النوگ الحمر

بارت 29

الفصل التاسع والعشرون
النوك_الحمر
#بقلم مريم السعدي

فرح- ساعه ادور بالبيت كله ماكو والله ماكو غيره والنبي هو الاخذه واليوم كتلته عمل شعبي يابه روحي اسحنت على كوله العلويه
يس- كاعد بالمضيف وارتب بالحساب طب السيد وياه ابوعوف يحجون واني ملتهي شوي وجاب محسن عصير بطيخ يابه عاشت ايدك بوكته اجه
سبع عوافي عمي
دااحسب واسمع حجي السيد وابو عوف
ابو عوف - سيد ما كلاها الضيم غير من راح اخوها العود وابو محمد عقد عليها من جانت بت الست سنين وصارت بحمايتو وكال من يجي نصيبها افسخ العقد واهي جدام الله وخلكه ربيبتي
السبد- تالي ابنه رادها
ابوعوف- اي شون مصيبه والشرع ماحللها له تالي نطاها لابن اخو وابن. اخذله بت عمه بس ناس ماتشوف ناس
السيد- هاي هي بيه اجر الو عسى الله يخليها بميزانو
امين
يس- رفعت راسي مستغرب
شنو سيد ست سنين زوجوها تره انسطرت
لا عمي ههه عمي هذي يتيمه واخوها جتلو واللي كفلها رجل خالتها وخذاها بعقد
وهاي يصير يعني موحرام
لا عمي عليش حرام اهو ماكاربلها بس حتى يحفضه يخليها بعصمتي ويكول جدام الله والخلك هاي ربيبتي يعني مثل بنيته. وان صارت وكبرت وفرت وحلوت بعينه ووافغت علي هاي بعد كيفه واهي بعصمته
ها يعني ديننا ينطي هيج فتوه
اجل شون يحافظ عليها عمي ان خلاها بنص اهلو يطمعون فيها ولدو واخوته بس ان كانت بعصمتو ماحد راح يكربلها
والله صفنتني
ايه تعتبر امانه عدو لون مايجي نصيبها
ها كملت حساب ونطيته للسيد
يابه هذا شغل الشهر كمل حسابه اني رايح للبيت محتاج شي
لاعمي تعبناك الف رحمه على روح اميمتك
ووالديك سيد فيماللا ابوعوف
هله ياب
يس- طبيت للبيت صحت يا الله لكيت فرح عالقنفه مكنفده وتبجي تقربت منها
ها رجعنا
فزت وكامت تحجي سريع
بابا دنفش ماهو يمكن هذا الحقير شاهين اكله بابا دورت مل مكان ماكو حتى خاله بريسم ويايه دورت
بقيت صافن بابا شسويله يعني هاهي
يعني شنو صدك اكله والنبي املخه انتف ريشه
لج بسسس سدي حلكج ونامي يله
عفتها وفتت للحمام لكيت الهدوم على الرف مال حمام مرتبه ومحضره لبست وطلعت لكيت العشا مصبوب تقربت من فرح لكيتها غافيه ومحور عينها مليان دمع غطيتها وطفيت ضوه الهول وسديت الباب طبيت للمطبخ كعدت عالميز دااكل جان الاكل تكه دجاج عالتمن همه حتى بالعشا عدهم التمن مهم وجواه خبزه واني ميت جوع تعشيت تبنتها اكلي بهدوء من صغيري حسيت باب المطبخ انفتحت ودخل احد بهدوء التفتت شفتها -- بريسم
عطر الهيل يسبقها غمضت ونصيت عيني كالت بهدوء
االگوه
الله يسلمج جاوبت بنفس هدوئها كملت اكل غسلت ايدي تذكرت ساعتي عفتها بالمضيف وهاي متعلم عليها خاف من يغسلون المضيف تتنكع هاي ساعه عمي علي رجعت اطلع دالبس شحاطتي شفتها واكفه عالسنك والشال على راسها وضهرها عليه عيوني على ضهرها ملابسه شي عريض فوك الدشداشه باوعت على رجلها لابسه حجل ومن جوه محنايه رجفت روحي بقيت جامد لبست الشحاطه رخه الشال من على راسها ووكع بهدوء تسرسح فكيت عيني كلها التفتت بهدوء باوعت لصفحتي تتاكد من وجودي
باوعت على رجلي ورجعت بهدوء عدلت راسها تغسل المواعين بهدوء مفرط بله صوت نسيت شدا ريد واني اباوع على لمعه شعرها رجعت كعدت بمكاني عالكرسي يم الميز قبضت ايدي خليتها جوه خدي اتفرج على طوله الشال صار مثل المرجوحه وره ضهرها تص كصيبتها طالعه اريد اشوفها كلها ايدي الشال يوكع واشوف ترتيب جسمها ماريد شي يعيق نضري وهالرحفه البيه
