ضعيفة لكني الاقوي ♥️..الجزء الاول..(الرواية الثانية من سلسلة قوة متمردة...)

ضعيفة لكني الاقوي ❤البارت الثاني ❤♕

وقفنا المرة االي فاتت عند ندي لما كريم صحي وندي دخلت المطبخ تحضر الاكل
خرجت ندي لتدهش مما رات و
ندي بدهشة: انت بتعمل اي...؟
وكان كريم يرتدي قميصة وحذائة وعلي وشك المغادرة ليقف علي صوت ندي المندهش
كريم و هو ينظر لها: همشي انا مش عارف انا هنا ازاي او لية او حتي انتي مين؟
ندي نظرت له ب ياس وتقول في بالها: واضح انه عنيد
لتضع الطعام علي السرير وتذهب ثم تمسك بيدة لتجعله ينسحب خلفها تحت استغرابة ليقف بثبات وندي تشدة بقوة وهو لا ينزاح لتنفض يدة بضيق ومرح: يا شيخ بقا يا شيخ بقا عماله اشد ف حيطة؟
لينظر لها كريم بحدة لتقول بتوتر: مش انت لا اوعا تفكر ..... بس بعد ازنك اتفضل اقعد وانا هفهمك
ليذهب كريم ويجلس علي الاريكة لتقول ندي ب اعتراض: لا بص حضرتك انت تيجي من سكات كدا عشان انا جعانه ومستنياك تفوق عشان ناكل سوا لان انا مباكولش لوحدي ف اتفضل 😂
لينظر لها كريم بشبح ابتسامة ليقوم ويجلس علي السرير وينظر للطعام علي الرغم من بساطته الا انه يبدو شهيا
لتقول ندي بمرح: لالا اوعي تقولي انك مكسوف بقا وتاكل نونو نونو والشغل بتاع الناس الهاي اللي تقريبا انت منهم ف شغل نفسك كدا وكل عدل بدل ما اكلك انا اهو احسن مانت عامل شبه خله السنان كدا 😂
كريم ب ابتسامة: والله... امال مين اللي كان عامل شبه الحيطة من شوية 🙂
ندي ولا تدري ما تقول لتردف بمرح: هرد عليك بعد الاكل الاكل مش عليه كلام 😂
ليبتسم كريم ويبدا في الاكل ليدق الباب لتقوم ندي وتفتح الباب لتجد تامر ويوسف ويدة تمسك بحقيبه واليد الاخري بها شهد ليدخلون جميعا ثم يتعرفون علي كريم ويفتحون الحقيبه التي بها بعض الطعام ليخرجو الطعام ويجلسون جميعا يتناولوة ليحب كريم هذا الجو الدافئ
ثم ان انتهو من الطعام جلس الشباب يتحدثون في موضوع الحادث ليخبرو كريم بما حدث والفتايات تعد الشاي
ليقول تامر بتفكير : امممممممم ممكن يكون دا حادث مفتعل
ليقول كريم ب ابتسامة: لا هو مش ممكن دا اكيد ..... ثم اردف بتساؤل...... طب انا موبايلي بيبقا ف جيبي علي طول محدش شافو خالص
♕♕♕♕♕♕
قبل قليل ف المطبخ
ندي بعدما حكت الحلم ل شهد
لتقول شهد بحيرة: يمكن الراجل دا وراة مشاكل او في حاجة ف حياتو تعباة
ندي بحيرة: مش عارفة يا شهد بس انا حاسة ب مسؤلية ناحيتو ازاي مش عارفة
شهد بغمزة حتي تخرج صديقتها من ضيقتها: ايوا ياعم بقا
ندي بضحك وبعض الخجل: اتلمي يا جزمة اوعي اما اطلع اوعي
لتخرج ندي علي سؤال كريم
كريم بتساؤل: طب انا موبايلي بيبقا في جيبي علي طول محدش شافو خالص؟
