النوگ الحمر

بارت 47

#النوك_الحمر
الفصل السابع والأربعون
#بقلم مريم السعدي

فرح- نامت خاله واني كلبي يمه مكدرت انام طلعت للحديقه مطلع ابد للفجر طلع للنوك ورد رجع طكطكتت تمرجحت بالمرجوحه ابد موكف ولادار وجهه يروح ويجي يمشي سريع شامخ متت قهر رجعت نمت واتذكر حضنه وحنانه بجيت من كلبي سبوع مامرك حنين الشوك موتني صوته يرن باذني اذا اكول غلطت اسفه حيزعل اكثر واذا كلت مغلطانه هم يزعل وميقبل ارجع اذا ماترك دراستي واني اخجل اروح اتوسل بي بقيت بناري يومين وهو على هالحال وخاله تروح وتجي متجيب سيره اله ابد ولااسمع صوته طكت روحي ولكيت طريقه سويت روحي تخربطت
متالمه من كلبي وخاله انهبطت خطيه واني ابجي ولازمه كلبي واصيح كلبي ياذيني واني من صدك بده يوجعني مدري ضيق مدري الم مدري اريد رجلي خاله خافت كلش خابرته واجه ابو عوف وخاله ويايه وابوعوف هم للمستشفى ردته بس يجي على حضي طلع بايت البر كلسا يخابر خاله وخاله ترد تحجي وياه همس رجعنا بعد الفحوصات خلولي مغذي كمل ورجعنا محصلت شي طبيت للبيت تمددت يم خاله بقت تقره عليه وتمسد بشعري ابد مجابت سيره احتراما. لرغبه بابا وماخذه بخاطرها عجبتني من محجت ولالامتني للفجر خاله نامت واني حيل حزت بكلبي حتى مكلها طينياها احاجيها الفجر سمعت صوت سيارته دخلت البيت الجبيرركضت بهدوء طلعت شفته نزل وشايل حسون بيده
رجع علمودي ادري بي كعدت عالمرجوحه متاكده راح يجي لان صوت المرجوحه يوصله بقيت انتضر وفعلا حسيت الخوص تحرك
كلبي دك سريع بجيت راسن كدما مشتاقتله رحت ركض يم الخوص اباوعله مغمض ومرتجي عالخوص ويدخن لحيته طولانه. بجيت فتح عينه وباوع للسما جر نفس جكاره وذبه مغمض عينه همس
شلي يوجعج
جاوبت اشهك كلبي ومتت بجي جر حسره
كال
وانه بعد حيل ماذيني وضرب عليه ثلث مرات
شمر كطف جكارته بطرف اصبعه وكام بقيت اباوعله مشه راسن طب البيت وقفل. شبيه بجي شبيه قهر طلعته اريد اسيطر مداكدر خاله جتي عرفت هو خابرها تجي تطببني طببتني حضنتني تبجي ويايه وتردد
كافي يبمه موتتي روحج
واني ازيد ماانقص
كافي كليلي شني اللي تبي يبعد روحي
اهز راسي بالرفض وابجي تركتني علي كعد رضعته رجعت نومته واني كمت اغفي من التعب غفيت حسيت الصبح صوت بابا ولمسته على شعري وخاله تحجيله الصاركعدت حضنته
باسني يباوع بعيني،شبيج حبيبتي ليش تخربطتي
لا بابا هيج شوي وجعني وهاهي
منو وداج علويه السيد وداها خاله ردت
لاه كان بالبر ابو عوف ودانا
بابا فك عينه كال
يدري بي اني ببغداد شون يبات بالبر
خاله دارت وجهه تشتغل تتهرب من عينه نتر
متبقون هنا اليوم بليل تحضرون غراضكم وتجون ويايه كدام عيني
خاله التفتت صافنه عليه همست انه فايته اغير لعلي
كال
حروح احاجيها حضري روحج بابا
