ياوطني
ايها الجريح على مر السنين
ياوطني ايها المظلوم الحزين
يا ارض الانبياء والاوصياء
يا فرح الشهداء
وبكاء اليتامى والثكالى
فجرك سعيد وشمسك فرحه
ولكن ليس لنا
نحن فرحنا بكاء
وزغاريدنا دموع
ضحكتنا باهته
واطفالنا يتامى
نساؤنا ثكلى وشبابنا حزين
لاننا شجعان وابطال
لاننا كرماء ومحبين للحياة
لكن الحياة تسير بنا لنفارق احبة
لا اعلم رغم انك ياوطني كريم
رغم انك ياوطني عظيم
رغم انك باق
لكن لا اعلم لما يريدون ان يطفئوك
لما يريدون ان يخذلوك
لانك انت انت العراق
وباقي رغم انوف الحاقدين
آنيين الليل
/////////////////////////الله يرحم شهداