الفصل الثاني
ﻧﺴﺮﻳﻦ - ﻳﺎﺳﻴﻦ ﺻﺎﺭ ﺍﻫﻢ ﺟﺰﺀ ﺑﺤﻴﺎﺗﻲ ﻋﻠﻲ ﺍﺭﺗﺎﺡ ﻟﺮﺍﺣﺘﻲ ﻭﺻﺎﺭﻟﻪ ﺍﺑﻮ . ﺑﺲ ﻣﻬﻤﻠﺖ ﻋﻠﻲ ﻭﺍﺣﺲ ﺣﺒﻪ ﻭﺍﻫﺘﻤﺎﻣﻪ ﺯﺍﺩ ﻫﻮﺍﻱ ﻭﻳﺼﻔﻦ ﺑﻌﻴﻨﻲ ﻫﻮﺍﻱ ﻳﺒﺎﻭﻋﻠﻲ ﻧﻀﺮﺍﺕ ﻣﻌﺮﻓﺖ ﺍﻓﺴﺮﻫﺎ ﺟﻨﺖ ﺍﺗﻬﺮﺏ ﻣﻦ ﻧﻀﺮﺍﺗﻪ ﺿﻨﺎ ﻣﻨﻲ ﺍﻧﻪ ﻳﺮﻳﺪﻧﻲ ﺍﺻﺎﻟﺢ ﺍﻫﻠﻪ ﻭﺍﻛﻮﻝ ﻭﻱ ﺭﻭﺣﻲ ﻣﺮﺗﺎﺣﻪ ﻫﻨﺎ ﻣﺎﺭﻳﺪ ﺍﺭﻭﺡ ﺧﻠﻲ ﻛﻞ ﻳﻮﻣﻴﻦ ﻳﺒﺎﺕ ﻋﺪﻫﻢ ﻳﻮﻡ ﻭﻳﺠﻴﻨﻲ ﻣﺎﺭﻳﺪ ﺍﺭﻭﺣﻠﻬﻢ ﻭﺍﻧﻐﺚ ﻭﻣﺮﺕ ﺳﻨﻪ ﻟﺦ ﻳﺴﻮﻧﻲ ﺻﺎﺭ ﻋﻤﺮﻩ ٣ ﺳﻨﻴﻦ ﻣﻄﻴﻊ ﻣﺘﻌﻠﻖ ﺑﻴﻪ ﺻﻴﺤﻪ ﻣﺎﺻﻴﺢ ﺑﻲ ﻭﺑﺪﻩ ﻳﺼﻴﺢ
ﻣﺎﻣﺎ ----
ﺍﻟﻜﻠﻤﻪ ﺍﻟﺤﻨﺖ ﺍﺗﻤﻨﺎﻫﺎ ﻃﻮﻝ ﺣﻴﺎﺗﻲ ﺑﺎﻟﺒﺪﺍﻳﻪ ﻛﺎﻥ ﻳﺼﻴﺤﻨﻲ ﻧﺴﺮﻳﻦ ﻣﺜﻞ ﻋﻠﻲ ﻭﺧﺎﻟﺘﻲ ﺭﺣﺎﺀ ﺑﻌﺪﻫﺎ ﻛﺎﻡ ﻳﺼﻴﺢ ﻣﺎﻣﺎ ﻋﻠﻤﻪ ﻋﻠﻲ . ﻳﺎﺑﻪ ﺭﻭﺣﻲ ﺭﺩﺕ ﻓﺘﺮﻩ ﻣﺮﺕ ﻭﻋﻠﻲ ﻗﺪﻣﻪ ﻋﻠﻰ ﺭﺍﺗﺐ ﻟﺪﺍﺋﺮﻩ ﺍﻟﺘﻘﺎﻋﺪ ﻻﻥ ﻭﺍﻟﺪﻱ ﻛﺎﻥ ﻣﻮﺿﻒ ﻭﻋﻠﻲ ﺑﻌﺪﻩ ﻗﺎﺻﺮ ﻭﻓﻌﻼ ﺑﺪﻳﺖ ﺍﺳﺘﻠﻢ ﺭﺍﺗﺐ ﺍﻟﻪ ﺑﺤﻴﺚ ﻋﻠﻲ ﻛﺎﻡ ﻗﻠﻴﻞ ﻳﺼﺮﻑ ﻋﺎﻟﺒﻴﺖ ﻭﺍﻧﻲ ﻫﻢ ﻣﻜﺘﻔﻴﻪ ﺍﺩﺭﻱ ﺑﺤﺎﻟﺘﻪ ﻣﻮ ﻛﻠﺶ ﻭﻣﻨﺎ ﻋﺪﻩ ﺑﻴﺖ ﺍﻫﻠﻪ ﻭﺧﻮﺍﺗﻪ . ﻭﻓﺠﺎﻩ ﺑﻴﻮﻡ ﻣﻦ ﺍﻻﻳﺎﻡ ﻭﺑﻨﺺ ﺍﻟﺮﺍﺣﻪ ﺍﻟﻤﺮﺗﺎﺣﺘﻬﺎ . ﺍﻧﻜﻠﺐ . ﺣﻀﻲ . ﻋﻠﻴﻪ
ﺍﺗﺼﻠﺖ ﺑﻴﻪ ﻋﻤﺘﻲ ﺍﻡ ﺯﻭﺟﻲ . ﺑﻌﺪ ﺍﻟﺴﻼﻡ ﺭﺩﻳﺖ ﺑﺎﺩﺏ ﻭﺍﺳﺘﻘﺒﺎﻝ ﻛﻠﺖ ﻋﻴﺐ ﻫﻲ ﺍﻟﻤﺨﺎﺑﺮﻩ ﺟﻮﺯ ﺗﺮﻳﺪ ﺗﺮﺟﻊ ﺍﻟﻤﻲ ﻟﻤﺠﺎﺭﻳﻬﺎ . ﻛﺎﻟﺖ
ﻻﺗﺨﺎﺑﺮﻳﻦ ﻻ ﺗﺴﺎﻟﻴﻦ
ﺑﻘﻴﺖ ﺳﺎﻛﺘﻪ ﻛﺎﻟﺖ
ﻋﻠﻲ . ﻣﺮﺗﻪ ﺣﺒﻠﺖ ﺩﺭﻳﺘﻲ
ﻭﻛﻔﺖ ﺍﻟﺪﻧﻴﺎ ﺑﻌﻴﻨﻲ ﺍﺭﻳﺪ ﺍﺗﻨﻔﺲ ﻣﺎﺍﻛﺪﺭ ﻋﻠﻲ ﻣﺘﺰﻭﺝ ﻫﻤﺴﺖ ﺿﺤﻜﺖ ﻣﻦ ﻛﻠﺒﻬﺎ ﻛﺎﻟﺖ
ﻟﻴﺶ ﻣﺘﺪﺭﻳﻦ
ﻛﻤﺖ ﻣﺎﺟﺎﻭﺏ . ﺗﺤﺠﻲ ﻭﻣﺎﺍﺳﻤﻊ ﺑﺲ ﺻﺪﻯ ﻭﺷﻪ ﻗﻮﻳﻪ ﺻﺎﺭﺕ ﺑﺎﺫﻧﻲ ﺑﻌﺪﻫﺎ ﻣﺤﺴﻴﺖ ﺍﻻ ﻭﺍﻧﻲ ﺑﺎﻟﻤﺴﺘﺸﻔﻰ ﻋﻠﻲ ﺑﺼﻔﻲ ﻭﻻﺯﻡ ﺍﻳﺪﻱ ﻭﺍﻻﻳﺪ ﺍﻟﺜﺎﻧﻴﻪ ﺑﻴﻬﺎ ﻣﻐﺬﻱ ﺑﺎﻭﻋﺘﻠﻪ ﺍﺭﻳﺪ ﺍﺗﺬﻛﺮ ﺷﻨﻮ ﺍﻟﺼﺎﺭ ﺍﺭﻳﺪ ﺍﺭﻛﺰ
