؟.....انتي مش زعلانة عشانهم..؟
ندي برفض قاطع: ابدا انا لا يمكن ازعل علي الناس اللي بسبب عيشت انا واهلي فرعب لو مكنوش عملو فينا كدا مكانش بابا هرب منهم مكانش زمانا كنا عايشين فقرا مكناش هنركب ميكروباص مكنش هيحصل الحادثة كانو هيبقو اهلي لسة معايا بسببهم انا حياتي معشتهاش زي بقيت الناس بسببهم هم ودا جزات اللي عملوه هم ازوني وربنا بعتلهم اللي يئزيهم
كريم بخبث: يبقا كدا لازم نشكر الراجل اللي عمل كدا
ندي ب استغراب: ازاي دا هو احنا نعرفو؟
كريم بخبث وهو يستعد للذهاب: انا رايح مشوار صغير كدا وجاي مش هتاخر
ندي بتساؤل: رايح فين
كريم بحدة مصطنع: لا بروح خالتك جو رايح فين وجاي منين الشغل دا مبحبوش
لتنظر لة ندي بندم واحراج ليردف بسرعة ومرح مصاحبها بغمزة: بس عشانك انت احبو يا جميل
لتبتسم ندي ب خجل لتنظر له منتظرة اجابة سؤالها ليردف هو: اما ارجع هتعرفي
ليقبل راسها ثم نزل مسرعا ليتركها في حيرة من امرها لتنظر ل الصالون لتجدة في متبعثر بشدة لتتنهد وتبدا في تنظيف هذه الحوسة اما عند كريم
نزل الي سيارته ليتصل علي محامي شركته و
كريم: اهلا وسهلا استاز فايز
فايز: كريم باشا بنفسو افتكرني
كريم ب ابتسامة: معلش والله انت عارف الشغل بقا
فايز: لا باشا ربنا يعينيك
كريم بغموض: بقولك اي عاوزك ف موضوع بس خارج الشغل
فايز: انت تؤمر يا باشا
كريم:......................
فايز بدهشة: تمام يا باشا مسافة السكة اكون هناك مستنيك ومجهزلك كل حاجة
ليغلق معه كريم ثم انطلق الي القسم لينجز اخر خطوة في اخذ حق زوجته ومحبوبته
••••••••••••••••••••••••••••••••••
ف مكان اول مرة نروحو
في بيت سيد
كان ياكل طعامة وسط زوجته واولادة لياتيه اتصال من رقم مجهول فيرد سيد و
سيد: السلام عليكم
..........: وعليكم السلام ورحمه الله وبركته
سيد: ايوا مين معايا
.........: معقوله نسيت صوتي يا سيد يا شقفي؟
سيد بصدمة: انت....؟
........: ايوا انا
ف ابتعد سيد بسرعة عن اسرته فدخل غرفته واغلق الباب جيدا ثم تابع بصدمة
سيد بصدمة: انت عايش...؟....ازاي
........: مش مهم ازاي......المهم ان الماضي يتصلح وكفاية ظلم بقا...
سيد بصدمة: هو انت اللي اتظلمت؟
.........: مش انا بس......انا وهو
سيد بغضب: لو قربتلو موتك هيبقا علي ايدي ومحدش هيخلصك مني انت فاهم؟
........: انت اللي لازم تفهم انا جاي اصلح اللي اتدمر زمان ومحدش هيوقني سلام
واغلق المكالمة هذا المجهول فنظر سيد حولة بضياع ف ماذا سيفعل وما سيكون رد فعله وماذا سيحدث هل سيعيد الماضي نفسه ام ماذا سيحدث
ليجلس علي طرف السرير ويفكر ولكن لم يجد حل سوي ان يعلمه بما حدث
ليردف بقلق: جيب العواقب سليمة يارب واحميه من اي شر..