سكطت حالي نشف ريكي البراد على صفحتي اليسره مزجديت ايدي من دون مااندار عنها ترست الكلاص التفتت بهدوء تباوع لصفحتي ورجعت تكمل شغل خجلانه حيل ووجهه احمر واني زجروحي مسحوله نسيت الكلاص لوما المي ترسه ووصل لايدي باوعت الكع مببله وهي ماسحتها شربت الملاص وعيوني عليها
ياسين البنيه فتحتلك مجال تقرب كافي والله عيب كمت وروحي ترجف وصلت للسنك مديت ايدي اخذ الوصله اليمها انشف المي ابتعدت
بفزع
مدري شصار بيه
حجيت بهدوء
على كيفج بس دااخذ المنشفه مو المي اندار كالت بهدوء وعينها على ايدي
خللي انه انشفه لاتتعب ايدينك
ابتسمت اباوع لصفحتها كدلتها نازله بعذاب سررحه وتلمع واللون يخبل اباوع فركها اببيض وبي كم شيبه زيدته حسن تمنيت اتقرب اكثر اشم عطررالحنه بس فزتها وبعدها اللي من اقتربت صار اذتني بي ابتعدت بهدوء
براحتج رجعت كعدت بمكاني تخجل تندار عليه واني اليوم ماكو منا الا تندار قابل حتضل ناطيه ضهرها عليه
جيبيها الوصله دانشف المي
لالا انه هسه هسه جايه
ابتسمت هسه جايه وضهرها عليه بقيت انتضر التفتت منصيه حيل وتغطي بيدها على ركبتها وبدايه صدرها الدشداشه رغم مابيها عرض بس متربعه على جسمها
تقربت كعدت على ركبها كدامي وايدها على صدرها مدت ايدها تمسح ونزلت كدلتها المفروكه وضفيرتها صارت صفح جريت الشال بهدوء بيدي شوي شوي رفعت عينها يبوو شوسعها وشون لون عصر بتمر مخبوط والبياض صافي ونصتها بسع شبيها روحي رجفت من خرب ضعفي كدامج مسحت ووكفت وكفت وياها بله وعي البعد بيننا قريبدحيل نفس البعد يوم الطبت الحشره باذنها منصيه عيونها تركزت على فتحه اول دكمه بالدشداشه مالتي واني صافن على شعرها وحاجبها المرفوع والدكه اللي بالحنج. مادري شحجي بس كلشي بيه يريدها ويرجف
اباوع لايدها لازمه بيها مكان من قماش دشداشتها وتعصر بي تقبض ايدها وترخيه مديت ايدي لايدها اتلمسها بعدتها بهدوء غمضت قوي
فار دمي على راحتج على راحتج
دااطلع واتركها لزمتني من ساعدي وكفتني يايابه روحي راحت
التفتت عليها متفاجا لكيتها مغمضه عينها وجهه عبس تريد تبجي
شبيها ليش هالشكل هالحد خجلها لو متريدني لو شنوو والله مابيه بعد تعببت
بقيت ساكت نزلت دمعتها ومغمضه شهكت بهدوء
ليش الدموع ااني ماريد اضغط عليج
كالت
ومغمضه عينها
انه متوهكه حيل مدري شجاي يجرالي
جريت نفس تحجي بصوت يرجف ودموعها تنزل بصعوبه احس مديت ايدي لخدها مسحت دموعها ميلت بركبتها وهدات كرمشه عينها رخت اعصاب وجهه تلمس خدها بابهامي بهدوء
مادري شحجي اريد اسكت بوجودها وبس هي تحجي وكون بصوت يرجف احس صدك اني مسيطر عليها او متاثره بيه رفعت ايدها تلمست ايدي اللي على صفحه خدها وميلت بركبتها مغمضه قشعر جسمي بكم الحنان البيها
بريسم
همم
فتحت عينها باوعتلي عيونها واسعه حيل وكحلها الحمار اثر البجي
جريت نفس اباوع لحنكها المدكوك نسيت الارد اكوله ولو مردت اكول شي بس ردت اكول اسمها واحس بي من تجاوب
تقربت عليها كلت بس اخلي شفافي على جبينها وهذا هو بس اشم عطرها وبس تقربت ابتعدت خطوه روحي انتفضت ابتعدت اروح لزمتني من زيك الدشداشه غمضت عيني تعبت بقيت صافن عليها خزرتها بغضب نزلت ايدها منصيه عينها ابتعدت مشت خطوه وابتعدت راحت للغرفه بهدوء وتلتفتلي شنو قصدج اجي تسمحيلي اقترب احجي وي روحي
طبت وبقت الباب مفتوحه لازمتها وتنتضر تباوعلي وتنصي ذبيت شالها عالميز ومشيت باوعت فرح نايمه تعديتها سديت باب الهول ومشيت الممر اروح لغرفتها جانت لازمه الباب وواكفه منصيه راسها واني كلبي يرجف حد ما وصلت الغرفه طبيت تركت الباب كامت تفرك ايد بايد متوتره وعينها بالكع.