ﺷﻔﺘﻪ ﻳﺒﻮﺱ ﺑﻴﺪﻱ
ﻋﻤﺮﻱ ﺷﺒﻴﺞ ﺷﻨﻮ ﺍﻟﺼﺎﺭ ﻭﺗﺨﺮﺑﻄﺘﻲ ﺍﺣﺠﻲ
ﻣﻦ ﺳﻤﻌﺖ ﺻﻮﺗﻪ ﺗﺬﻛﺮﺕ ﻧﻔﺮﺕ ﺍﻳﺪﻱ ﻣﻨﻪ
ﺍﻧﺖ ﻣﺘﺰﻭﻭﻭﺝ
ﻛﻠﺘﻬﺎ ﻭﺑﺠﻴﺖ
ﻓﻚ ﻋﻴﻨﻪ ﻛﻠﻬﺎ ﻭﻛﻒ ﻣﺒﺘﻌﺪ ﻣﻦ ﺍﻟﺴﺪﻳﻪ
ﻳﺎﺑﻪ ﺭﺩﺕ ﺍﺗﺨﺒﻞ ﺭﺩﺕ ﻳﻜﻮﻟﻲ ﻻ ﺍﻟﺴﻤﻌﺘﻲ ﻛﺬﺏ ﺭﺩﺕ ﻳﻜﻮﻝ ﺍﻧﻲ ﺑﺲ ﺍﻟﺞ ﻓﻚ ﻋﻴﻨﻪ ﻫﺰ ﺭﺍﺳﻪ . ﺑﺎﻟﺮﻓﺾ
ﻭﺍﻧﻲ ﺍﻋﺮﻑ ﻋﻠﻲ ﻣﻦ ﻳﻨﻜﺮ ﻛﺬﺏ
ﻋﻠﻲ
ﻧﺴﺮﻳﻦ ﻓﺪﻭﻩ ﻭﺍﻟﻠﻪ ﺍﻧﺠﺒﺮﺕ
ﻟﻄﻤﺖ ﻋﻠﻰ ﻭﺟﻬﻲ ﻭﺍﺑﺠﻲ ﻭﻫﻮ ﻳﺒﻮﺱ ﺑﻴﺪﻱ ﺩﻓﻌﺘﻪ ﻋﻨﻲ ﻭﺍﻧﻬﺎﺭﻳﺖ ﺍﻟﺪﻛﺘﻮﺭﻩ ﻃﻠﻌﺘﻪ ﻣﻦ ﺍﻟﺮﺩﻫﻪ ﻭﻫﻮ ﻳﺘﻮﺳﻞ ﺑﻴﻬﺎ ﻭﺑﻴﻪ ﻭﺍﺧﺬﺗﻨﻲ ﺧﺎﻟﻪ ﺭﺟﺎﺀ ﺑﺘﻜﺴﻲ ﻭﺭﺟﻌﻨﺎ ﻟﻠﺒﻴﺖ ﻣﻦ ﻳﻮﻣﻬﺎ ﺣﻴﺎﺗﻲ ﺻﺎﺭ ﺍﻟﻬﺎ ﻏﻴﺮ ﻣﻨﺤﻨﻰ ﻋﻠﻲ ﻳﻮﻣﻴﻴﻴﻴﻪ ﻳﺠﻲ ﻳﺤﺎﻭﻝ ﻭﻳﺎﻳﻪ ﻭﻳﺘﻮﺳﻞ ﻭﺍﻧﻲ ﺣﺘﻰ ﺑﺎﺏ ﺍﻟﺤﻮﺵ ﻣﺎﻓﺘﺤﻪ ﻭﻣﺮﻩ ﻋﺒﺮ ﻣﻦ ﻓﻮﻙ ﺍﻟﺒﺎﺏ ﻭﻃﺐ ﻟﺒﺎﺏ ﺍﻟﻄﺮﻣﻪ ﺍﻟﺪﺍﺧﻠﻲ ﺳﺎﻋﺎﺕ ﻳﺘﻮﺳﻞ ﻭﻳﺤﺠﻲ ﺑﺒﺎﺏ ﺍﻟﻤﻄﺒﺦ ﻭﻳﺎﺳﻴﻦ ﻳﺒﺎﻭﻋﻠﻪ ﻭﻳﺮﺩﺩ