لينهض ويذهب الي اسرته وهو يرسم ابتسامة حتي لا يقلق احدا من افراد اسرته
••••••••••••••••••••••••••••••••••••••••-•••••••••
في القسم
تصل سيارة كريم الي القسم ليركنها ثم ينزل بكل وقار وهيبه وغرور ليدخل القسم وتابع سيرة الي ان ذهب لغرفة معينه و
كريم للعسكري اللي علي باب غرفة الظابط: اسر بيه هنا يا دفعه!؟
العسكري: ايوا يا فندم اقولو مين
كريم بغرور: قولو كريم الصياد
ليدخل العسكري يبلغ الضابط ليخرج ويسمح لكريم بالدخول
فيدخل كريم بكل وقار وهيبه لينظر ب اتجاهه كل الموجودين و
اسر بترحاب: كريم باشا اهلا وسهلا شرفت...
ليقاطعة صياح ابن عم ندي الذي ضربه كريم: انت جاي اهنه ليه بعتاك هي تشمت فينه والا تكونش هي اللي ا
ليقاطعة صوت كريم الجوهري: كلمه كمان وعهد الله لهخلي رقابتك تلف زي الساقية علي جسمك وهخليك مكان جزمتي...
ليصمت الاخر بعدما نكزة ابيه بجانبه
لينظر كريم ل اسر الذي ينظر له ب ابتسامة ف شخصية كريم يعجب بها الكثير جدا
ليقول كريم ب اعتذار: اسف يا اسر باشا بس ماينفعش اسكت ع مهزلة زي دي
اسر: دا حقك يا كريم باشا......المهم كنت عاوزني ف اي
كريم وهو ينظر له نظرة فهمها اسر: انا محتاج اكلمهم كلمتين لو سمحت
اسر بعد عدة ثواني: تمام يا باشا بس ياريت اعصابنا تبقا هادية
كريم ب اماءة : تمام يا باشا.....ومعلش المحامي بتاعي هيجي كمان شوية ياريت يدخلي علي طول
اسر: تمام يا باشا اسيبكم انا
ليخرج اسر ليقف كريم بكل غرور و : طبعا انا مش جايلكم هنا عشان اشمت فيكو ولا الكلام دا لان اللي بيشتمت دا مش راجل ولا دي حركات رجالة دي حركات نسوان زيكو بالظبط كدا...
ليجد ان صوتهم يرتفع معترضين علي حديثة
ليرفع صوته ليصمتو جميعا: اخرسو.....كل واحد فيكو عاملي دكر دلوقتي؟!....كنتو فين يا رجالة لما اخوكو مات....كنتو فين لما بنتو اتربت بعيد عن بيت اهلها......كنتو فين لما البنت كبرت واتعرضت للاساءه مكنش حد فيكو موجود ودا كلو مش فارق معاكو انتو كل اللي فارق معاكو الفلوس اساسا انتو اللي ذيكو ماينفعش يتسمو رجالة انتو كلكو علي بعض كدا نسوان........
لينظر له عم ندي: وانت مين عشان تتكلم معانا كدا
كريم بثقة: انا جوزها......انا اللي سندتها وهفضل اسندها واحميها طول منا عايش وفيا نفس انا ضهرها القوي اللي عمرو ما هيكسرها ......ثم تابع بفحيح افعي...وانا اللي هاخد حقها وحق كل السنين دي كلها
لينظر له عمها بتوتر: يعني اي
ليدخل محامي كريم ومعه بعض الاوراق ليمدها لكريم: اتفضل يا باشا كلو تمام
لياخذ كريم منه الاوراق ليضعها علي مكتب الضابط ليقول بثقة: انتو هتمضولي ع الاوراق دي
ليقول عم ندي الاخر: اوراق اي دي