كمت طبيت بغرفتي لملمت غراضي. وبالي اذا يحبني يجي خل اروح ارتاح
ها اجه ها لا ها حيحاجيني واني ممسويه شي مااعتذر شيصير خلي يصير كلما مره يتهمني ويعتذر وارضى هالمره خاف عباله حروح اعتذر واعترف بغلط مصاير عبالك لاكفني مصادقته والله يااالله
يس- طبيت للعلويه تقربت منها رجفت وغمضت جريتها حضنتها شكد جنت مشتاكلها بس الله يدري شميت عطرها بست راسها ماكانت تبادلني بس مغمضه حجيت بهدوء
قصص وروايات عراقية كرار صلاح
علويه اذا تردين تعاي وياي واذا متريدين ضلي عد اخوج بنتي ماابقيها هنا بعد يكفي الشافته خلي ترتاح خلي يبتعدون شوي يفكرون جاوبت بهدوء وعيونها على غراض علي ترتب بيها كالت
ضاله عد اوخوي ماكادره اهدو ووليدك ماتبي يهون عليك تهدو
اني كل اسبوع اجي وانتي فكري بحياتج تره عبد الله رجال مو صغير لتضيعينا
اضيع روحي ومااهد اوخوي مهونه ابو علي درب السلامه الله واياك
يعني هذا اخر حجي
ام بله اترخص رايحه لبيت اهلي
دتعاي مووهسه اروح فد ساعه
انه موكادره احسن روحي تعبانه هدني واليرحم اهلك
كالتها وبجت نزلت بوشيها وشالت علي تقربت شلت علي بسته ونطيتهيا اخذت فرح وطلعت مادري صح لو غلط قراري بس جان ودي تبتعد ترتاح خفت عليها بقيت بنص كلب بالسماوه ونص كلب ببغداد. وصلنا ونزلت فرح طبت للبيت اشرتلها عالغرفه مالتها بيها فرش البيت ماثث صغير مرتب احس ملامحها ارتاحت من طبينا بغداد بقت ترتب غراضها واني صافن خاف تكبر السالفه واحير ماريد اخسر بريسم يمكن صورتي تشوهت كدامها كامت تشوفني ماحبها بس لازم تعرف هالشي غلط. زايد عن حده هذا شك ودمار اعصاب حتى متتصل بيه من يومها اخابرها مترد تركتها ترتاح ---
وتحكم عقلها ويامن تصف اذا فصخو الخطوبه حتبقى يم اخوها يعني خلي تفكر بحياتها وحدها
فرح- بيومها بابا اخذلي تلفون كالي اي شي يصير خابري خالتج مو بعيده قريبه راسن تجيج تاخذج
الغريب بالموضوع جيت من السماوه لبغداد بالبوشي ومن كلي بابا نزعي مقبلت مردت انهي كلشي هذا وجهي بس اله ولرب العالمين من اوجه وجهي لله
واعدته وماريد اخلي الوعد بغيبته وبوجوده وتذكرت دعاءه اللي دعاء يوم العقد قشعر جسمي من جديد وانترست حنيه اله
وبدت حياتي جنت اكضيها بدراسه وشغل بيت صغير بسرعه يخلص خاله رفاه جتني هي والبنات للضهر يله راحت من اجه بابا غديت بابا وحضرتله هدومه كل موقف تدمع عيوني واتذكر حنان الشفته بخاله بريسم. شتاقيت لصوت علي الصبح من يكعد يترسني لعابه هسه صرت اتحسر عليه. شتاقيت لصوت العصافير والهوا الطيب والهدوءهسه من الصبح صوت الهورنات والمولدات والشارع وهوسه الجهال
شتاقيت للسماوه ولاهلها بابا خلص شهربعد شهر يطلع نقله للسماوه
وكضت الايام يوم يومين سبوع واني بابا يغذيني بصبر لازم يعرف قدرج لازم يفهم انتي مغلطلتي حرامات دراستج حرامات تقبلين على روحج الذله خاله متخابر ابد حدما صار الخميس الصبح بابا كال