سديت الباب بهدوء صافن عليها جو الغرفه بروده المبرده والضلام والضوه الخفيف كلب كياني خاف هو ماكلوب تقربت منها رجعت خطوه وردت تقدمتها تخاف لاازعل
موبس انتي الخايفه ومتوتره اني هم احجي بداخلي يمكن اكثر منج. بس اريد قربج وعطرج اكثر شي بالدنيا بهاللحضه اريده واحس روحي اموت اذا مشميته
احجي وي نفسي صرت احس روحي مابيه كطره مي نشفت وعركت تقربت بعد وصلتلها نصت راسها للكع.
تقربت على كصتها بس لامست شفتي بشرتها حسيت بنفسها رجف بفزه بستها بهدوء ولزمتها من زندها برهاوه ايدي احسها اذا ضغطت اكثر تتاذه مثل الفراشه الترفه وشميت عطر شعرها ياريتني مشامه الحنه وعطرها نقطه ضعفي مووعاد بيها هي نفسها يجوي بركبتي صعدت ايدي على راسها تلمست شعرهاا ابتعدت تباوع بعيوني ذبلانه حيل واني روحي ساحت
تاكدت من نفسي حبيتها من زمان بقيت اقره ملامحها التشرح طاعه وحب شنو هسه اكدر اقترب اكثر لو تنهزم اخليها شوي شوي لو اتقرب
حيل مضل بيه ولاجن ذاك ياسين الفار البستان والمعمل بيدها صرت عود ياس توه مطكطك بقيت اقره عيونها الذبلانه تقربت ردت احضنها ابتعدت شوي ووكفت خجلت من ملامسه جسمي وجسمها غمضت عيني اهدا واصبر بنفسي كوه
براحتج براحتج على كيفج
اتنفس سريع واكذب على روحي وهي منصيه.
ااني حروح ساعه ووارجع
احجي وارجف واحك بكصتي وهي منصيه راسها دااطلع وكفت التفتت عليها باوعتلي ونصت راسها تمنيت نضره تكولي لتروح او تلزمني من هدومي لو من ايدي بس مسوتها عفتها براحتها
طلعت وكلبي ينبض كل نبضه بالف براسي احس الدك صار مو بكلبي مبتسم وحدي لوحدي اخذت الساعه والبسها مبتسم واتذكر كل تفصيل صغير وجبير من ذبه شالها من على راسها لحد ما اخخخخ ربي
هسه لو جابرها لالا خليها ماريد تنفر مني شوي شووي احلى مابيها خجلها وارتباكها ربي الف الحمد لله والشكر
بقيت اتصفن بالمضيف وراها طلعت رجعت للبيت دورت ماهي طبيت الغرفه وحاولت انام مكدرت ردتها حيل كمت من مكاني كلت بس احضنها وارجع
رحت لغرفتها فتحت الباب على كيفي طبيت شفتها نايمه رف جفن عينها بدخلتي رجعت نصيت على راسها بستها بهدوء وشميت شعرها وابتعدت اباوع لوجهه صدقه لهالوجه طلعت مني بهدوء تسحبت ورجعت نمت كوه غفيت الصبح سمعت حجي فرح وياها
فرح تلعلع وهي تجاوب بهدوء فرح مكيفه تكول رايحه سفره مو للمراح. بقيت نايم
فرح.