ﻣﺎﻣﺎ ﺑﺎﺑﺎ ﺍﺟﻪ
ﻭﺍﻧﻲ ﻣﺎﺟﺎﻭﺏ
ﻭﻻ ﺷﻮﻓﺘﻪ ﺭﻭﺣﻲ ﻃﻠﻌﻪ ﻣﻦ ﺍﻟﺒﻴﺖ ﻣﺎﺍﻃﻠﻊ ﻛﻠﻪ ﻭﻱ ﻳﺴﻮﻧﻲ ﺍﺑﻮ ﺍﻟﻤﺴﻮﺍﻙ ﺑﺼﻔﻲ ﻭﺑﻨﻔﺲ ﺍﻟﻔﺮﻉ ﺍﺳﻮﺍﻕ ﻭﻟﺤﻮﻡ ﻳﻌﻨﻲ ﺧﺎﺭﺝ ﺍﻟﻔﺮﻉ ﻣﺎﺍﻃﻠﻊ ﻭﺍﺫﺍ ﺭﺩﺕ ﺍﺭﻭﺡ ﻟﻠﻨﺠﻒ ﺍﺧﺬ ﺧﺎﻟﺘﻲ ﺭﺟﺎﺀ ﻭﺍﺭﻭﺡ ﻣﺮﺕ ﺳﻨﻪ ﻭﻋﻠﻲ ﻣﻤﻞ ﻳﺘﺼﻞ ﺍﻟﺘﻠﻔﻮﻥ ﻓﺼﻠﺘﻪ ﻋﻦ ﻓﻴﺸﺘﻪ ﻳﺮﻭﺡ ﻭﻳﺠﻲ ﻭﺍﻧﻲ ﺍﺑﺪ ﻣﺎﺍﻧﻄﻲ ﻣﺠﺎﻝ ﻣﻜﺪﺭﺕ ﺍﻧﺎﻧﻴﺘﻲ ﻏﻠﺒﺘﻨﻲ ﻣﺘﺤﻤﻠﺖ ﺷﻤﺎﺗﻪ ﺍﻣﻪ ﻭﻣﺘﺤﻤﻠﺖ ﺧﺬﻻﻧﻪ ﺍﻟﻲ ﻋﻠﻲ ﺟﺎﻥ ﻭﺭﻳﺪ ﻣﻦ ﺍﻭﺭﺩﺗﻲ ﺍﺣﺲ ﺿﺦ ﺩﻡ ﻟﻐﻴﺮ ﺟﺴﻢ ﻣﺎﺍﺗﺤﻤﻠﺖ ﺗﺮﻛﺘﻪ ﺣﻴﻞ ﻭﻓﺠﺎﻩ ﺟﺘﻲ ﺧﺎﻟﻪ ﺭﺣﺎﺀ ﻟﺒﻴﺘﻲ ﻓﺘﺤﺖ ﺍﻟﺒﺎﺏ ﻭﻃﺒﺖ ﻭﻳﺎﻫﺎ ﻋﻤﺘﻲ ﺍﻡ ﺯﻭﺟﻲ
أنت تقرأ
النوگ الحمر
Romanceرواية منقولة للمبدعة الكاتبة مريم السعدي من بعد اذن الكاتبه اني انقلها لان احبها وابد ما الگاها كاملة بالوتباد 🙏♥️♥️🥀