ليتابع كريم بثقة: دي اوراق بتثبت ملكيه ندي ل تلت الميراث بما انكو تلت اخوات رجالة بس ف المفروض لكل واحد فيكو التلت ف حق ابو ندي تلت اللي تملكوه بحق ربنا اهو
ليغضبو جميعا واردفو: اي الهبل اللي عتجوله دا الفلوس دي فلوسنا احنه دا املاكنا والبت دي مالهاش حاجة عندينا واصل وماعنديهاش حاجة
ليبتسم كريم بخبث ليخرج تليفونه ليفتح هاتفة ثم تحدث مكالمة فيديو ليرد عليه رجل ويبدو عليه القووة ليقول كريم له: بقولك اي...ماتوريني كدا الحو عندك عامل اي لحسن الجو حر هنا
ليدير الرجل الكاميرا ليبتسم كريم برضا وخبث ليلف الهاتف لينظرو اعمام ندي واولادهم ل شاشاة الهاتف ليصدمو من ما يرون ف الاسلحة مصوبة علي رؤس زوجاتهم وامهم واخواتهم من قبل رجال مقنعه
ليري كريم صدمتهم فيبتسم بخبث ليردف مضغطا عليهم: دول غير اللي فوق ف الاوضة طبعا اللي عرفتو انهم حريم برضو بس انا مستعيب ادخل رجالة عازبة علي حريم متجوزة بس لو طولتو اكتر من كدا عادي جدا كلمة واحدة ويكونو داخلين.......وغير كل دا انا ممكن بتليفون بس كل فلوسكو اللي ف البنك واللي ف البهايم والبيت كل دا اخدو برضو وهتبقا بالغصب وهتبقو ع الحديدة بس انا راجل عادل.....بدل ماتبقو ع الحديدة و بتاكلو تراب و تبقو قدام الناس علي كتافكو عار واظن انتو فاهمين العار ف الصعيد عامل ازاي.....احسنلكو تمضو هنا ندي تاخد حقنا وانتو تاخدو حقكو ويا دار ما دخلك شر...ها
لينظر لبعضهم بعجز ليبتسم كريم بخبث ف قد وصل ل مبتغاه ليمضو جميعا علي تسليم ندي حقها واغلق كريم الملف ثم تحدث ف الهاتف يحث رجالة علي الخروج من المنزل وعندما انهي مكالمته كان علي وشك الخروج ليرجع كريم لهم وبنظره ثاقبة: ندي لو لقيتها قالتلي انها لمحتكو ف سكة وانتو بصيتولها مش هتعيشو ع الدنيا ثانيه انتو دلوقتي بتتحاسبو ع اللي عملتوه طول السنين اللي فاتت كلها وكل اللي فات كوم واللي جاي كوم....تبعدو عن ندي خاااالص ماسمعش عنكو طول حياتنا....ثم تابع بتهديد عشان افضل حلو معاكم
ليوافقو علي كلامه ليخرج كريم مع محامية ليشكر اسر كثيرا
ليخرج من القسم ب ارتيااح شديد ليعطي الاوراق الي المحامي و: قدامها اد اي دي عشان تتوثق ونقدر نستلم ميراثها
المحامي: ساعتين بالكتير يا باشا واكون موثقهالك دي مش هتاخد كتير لان معظمها كاش مش املاك
كريم: تمام.....ساعتين وهعدي عليك تكون مظبطلي كل حاجة
ليذهب المحامي في طريقه ويركب كريم سيارته ويذهب بطريقه الي مكان ما لياتي في باله ندي وكم اشتاق لها ليتصل بها لترد ندي و
ندي: الو
كريم بحب: وحشتيني
لتبتسم ندي بخجل: احم انت فين
كريم بحب وعبث ليجعلها تخجل اكثر: وحشتيني
لتبتسم ندي ولم ترد
ليبتسم كريم ليتابع بمرح: يابت بقولك وحشتيني مش هتردي عليا؟ 😂
لتخجل ندي كثيرا: كرييييييم
كريم بحب: عيونو..