رايح اشوف علاوي وارجع خاف يحتاجون شي شياتي
اوك بابا
تجين
وكفت. رجعت كعدت صارت صعبه عليه احسها ثكيله كمت اخاف اروح لان اجيت وي بابا لبغداد ومكتله هزيت راسي لا بابا كال قصص وروايات عراقية كرار صلاح
لعد حيجوج البنات عمج عرفان كال ادزهم يمها
اوك طلع بابا وجوي البنات حجيتلهم لكيت روحي استفسر واسولف واناقش كالولي
الغلط منج وبيج هو من اول كلج تتحملين وكتيله اي جاوبتهم اني مادري ميصير احاجي كالو بعد لازم يعذرج واذا معذر معناها ميحب جذب صبري الثكل زين
زيدني كلامهم عزم والتهيت بدراستي اكثر مبقه شي للامتحانات النهائيه
يس- وصلت البستان لكيت ابومحمد يحصد بالبرتقال الزرعته بيدي والنارنج والنومي ابتسمت
ها حجي الله بالخير
هله براعي الكاع هله بويه رديت
ههه ها صلوات هاهي اي وكت حصادها
اي عمي ماشاء الله تطعيمك ثمر
ماشاء الله هي الكاع هم ولاده يابه اكولك السيدموجود
بلي بلي بالحوش
ديله اترخص
دكيت الباب طلع السيد باوعلي بعتب مديت ايدي مبتسم مدها وجرني حضنني وبوسني ابتسمت باوعت بوجهه كال
مامنها داعي اكلك تفضال فوت هاذ بيتك
رحمه الله والديك
طبيت واحجي وياه شفت علي بالحجله وحده شلته وابوس بي مبتسم
يروح ابوك حبيبي شتاقيتلك
السيد كعد وفتح ديلاب صغير بالصاله موجود طلع فلوس كال عمي دامك جيت هاذ حكك وانه ماناسي فضلك وطول عمري اضل مديونلك
هاي شنو سيد لخاطر الله
اخضهن يابا لتخجلني
اخذتهن وكعدت كال
شناوي هساع
خل يطلع نقلي وارجع باذن الله
لوين ترجع لكاعك
االا هسه الله كريم مندري
جنت اتهرب من عيونه واني ادور بعيوني بالبيت وعلي بيدي اشم بيه عطرها سالته
العلويه وين
اا فاتت للحمام تكرم
ها براحتها يابه هاي مصرفهم
وانه شني هنايا موعيب هالحجي عمي ازعل مناك والله
لا يابه قابل دنجربك بس ميخالف.خليني براحتي
عمي انه مخليك ماخظ كل راحتك اشوفن لوين تصل واضلن وياك وياك
نصيت راسي عرفت قصده على فرح كال
فرحه وين منوعدها
بنات خالتها يمها جريت نفس دتقره علمود الامتحان
هز راسه ونصه كال
بيها الخير ووشلون طلعت مني وهم تطلع هنيك
منا لهنا متطلع وطلعت ببوشي مسوي بيها رعب حتى ببغداد كلتها بالشقه ودرت وجهي جر نفس براحه
كال
هذي ارادتها عمي ماجابر احد انه
سيداذا تريد نحجي بالموضوع اني حاضر باوعتله رفع تك حاجب واذا تريد وكت هم الك كل الوكت
انت شتكول عمي
اني اكول انطو مجال لروحكم وفتره الخطوبه خلوها حتى كل واحد يشوف روحه يكدر يعيش وي الثاني لو الانفصال احسن
كال
انه ماجبت سيره انفصال همس احد كالك يبي ينفصل كولها عادي ان جابو سيره ضاك الوكت تختلف
والله سيد مفتحت موضوع وياها عايفها ترتاح وتقارن عيشتها هناك بهنا حتى باجر متكولي ليش موكفت ويايه