لتقول ندي بمرح: ايوا يا عم تلاقي الجماعة بترن عليك م الصبح 😉
ليضحك كريم علي مرحها ولم يعلق
ندي : هتلاقيه تحت المخدة انا خرجتو من جيبك قولت ارن ع اي حد لقيتو بباس وورد ف حطيتو تحت المخدة
كريم ب امتنان: متشكر جدا يا انسة والله ومتشكر بجد ليكو يا شباب علي اللي عملتوة معايا
لتقول ندي بمرح: ياسيدي ماتقولش كدا وبعدين انت عملت فينا جميل ياعم اهو نشوف اشكال جديدة نضيفة بدل العاهات دول
ليلتف لها تامر ويوسف وينظرون لها بغضب: لتضحك ندي بتوتر بينما شهد تضحك بشدة عليهم فهذه عادتهم
ندي بتوتر وضحكه بلهاء: مش انتو انتو حبايبي انتو انا قصدي ع الناس اللي برا
لينظرون لها بشك لتنظر لهم ب استعطاف
ليستديرو لتشتم ندي في سرها عليهم ليراها كريم ويبتسم لتنظر له بسرعة وتشاور له ان يصمت
ليؤمئ لها
لتبتسم ب اتساع
ليقول كريم ب ابتسامة: صحيح انتو اخوات والا قرايب والا اي
ليردف تامر: لا احنا صحاب من الطفولة انا ويوسف تؤام بس مش متطابق الحمد لله 😂 اما شهد تبقا خطيبة يوسف وصاحبت ندي الوحيدة برضو وندي صاحبتنا وكلنا مع بعض دايما مابنستغناش عن بعض ابدا 😍
كريم ب ابتسامة: رينا يخليكو لبعض
يوسف: وانت معرفتناش عن نفسك
كريم: انا كريم الصياد عندي 30 سنه عندي شركة هندسة.. وبس كدا
ندي بتعجب: مالكش صحاب؟
كريم ب ابتسامة: لا
يوسف بدهشة: اخوات؟
كريم بنفس الابتسامة: لا
تامر ب استغراب: قرايب؟
كريم ب ابتسامة: لا
شهد: اي حد ف حياتك؟
والاجابة ايضا *لا*
لينظرو لبعض يتعجب
ليردف كريم ب ابتسامة: ابويا وامي ماتو من وانا عندي 13 سنه وماليش اخوات
كان ليا عم بس من بعد موت ابويا ماشوفتهوش واللي كان واخد بالو مني من وانا صغير كان صاحب ابويا هو دلوقتي شغال محاسب الشركة ونا طول عمري عايش لوحدي ولما كبرت مسكت ادارة الشركة اتنقلت ف شقة بما اني عايش لوحدي وقلبت البيت القديم دا دار ايتام بما ان كان قصر بقا وكدا
ندي وهي تنظر له بطيبة: ربنا يوفقك يارب
ورددو خلفها جميعا*اللهم امين *
ليقول كريم: وانتو دارسين اي ؟
لترد شهد: احنا كلية تربية رياضية انا وتامر بندرس برمجة بنحبها جدا ويوسف هندسة
لينتظر كريم ان تكمل ولكن شهد تخشي احراج ندي
فنظرت ندي لشهد ب ابتسامة ثم قالت بمرح: اصل بعيد عنك انا الفاشلة اللي فيهم ف خريجة دبلوم صنايع 😂
لينظر كريم الي ضحكتها ويري بعينيها الم ف ابتسم كي لا يجعلها تعلم بتالمها ف من الواضح ان ليدها شخصية قوية ولا تحب ان تري ضعفها لاحد
ليكملو حديثهم الي ان اتي الليل ونزلو جميعهم واعلمت ندي كريم ب انها ستبيت عند شهد ولكن كريم اعترض وبشدة ولكن ندي ب اصرارها قالت : بص يا اخ كرملة انت انت مش هتمشي من هنا غير وانت مستعيد بكامل صحتك امين؟ ومفيش نقاش.