ب ثلالثه ونص كعدتني خاله فزيت متشوقه اولا حطلع من البيت واشوف البستان واشوف النوك كمت وياها طتني لبس ولبستني البوشي لبسته مكيفه بي طلعنا وابوعوف ينتضر بره وي ام عوف كال
صبحج الله بالخير علويه اه. بت ابو طه وياج اليوم
اي عمي رادت تتفرج امشينا عمي بطينا عالنوك ام عوف عجنتي. لو مالحكتي
اي بلي عجنت وانتي
اي انه هم مثلج عايني اوخوي ماجاي يتريك لنج تبطين بالخبز فدوه لوجهج سوي من وكت وان ماكدرتي كليلي حتى اطرشله
لالا انه النوب وي طره الفجر مكمله لا تهمين رويحتج انتي ارتاحي
فرح
بقيت صافنه عليهم واباوع عالبستان اتفرج شكد حلو مسوي باع هاي الساكيه يا الله تخبل
خاله يصير فد يوم نجي هنا باعي شون جمال
اي شكوش منها بس كون مو بموسم الحصاد كونه يخلص وتتدللين اوديج ليجاي
شكرا خاله حتى اجيب بطاتي يسبحون
جا خوش
باوعت صار كدامنا مكان جبير خشبي عرفته هذا المراح الديكولون عليه بي فتحات ابو عوف طك القفل وتلفت كال فوتو اصلي صلاه الليل واجيكم
خاله كالت
عمي ادعيلنا
صار تدللين علويه
طبت خاله وطبيت وراها اباوع كومه جمال والريحه مطيبه بس تنجرع مشيت وراها اتفرج كالت
انه راح ابدي شقل وانتي تفرجي ورديلي
اي اوك. افتريت على واحد واحد الكاع نضيفه النايلون مابي اي وصخايه منين هاي الريحه بقيت افتر ولمحت السليل باوعت لخاله ابتسمت كالت
هاذ السليل
اوي فدوه يخبل تلمست راسه شو عيون يباوع ويفر بركبته يرضع من امه جان افتريتهم كلهم واحد مكتوب عليه ماراثون والثانيمكتوب عويكر والثاني مكتوب مبيوع
ولكيت اربعه مكتوب عليهم محرم حجز رجعت لخاله كعدت يمها اكو دجات مخلين وام عوف كباله ومخليه الدبه فافون ام القبغ تلمع البارحه شفت خاله تغسلها بالحديقه وعافتها تنشف بالشمس كعدت بصفها شفتها شون تحلب والنوك عادي عدها ترست دبه دفعتها وحرت اللخ باوعتلي تبتسم
ها فروحه تجربين لو تلعي روحج
مادري ههه مادري ممجربه
تعاي كضبي منايا وخلي بداخل الدبه
لزمت متردده اباوع عالجمل باوعت لخاله
خاله خاف يتاذه
لا يمه اهو اذا ماحلبتيها تتاذه من حليبها حت نوبات اذا طولت يومين تمرض يصخن حليبها يسمونه
ها يعني ادوس
على مهل
بس دست دوستين دفرتني الناكه شون فزيت ضحكت خاله كالت
حدري لجاي حدري
جيت يمها بخوف واباوع لايدها كملت الدبه اللخ بسع بسع وباوعتلي كالت ها تعاي هنايا هاي ام حوار هاديه تعاي صوبي
رحت يمها عالجمل اللخ بديت احب مديطلع حليب حاولت ويايه وطلع يايابه فد احساس حلو كمت احلب صح مو نفس سرعتهم بس ديطلع هم ترسو خمس دبات واني وحده بس كلسا وتلعب روحي من الملمس واريد اجرب بعد واباوع عالناكه خاف تضربني بس صدك هاي هاديه مثل مكالت خاله ترست دبه واخيرا ورجعت خاله على ناكتي كالت بعدي شوي. خل اكمل انه عبن كملت البقيه وخرت باوعت سطلات الحليب تطلع خمس عشر دبه وكملت حلب باوعتلي ام عوف كالت
هي هاي مال مراح هذي طيها شيطان ملون وتكلب بينو
بقيت اباوعلها جرت عينها ودارت وجهه شكد مكروهه الله يرحمج بيبي شون جنتي تحبيها