لتبتسم ندي بحب: انت فين دلوقتي؟
كريم بعبث: عاوزاني ف حاجة والا اي
ندي: لا
كريم بزعل مصطنع : اي دا يعني مش عايزاني؟
ندي بسرعة: لا عايزاك
كريم بعبث ومرح: عنيا جايلك اهو
ندي بخجل وصدمة: يا كريييييم
كريم ضحك بصوته كله ضحك جامد
لتبتسم ندي علي ضحكته ليقول كريم بعدما انتهي من ضحكة: ياستي انا كنت بعمل حاجة كدا تبع الشغل وف الطريق للمحامي بتاع الشركة هخلص كام حاجة كدا واجيلك
ندي ب اماءة: خلاص ماشي خلي بالك من نفسك
كريم بحب: عيوني يا جميل.....محتاجة حاجة اجيبهالك وانا جاي؟
ندي ب ابتسامة: لا عاوزة سلامتك
كريم: تسلميلي يارب 😍
ليغلق معها الهاتف ويقف امام محل هدايا كبير جدا
ليدخل ثم امسك ب عربة تسوق كبيرة ليضع بها صندوق هدايا كبير جدا ثم ظل يتجول بين الهدايا ليحضر دبدوب باندا كبير جدا طولة يقارب طول ندي 😂 واحضر اكسسوارت ايضا وعطور فاخرة ثم احضر ساعتين كابل زكية من خلالها يمكنك معرفة موقع الاخر وايضا يمكنك ان تبعث ب اشارة للطرف الاخر و رسائل صوتية ايضا ثم ذهب الي مكان الشيكولاتات ليحضر الكثير من شيكولاته نوتيلا والبابلي والقهوة التي تحبها والنسكافية ثم زهب الي قسم ادوات التجميل ليحضر الكثير من الوان طلاء الاظافر الفاخرة الجميلة وفي نفس الوقت الهادئة ثم انتقي بعض انواع الروج الهادئ والجرئ وهو ينتقي ظلت الفتايات ينظرن اليه ويضحكون لتذهب له فتاه منهم وهي من الذين يعملون بهذا القسم لتساله برقة: حضرتك بتدور علي حاجة معينة؟ ممكن اساعدك
كريم: اة والله جيتي ف وقتك..انتو ك بنات اما بتجيبو حاجات من دي اي الحاجات اللي بتحطوها كلوكو يعني اللي بتجتمعو عليها كلكو
الفتاه بتفهم: اة فهمت حضرتك دي تقريبا اول هدية تجيبها
كريم: ايوا
الفتاة: طب ممكن توريني اللي حضرتك جايبو عشان اشوف هتاخد اي غير دا
ليريها كريم ما اجلب من ادوات تجميل..لتشير له ل اشياء كثير ثم وصلت الي العدسات للعيون ليقول لها كريم: لا خلاص تمام كدا مش لازم عدسات
الفتاة: لية حضرتك العدسات فعلا بتفرق ف شكل العين
كريم بحب و ابتسامة جميلة: هي عنيها مش محتاجة اي حاجة.....احم تمام خلاص شكرا جدا لحضرتك....ثم اخرج بعض النقود ليعطيها للفتاه شكرا لمساعدته
ثم خرج الي الكاشير ليحاسب علي ما اخذ ثم زهب للرجل الذي بعدة ليغلف الهدية وبنظمها ليقف ليقول للرجل وهو يعطية بعض النقود: معلش بس انا اللي هوضب الهديه
ليوافق الرجل ب استغراب وينظرن الفتايات بحب لهذا الشاب فكل فتاه تحلم برجل كهذا ليغلف كريم الهدية بحب شديد ولكن وضع الباندا في شنطة كبيرة وبعد انتهائه من ضبط الهدية خرج الي السيارة ووضع الهدية في الخلف ليذهب الي المحامي ثم اخذ الاوراق منه وذهب في طريقه لمحبوبته الذي اشتاق اليها بشدة ❤❤❤❤
♕♕♕♕♕♕♕♕♕♕♕♕♕♕♕♕♕♕♕
بارت طويل اهووووو اعتزار عن التاخييييير
وانتظرو انشالله اللي جاي
اكتبولي رايكو اي ف البارت واي توقعاتكو للي جاي
+++++ بحبكو جدا + ميرسي جدا للناس اللي دخلت سالت عليا واللي كتبتلي كومنتس دي فرحوني جدا بجد ❤❤
و يا جماعة دا اكونت الانستا تبعي للي عاوزين يتواصلو معايا
ghazal_ana22

https://www.instagram.com/invites/contact/?i=1dflkhvum816&utm_content=g2a9vi4