نظر كريم لها بدهشة ولكن فاق من دهشته بسرعة واردف ب بهدوء وابتسامه: اهدي بس كدا ياست البلطجية انتي......خلاص تمام بس لحد بكرا بس وهمشي.
ندي بضيق داخلها: والله اما تخف وتشفي كدا تمام تبقا تمشي انما تمشي وانت متشلوح كدا ماينفعش
كريم وهو ينظر لنفسة وينظر لها ب استغراب: انا متشلوح؟
ندي وهي تكتم ضحكتها: جدا بصراحة 😂
كريم بضحك: وبتقوليها ف وشي يا جاحدة 😂
ندي بضحك اوضح غمازاتيها؛ طب لف واقولها ف افاك 😂..
ليضحكو سويا لتردف ندي: يلا يا عم انا نازلة انام
ليردف كريم مسرعا:لا استني
لتنظر لة ندي تنتظر كلامه....ليقول بتوتر اخفاة: احم...انا بس عاوز اسال عن العربية بتاعتي اي اللي حصل فيها؟
ندي بتزكر: اة صحيح دي عن ابو صلاح السمكري بيعديلهالك تعالي نروح نشوفها
لينزلو سويا ليجد سيارته في حالة يرثي لها فهي مطبقة من الجزء الامامي فقط لينظر بداخلها ليري حقيبة الصفقة الجديدة لياخذها ويعطي ل العامل بعضا من النقود ليصعد هو وندي مرة اخري الي البناية تتابعم عين زوجة ابو صلاح *ام صلاح ست مصرية اصيلة بس مش اصيلة اوي يعني لتاته بطريقة فظيعة وبتموت ف المشاكل ودايما تجيب فسيرة الرايح والجاي* لتقول ف سرها: شوف البت.....هي حصلت تجيب رجالة البيت دا مايتسكتش ع الحال دا ابدا
اما عند ندي وكريم
ندي وهي تستعد لتطرق الباب علي شهد
ليوقفها كريم
ندي وهي تنظر لة ب استغراب
كريم ب احراج: بصراحة مش متعود انام دلوقتي ممكن تعدي معايا شوية فوق؟
رفعت ندي حاجبها له ليردف مسرعا.... هنعد برا مش جوا الاوضة متقلقيش....لترفع حاجبها الاخر.....ليقول بحيرة.... عايزة اي طيب 😂
لتضحك ندي: تعالي يا سيدي نعد في هناك كنبة اعد هناك ع ما اعملنا شاي واجي
لتذهب ندي لعمل الشاي ويجلس كريم يفكر فيما حدث له ليري ان المستفيد من ما حدث هو منافسة فارس فهو كان يشك بان خالد احد المهندسين الذي يعمل بشركته يعمل ايضا لدي فارس لياخذ فارس هذه المناقصة فقد راي خالد وهو يتودد لسكرتيرة وبعدما ذهب سال كريم السكرتيرة عما كان يتحدث به خالد معها ولكن بشكل غير مباشر فشك به
ليخرج هاتفه ليتصل ب احدا ما
كريم يعدما اجاب الطرف الاخر: ماتقلقش انا عايش بس عاوزك تسمع كلامي وتنفذة بالحرف الواحد نا هحط ثقتي فيك
........: تمام يابني اتفضل
كريم:..................................فهمت اللي قولتلك عليه؟
الرجل بفرحة: ينصر دينك يابني
ليغلق كريم ب ارتياح ليجد ندي تخرج له ب ابتسامة جميلة
ندي بمرح: اتفضل يا سيدي كوباية شاي عجب ابقا قابلني لو لقيت اهوجي يعرف يعملك الشاي دا 😂