كال
خير ما عملت عمي انه اصيحن ام عوف لاجل العشا
ياعشه داروح فرح وحدها وي البنات بس صيح لام علي داسلم عليها كال
عمي موكنالك بالحمام
بقيت اباوع بوجهه هو ابتسم ودار وجهه كال
انه مادخلني اهي براحتها عايفها تفكرر وتقرر واضل الها سند مثل مانك سند لبنيتك عمي
قصص وروايات عراقية كرار صلاح
يعني شنو قصدك نترت صيحها خل احاجيها اريد اشوف شناويه
ماناويه شي والله بس شوي. تعبانه لن شافت روحها كل مشكله اهي اول الخاسرين رغم مامقصره ولا عليها كاصرلو شتكول
لاحشاها من التقصير
اذن خلها ترتاح هاي كل الموضوع
بلعت ريك هزيت راسي ماشي ذبيت علي بالحجله وبسته ومدااشبع اباوع بوجهه جلب بيه رجعت شلته ابرس بيه واحضن وعيني عالممر رجعته بالحجله ونطيت فلوس بيد السيد وطلعت روحي مربطه. وتعبان ردت بس اشوفها. رجعت لبغداد واجه عرفان عالبنات سالتني فرح وتلف وتدور تريد تسال عليه واني منطيتها منشده
فرح- مرت الايام تعب بتعب بابا يخابر خاله متجاوب كام يخابر السيد اخر شي نتر بي كله اريد احاجيها شنو السيد صوته وصل لعدي
صاح
عمي ماتبي شون اجبرها. فهمني خلها ترتاح
بابا طبك التلفون بوجهه
مر شهر والامور كلما جاها تصعب. متنحل اشتياقي اله مرضني بس انام واقره اكلي قليل كلش ضعفت حيل ووجهي اصفر وبابا هم نفسيه مضلت اله تالي مره بليل بعد مرور شهرين كتلني الشوق اخذت تلفون بابا هوونايم واخذت رقمه خابرت كل دكه يدكها وكلبي يدك ميت مره وياها رد وره اربع دكات
نعمم
غمضت عيني شي بيه واكتفى رجع كال
الو نعم
مكدرت احجي بس ردت اسمع صوته جر نفس وسمعت طكت الجداحه غمضت قوي جر النفس كال
الو
ياهو هاذ
مرديت سده ذبت التلفون ونمت بالكع اعصابي رخت ومتت عرك وتالي من بعد شهرين بجيت بقهر واتذكر حنانه وهمساته وشعره وحضنه بابا تعب واني تعبت واخيرا طلع نقل بابا جان طاير اجه عمو قاسم واخذنا لكانا بيت بالسماوه وطلعت مره لخ بالبوشي هالفتره كلها باب البيت مطلعت وبيني وبين نفسي ماريد اتركه لو اموت وكلت هالشي لبابا كال ميخالف بس خل هو يجيج لان مغلطتي انتي
رحنا للسماوه بيت جبير ميتين متر وراح بابا للبستان ورجع كعد وي السيد كاله اخذها لبريسم والسيد كاله متقبل تجي تالي بابا اخذ غراض البيت مالتنا لان هو الجهزه وكله كيفها براحتها بيتي مفتوح الها واني هنا بالسماوه وعلمودها انتقلت بعد براحتها
جهز البيت وضل يرتب ويعدل بي حان البيت قريب على بيت اهل عمو قاسم ووضيفه بابا كلش قريبه هم مجنت اخاف بي مثل ببغداد ومبقه لامتحاني غير ١٥ يوم كثفت دراستي رغم الامراض الطلعتلي
مره ثعلبه وشعري وكع خصل خصل عالجته الحمد لله
ومره بلاعيمي شهر مطابت وابر وادويه ومااقبل اروح طبيب وبابا هم ضغط يصعد عده وبس يلوب بالليل ولازم التلفون.