كملت خاله ووكفت غسلت ايدها اكو مغسله صغيره بالمراح نايلون غسلنا كلنا ورجعت فتحت الصونده علت مكان الحلب جسم النوك وترست الحوض مال مي وطلعت كالت
يله فروحه عساج استانستي
كلش ههه خاله هسه الحليب وين حيروح
ياخضو للمعمل
يم بابا
بلي لابوج
كالتها وتنهدت نزلت بوشيها واني هم نزلت وطلعنا من المراح واتلفت شفت ابو عوف ماكو واجه بس فتحنا الباب اخوها شافني وكف عكد حاجبه وكمل طريقه تجاهنا وكفت وره خاله امشي تقرب مننا وباس اخته من راسها
الله يكويج فاطم
يغدوه لطولك سيد ها رايح على باب الله
اي والله
فرح
التفت عليه ورجع باوع لاخته اني بس التفت نصيت كلت حترزل بقينا نمشي وهو كدامنا بعد ملتفت همزين لابسه بوشي ماعده شي يرزل علموده قريب منوصل لبيتنا والمح ريش متجمع بمكان واحد لون ريح دنفش تقريبا يم الحايط وره الزرع تقربت ركض خاله كالت
ها فرحه لوين
خاله هذا هذا عزه بعيني دنفش ماكلي يابه شصار بيه تخبلت ربيته على ايدي وكبر. تالي ياكلو بس راسه باقي وريشه
كومي حبيبه كومي
خاله باعي موكتلج القندره اكله
صاح اخوها
بويه امشونا شني السالفه لا تصحى الوادم
عمو هذا الشاهين اكله
وياهو الكال نتر بيه هاذ بزون ماكلته
متطب بزونه لبيتنا متكدر هذا الشاهين اني شفته مصوكر عالسياج وشمرت عليه حصوايه وانهزم والله اذا شفته الا املخه
هاه دكربي صوبه وشوفي اليجرالج
اباوعله عكد حاجبه وياشر باصبعه مهدد واني احجي وارجف عصبيه واباوع لريش دتفش خطيه عفتهم ومشيت سريع طبيت للبيت لميت الفروخ كلهم خليتها بالقفص كمت اخاف واشتغل وادردم
الحقير الكلب والله الا اضربه بس اشوفه
يمكن صوتي صار عالي من السياج صاح
يهيي يهيي صوتج مااهيسه منا الوادم
سكتت ضغطت على سنوني طبيت لكيت خاله تغسل حضرت هدومي بس اعصابي تلفت هيج بس اسوفه واضربه هييج اكطططعه تكطع
طلعت خاله والخاولي على راسها كالت
فوتي فروحه سبحي لا تعرت الريحه بالبيت
طبيت غسلت وطلعت وشغلت الغساله لكيت خاله ناكعه الهدوم البيض بالقاصر طلعت شفتها مكمله خبز شبسرعه عزه ودترتبه للريوك حضرت ريوك بابا واني كاعده اسرح شعري كالت
فروحه تخلين حنه وياي
رفعت راسي باوعتلها تذكرت بيبي نصيت راسي منا سالفه الكتكوت بجيت وغطيت وجهي
يا شجاج فروحه اهوفرخ اليوم انه احجي وي السيد اكله يكضبه
هزيت راسي مسحت وجهي شفتها تعصر بالبرتققال جيت يمها طتني كلاص شربته باوعتلها غطت العجينه مال حنه باوعتلي
اليوم نتحنه ثنينه
هزيت راسي مبتسمه تريكنه سوه وحجينا بالحلب وشون السليل من ينولد وكوه يمشي كملنا كالت اناملي ساعه والنوب اكومن على شقلي صليتي
اي خاله صليت اول مجيت
جا زين وطبت لغرفتها وره محضرت ريوك بابا
تمددت بالهول اتفرج تلفزيون طلع بابا من غرفته فات للحمام شوي وطلع باوعلي متفاجا
ها بابا كعدتي
اي بابا من زمان
هاه رحتي
اي شون حلو يخبلون
ههه حبيتيهم
اي كلش
يله الحمد لله
يس
عيوني تدور عليها فرح كالت
خاله نامت لان كاعده من زمان