ليبتسم كريم علي مرحها
لتجلس ندي وبعد قليل من الوقت في صمت
ندي بتساؤل: انت تعرف مين اللي عمل فيك كدا؟
كريم: ايوا
ندي وهي تنظر له تنتظر ان يكمل لينظر لها كريم ثم يرد عليها: منافس ليا ف الشغل كل ما يدخل قدامي ف شغل يخسر صفقة ف المرادي حاطط ف الصفقة دي كل فلوسو فيها ف لما ماعرفش يسرق ملف الصفقة من عندي دبرلي الحادثة دي
ندي بتفهم: اممممممم طب وناوي تعمل اي هتبلغ؟
كريم ب ابتسامة: انا شغلي بخلصو برا الحكومة اساسا مش بستني حد يجيبلي حقي
ندي بعدم فهم: ازاي.... اوعا تكون مافيا يلا 😳
كريم بضحك: مافيا..😂...ويلا...😂 يابنتي والله ما عارف انا ساكتلك ازاي! 😂
ندي بضحك: امال اي طيب منا مش فاهمه
كريم ب ابتسامة: ابدا هوقعو ف شر افعالو
ندي ب استغراب: ازاي
كريم ب ابتسامة ويضيع الموضوع: سيبك سيبك المهم انتي قوليلي
ندي بعدم فهم: اقولك اي
كريم ب ابتسامة: لو مفيهاش تطفل مني يعني.....اي سر نظرة الحزن اللي كانت ف عنيكي لما قولتي جوا انا الفاشلة اللي فيهم ودخلت دبلوم...وازاي بنوتة زيك تبقا لوحدها ف اوضة ع السطوح
ندي بضحك لتضييع الموضوع: لااااا بقا دانت كدا دكتور نفساوي مش مهندس لا 😂
كريم ب ابتسامة ورفعة حاجب: لا واونطجي وبضيع المواضيع كمان... اخلصي
ندي ب ابتسامة ولكن بعيونها حزن: خلاص يا سيدي اي القفش دا.....انا اسمي ندي حمدي عبدالله البحيري.انا اصلي من الصعيد بس ابويا كان شغال هنا ف القاهرة واتجوز امي هي من هنا م القاهرة برضو وبعد مشاكل كتير من عيلة ابويا مع ابويا بسبب جوازو من امي لانها طبعا مش من العيلة ودي عوايد عندنا ان لازم الشاب يتجوز من اهلو...بعد مشاكل كتير فجاة لقينا اهل ابويا بيتقربو مننا واحدة واحدة ودا طبعا بعد منا ما اتولدت هما قالو ان دا كلو هيتعدل اما انا اكبر واتجوز من اهل ابويا بس ابويا رفض تماما وبداو يعملولنا ف مشاكل لحد منا ما كبرت ووعيت كنت تقريبا ف 6 ابتدائي لما بدات المشاكل ابويا اخدنا وجينا المنطقة دي وكان ماجر شقة تحت ف العمارة دي بس فيوم كنا خارجين بسبب اني نجحت ف الاعدادي بمجموع كويس جدا وكنت هدخل ثانوي عام بس الميكروباص اللي كنا راكبين فيه عمل حادثة ابويا وامي ماتو وفضلت انا لوحدي طبعا كانت ماما وبابا اتصاحبو علي اهل شهد ويوسف وكنت انا معاهم دايما اما اهلي ماتو هم خلو بالهم مني وانا دخلت دبلوم عشان هم مش هيقدرو ع الثانوي بتاعي اساسا وانا كنت تقيلة عليهم ف اعتنائهم بيا ف مش هتقل ف دراستي كمان....وبس يا سيدي كنت بشتغل جمب الدراسة ولما خلصت قولتلهم بقا اني هاخد الاوضة دي وهبقا مرتاحة هنا اكتر وحصل اخدت الاوضة ب ايجار قديم وجهزتها واديني عايشة بشتغل ف اي شغلانة تقابلني لو ميكانيكي حتي 😂