يعني مكدرت اعيش بدونه بس الضاهر هو عده عادي فجاه بابا ديتغده ودك التلفون باوعه ملامحه تغيرت وكف راسن طب الغرفه
رحت تصنطت عليه كال
يس-الو علويه
شونك ابوعلي
سكتت جريت نفس كلبي يدك سريع صوتها دوه لعلتي
الو
نعم علويه شونج
زينه الحمد لله اانه اتصلت بس ردت اكلك رايده اروحن للدكتوره وجاي اخظ الاذن
شبيج سلامتج احمم بيج شي
لاه بس شوي تعبانه وو
سكتت
بريسم احجي اجيج اني هنا يمج ربع ساعه تلكيني عدج
ياسين انه حبله
وكفت من كالتها ابتسمت تنهدت اللهم صل على محمد وال محمد الحمد لله
تردين اجيج
كيفك عبد الله هد البيت ومشه ماراضي علي
ليش
لني تاركتك يكلي ردي له
وانتي
بجت بقهر
علويه وانتي
انه مادريت روحي بهالرخص عدك. رجعت تبجي
علويه شتحجين انتي حقج متدرين
اي طلعت غشيمه ووهمانه حسبالي عشكتني من صدك نفس ماكلت لاانه ولاعلي هامينك
لا يابه هذا شون حجي دروحي هسه راح اجيج
والله وحق الله لو ماحجايه اوخوي الماودي اكسرها انه ماردلك للتالي
ها هيج يعني ميخالف جايج اني هسه شوي اهدي
سديته منها ركض بدلت وطلعت فرح وكفت متفاجاه ابتسمت
لج بابا خالتج حامل
كذاب الله كليك
اي والله رتبي رتبي الغرفه وحضري فراش علوي ولتسوين عشا اجيب كباب قصص وروايات عراقية كرار صلاح
اوك بابا تحمست كلش ورتبت وحضرت لليل اجه بابا ووياه خاله يمه من شفتها ركضت احضن بيها. ابوس بس وجهه ثكيل حتى عليه اخذت علاوي كبران حياتي وعفتهم وحدهم طلعته للمرجوحه نام بقيت واتخيل عبد الله يجي على اخته ويحس بيه مثل قبل اباوعله روحي كلها رجفت
يس- علويه خل نتفاهم شو. باعيلي شهرين ماشوفج والقران باعي وجي صفيت جلد وعضم
بقت منصيه ودموعها على خدها
ليش تبجين لان رحعتي يعني
زادت ببجيتها حضنتها مبتسم علويه فدوه رحتلج تزعلين مني اني يس
مجاوبت وبقت منصيه دك تلفونها مسحت وجهها ابتعدت ردت
الو هاخويه اي خذاني ارتاح
ماراضيه لا ماراضيه عنك كلشي ماريد بس ردت السيدحسين كون عدل
كالتها وبجت اسمعه يصيح الحين اجيلج لا تعورين كلبي جريت التلفون
هاسيد الله يساعدك
هله يابا هله تاج راسي
لتخاف ماكو شي
راضيها عمي راضيها تره متكاون وياها يعلم الله لخاطرك
رحمه الله والديك متقصر سيد اخذ راحتك
سديته منه باوعتلها
هيج تصغريني كدامه
مجاوبت همست وتشهك
محشوم
دباعيلي حبيبي
رفعت راسها يابه شكد عتب بعينها يبوو لدرجه خفت
اني اعتذر
هزت راسها بالرفض
علويه عذريني
للقيامه ماسامحك
علويه على بختج
انه راده لاجل ويلادك وبس نفس ماانه رخيصه عدك وسكتت
كمليها كمليها وانت رخيص عدي
حشاك موانه التطلع مني العايبه انه علويه بريسم شيخه بيت سيد حسين موانه الينتكص من كدري
كدرج عالي علويه صدك جذب والله كم مره جيت وانتي مترضين كتلج اجي للسماوه علمود شغلي
انه ادري الزلم كول وفعل صح ولا لاه