هاه اي لا عادي كعدت تريكت وعيوني عالباب مال مطبخ كلسا اكول هسه تطب ومجتي كمت على شغلي وبالي يمها مدااكدر الزم شغله كمت اسخر بمحسن والفلح وكت الجنت اسوي بيدي اليوم اعصابي راخيه كلسا وتطير ببالي للدعش الضهر مكدرت بعد رجعت للبيت
شفت فرح براسها حنه كالت
عززه بابا شجابك من وكت
ههه شبيج بابا
مو بعده الغده مصاير
اي عوفي مجوعان شنو مخليه حنه
اي اني وخاله خلينا
وينها خالتج احم
طبت تغسل
هاه
طبيت للغرفه مالتي افتر شون وفرح هنا مرايد شي بس شوي اباوع بعينها من تخجل وهذا هو اروح لشغلي سمعتها طلعت وطبت لغرفتها بقيت انتضر تقريب الربع ساعه وكمت مكدرت بعد بس اشوفها و . اروح باوعت لفرح دتتفرج سديت باب الهول منتبهت بقيت بالممر يم باب الغرفه دكيت الباب كالت
تعاي فروحه
فتحتها على كيفي شفتها فاله شعرها تسرحه وهو مبلل وكع المشط من ايدها بس شافتني ابتسمت
عادي ابو فرح يفوت لو بس فرح
بقت ساكته منصيه وشعرها نازل
بقيت اباوع حمار خدودها وريحه الحنه التارسه الغرفه اريد تباوعلي ماكو باوعت لطول شعرها ولونه تخليته بيدي مبلل وامشي ايدي عليه بقيت صافن بخيالي سارح وهي مامالت ونطتني نضره تعبت رجعت للباب اطلع كالت
ابو فرحه ردت شي راجع من وكت بقيت اباوع لمقبض الباب جريت نفس ضهري عليها التفتت باوعت بعيني تدور جواب واني دايخ بوجهه الصافي
لا سديت الباب. لا مردت شي بس ---تقربت بسرعه مكدرت بعد وصلت يمها باوعتلي متفاجاه وكفت اباوع لوجهه ونزله شعرها على اكتافها
بس مدااكدر الزم شغله بيدي ايدي مدتاخذ شغل احاجيها ذايب
عسى ماشر عسى مامتوجع
كالتها بقلق واني روحي ذابت وهي مدتحس مو مثل البارحه
دااطلع مدري شبيه فرفحت كالت
ابو فرح محتاج شي عليش راد الحين
التفتت عليها رجعت تقربت بسرعه جريتها تقبل متقبل جريتها لحضني حضنتها قوي احس بجسمي وي جسمها قطعه وحده صارت
احس جسمها تقلص جوه ايدي--- هديتها براحتها بس مبتعدت رجعت حضنتها اكثر ونفسي يكطع ويرجع وهي هم صوت نفسها اخترق اذني شعرها غصت بي الريحه مالزحنه اخذتني لعالم اذا درت بي تنهزم مني ومترجع صدقا طلع مني انسان ثاني اني ماعرفه ولا مكتشفه قبل متركتها ولا تركتني حدما صاحت فرح
بابا ابو عوف يريدك
فزينا ثنينا بلعت ريكي ابتعدت اباوع وجهه منتهي ذبلان خصلات شعرها مشت على لحيتي وجلبت بيها جاوبت
اااي بابا اجيت
اباوعلها خلت ايدها على شفافها وعيونها كوه مفتوحه باوعت لايدها
هزيت راسي شبيج
فرح خاف تحس
عوفيها واذا محست لزمتها من زنودها قوي وصايرنار
انتتي حلالي مدامدر بعددد ضغطت على سنوني نصت راسها وهزته بموافقه
رحت دااطلع ورجعت بستها من راسها وشميت عطرها عبالك اترس روحي قبل لااعطشها من جديد باوعت بعينها
اني رايح اكمل شغل وارجع اريد نتغده سوه
رفعت عينها وهزت راسها بموافقه جاوبت ذايبه
من عيوني
طلعت من الغرفه صارت فرح بوجهي راسن نصت راسها واني درت وجهي عنها مدري ليش صاير نار مدري ليش بس ازيد اتعارك وي روحي -----