كريم ب ابتسامة جميلة: انتي جميلة اوي يا ندي لا وجدعة كمان
ندي برفعة حاجب: لا وبعرف اضرب كمان
كريم بضحك رجولية: 😂😂انتي مش معقولة 😂........طب وكان نفسك تطلعي اي
ندي ب ابتسامة رائعة: هقولك بس مش تضحك عليا......كان نفسي جدا ادخل كلية زراعة
كريم ب استغراب: اشمعنا
ندي بحماس: عشان اتعلم كل حاجة ليها علاقة بالزرع وبعدين اشتغل واجمع فلوس كتييييرة جدا واجيب ارض زراعية بعيده عن المباني خالص وابني فيها بيتي انا اللي هقعد فيه انا وتعيس الحظ اللي هيتجوني 😂 وعيالي اول ما يتخلقو يعيشو ف جنه ع الارض مش ف شوارع كدا مفيش فيها غير ريحة البنزين والدخان بتاع العربيات وعفرة المواصلات بجد هتبقا حياة جميلة جدا 😍
لينظر لها كريم ب ابتسامة جميلة: انشالله يتحققلك كل اللي بتحلمي بيه
وقعدو الاتنين وقت طويل مع بعض وبعد وقت طويل استازنت ندي منو انها هتنزل تنام ف وافقها كريم وجلس يفكر في حياته وصفقته وبعد بعض الوقت مرت علي عقلة ندي ليبتسم بهدوء ثم غفي بمكانه
&&&&&&&&&
&&&&&&&&&
في شركة فارس
فارس يتحدث مع خالد: عملت اي ف الصفقة
خالد بخبث: تمام يا باشا كل اللي خططنالو حصل والصفقة دي مضمونة لاني عامل خلل اساسا ف صفقة كريم باشا ف كدا كدا الصفقة دي هتروحلك انت
فارس:تمام اوي..... اعمل حسابك بعد الصفقة دي هتتنقل عندي هنا ف شركتي لاني كدا كدا ناوي اصفي شركات ابن الصياد كلها يعني قدامك اسبوع بالظبط
خالد بفرحة: تمام يا باشا
#############
في صباح يوم جديد
تستيقظ بطلتنا علي صوت صديقتها شهد فهي قد باتت لديها
لتقوما الفتاتان بنشاط ليغتسلو ثم صلو فرضهم الي ان جاء تامر ويوسف ليصعدو جميعا ل كريم
لتجدة البنات نائم علي الكنبة التي علي السطوح ولكنه كان وسيم بشدة لتسرح به ندي
لينظرون لها اصدقائها ثم ما لبسو ان ضحكو جميعا علي صديقتهم لتنظر لهم ندي ب احراج ثم تذهب لتيقظ كريم لتجعلة يفيق وما ان فتح عينيه حتي تاه في بلورتيها وعلي وجهه اكثر ابتسامة رائعة ف الكون
ليقول يوسف وهو يغمز لشهد: شايفة الرومانسية
شهد بخجل وحب : بس بقا يا يوسف
يوسف بضحك : طب والله انا حاسس ان الاتنين دول وراهم حاجة
شهد بعدم فهم : حاجة اي
تامر ويوسف وهم ينظرون لبعض ليعيدو نظرهم لندي وكريم ثم ينظرون لشهد ويغمزون لتفهم هي لتضحك علي افعالهم
عند ندي وكريم.