بلعت ريك هزيت راسي صح
اجل ماكتلي اضلن بالبستان واتوضف عليش مانفذت وعداك
قصص وروايات عراقية كرار صلاح
كالتها بحزم رافعه حواجبها ثنينها همست
تعرفين بالحاله بريسم وبنتي
اوخوي ماطك باب وفات لحوشك واداس حرمتك
هزيت راسي بهدوء صح كلامج
وتالي تعبي طلعت كاغد مااسوه
لاعلويه موهيج
الا هيج وهيج نترت وبجت انه الجنت اضنك مثلي تموت من البعد تاليها هيج كلبك يكصى علي
بقيت اباوعلها وكفت كالت
اترخص انه فايته ارتب غريضاتي علي وينو
يم فرح بره
باوعت من الشباك ونصت طبت للغرفه احس روحي خسرتها ومستحيل راح تنسى الصار شسوي بعد توسلت بالسيد ترجع بس جرحتها ادري حتى وي فرح وجهه ثكيل
فرح- رجعت خاله وضلت وي بابا على كد الحجايه اسمعه بالليل يتغزل بيها الصبح همساته بحب الها بس هي ساكته مترد. تسري الريوك والشغل والغدا ساكته حتى الي مرجعتلي مثل قبل وابد مسمعتني حجايه امتحنت اربع امتحانات جنت اروح ببوشي واستغربت خاله من شافتني بيواخيرا حجت من وحدها
لساتج ما نزعتي
باوعتلها ابتسم ابد صار جزء ميتجزا مني تقربت منها بستها من راسها باوعت بعينها
يمه وافتخر من اكولج يمه لان جنتي تكوليها بحنان صادق يبمه لتحرميني حبج ادعيلي
قصص وروايات عراقية كرار صلاح
دمعت عينها خاله وهزت راسها حضنتني همست
ربي ييسرلج امرج
وباجر اخر امتحان بليل سمعت بابا يتوسل بخاله ويحلف بحبها وهي ساكته دمعت عيني سمعته صار عصبي نتر
انتي المردتي تجين استنكفتي عيشتي
خاله جاوبت
لا بالله ماساويتها نوبه
بعدها صارت صنطه وصوت بجيها بهدوء وبابارجع يتوسل وهداو عرفت تصالحو بابا ميستاهل الاكل خير غمضت
----- وانت ممال كلبك محن مثلي. لو هم قسه تعلمت اقسى مثلك تعلمت اكلب ادورلك حجه حتى اقسى عليك لزمت تلفوني وتمددت هم بيه الشوك كلش دكيت راسن رد
نعم
غمضت بقه ساكت وصوت نفسه واضح يجره بحسره
كال وره شوي
ماطاب كلبج عاد
بجيت بقهر بقه ساكت شوي وسده رجعت عليه كلها شتاقيتله بيومها حد الموت والصبح بابا فاتحني كال
بابا مثل مدخلنا بالمعروف نطلع بالمعروف
باوعت لخاله منصيه عالميز توكل علي
ليش بابا اختنك صوتي ورجف حنكي مدمعه عيني ليش خابرك
كال
داز خبر يكول خلها تقرر دراستها تتركها وتتحمل عيشتي وغيرتي لو كلمن يروح لطريقه
وكفت فكيت عيني كلها
هذا هو هيج كال بكل بساطه. باوعت لخاله رفعت راسها. ر جعت نصته جاوبت بنتره لعد
كله هاهي كلمن يروح لطريقه ماترك دراستي
قصص وروايات عراقية كرار صلاح
عفتهم وطبيت للغرفه لبست ورحت الامتحاني جاوبت شون مجان ورجعت ابجي بالخط والبوشي على وجهي طبيت للبيت ذبيت البوشي ونزعت. طبيت سبحت متت بجي مدااكدر انتزعه من كلبي شهرين شهرين شنو مثل الدم يمشي بيه واصبر روحي هسه ميكدر هسه يجي ميكدر ببعدي تالي طلعت غلطانه......

يتبع البارت الأخير......