كريم ب ابتسامة جذابة: صباح الخير
ندي ب ابتسامة رقيقة: صباح النور 😊
لينتفضا علي صوت تامر الذي يقول بضحك: اي جو شادية وعبحليم دا 😂
لتنهض ندي مسرعة وتدخل غرفتها لتلحقها شهد الضاحكة ليجلسون الشباب معا
اما في الداخل
يحضرون الفتايات الفطار الشعبي المعروف عند اغلب المصريين 😂 *فول وطعمية وما الي حانبهم 😂😂*
شهد وهي تنظر لندي بخبث
لتتنهد ندي بضيق: اي يا شهد في اي باصة ل امي كدا لية
شهد بغمزة: اصل المشهد كان عاطشفي 😂
ندي بتزمر: اتهببي واتنيلي واسكتي
لتضحك شهد تحت تزمر ندي
لتتلاشي ابتسامتهم فور سماعهم ل اصوات اناس في الخارج
لتخرج الفتايات وتصدم مما قيل عن ندي
في الخارج قبل قليل
ينظر تامر بخبث ل كريم
كريم ببرود وابتسامة: بطل بصاتك دي يا عم تامر ماتكبرهاش
يوسف بضحك: لا اصل تامر سنجل ف المشهد اللي شافو كان ماثر عليه 😂
كريم بجدية: بس مفيش مشاهد رومانسية اساسا ندي فعلا بنت مفيش زيها ونا والله مفيش ف نيتي اي حاجه ليهل وحشة
ليتفاجئ بسيدة كبيرة ف السن ولكن يبدو علي وجهها الخبث تقول: الله الله تعالو شوفو يا رجالة 3 شباب قاعدين وبنتين جوا ف الاوضة هي دي المحترمة اللي ماجرينلها الاوضة اللي استخسرتوها ف الواد سيد القهوجي؟
لتخرج ندي بصدمة من هذا الكلام
ليرد يوسف بغضب اعماه علي شهد فهي خطيبته وعلي ندي فهو يعتبرها اخته الصغري: جرااااا اي يامو صلااااح انتي ازااااي تتكلمي كدا عن خطيبتي واختي انتي اتهبلتي ف عقلك يا ولية؟
ام صلاح بردح: جراااااااااا اااااااااي غلطان وبتبجح جرا اي يا يووووسف ياللي معروف عنك الرجوووولة والشهامة دانت المفروض تحافظ علي خطيبتك لحد جوازك انما انت سايقها انت وخطيبتك ف الاوضة دي والعيب مش عليك العيب عاللي فتحالك اوضتها ماتلاقيها بتاجرها عشان تعيش منها
تامر بغضب: انتي خرفتي يا ولية والا اي ندي دي انضف من اي حد واقف ع الارض دي وماسمحش لحد يتكلم عنها والحته كلها عارفة ان انا وتامر اخوات ندي وعمرنا ما بصنالها بصه مش عدلة والحته كلها تحلف ب اخلاقنا وشهد دي خطيبة اخويا ومحترمة غصب عن عينك وعن عين اي حد
ليقول احد الجيران ويبدو عليه الوقار والطيبة
حج محسن: فعلا يامو صلاح الدنيا كلها تشهد ل ندي وتامر وشهد ب اخلاقهم ونا قايلك دا واحنا تحت لية لازمتها الغاغة دي كلها
ام صلاح بتهكم: والله اسال الست ندي اللي داخلة العمارة ف انصاص الليلالي مع شاب غريب وواضح ان مبيت معاها
لينظرو كل الموجودين
ليكون رد كريم هو الصدمة للجميع
كريم بثقة وجدية: فعلا انا بايت هنا من امبارح
لتقول ام صلاح ببجاحة: شوفتو يا رجالة اهو قالها بكل بجاحة وانتو طبعا عارفين اي اللي حصل بينهم
كريم بجدية: وهيحصل اي بين واحد نامي لوحدو وخطيبتو بايته عند صاحبتها
ام صلاح بعدم فهم حالها كحال الباقيين : خطيبتك مين
كريم بثقة جعلت ندي وشهد يشهقون بصدمة: ندي خطيبتي و.....................
♡♡♡♡♡♡♡♡♡♡♡♡♡♡♡♡♡♡♡
نهاة البااااارت اكتبولي رايكو اي
واي توقعتكم للبارت الجاي ❤😍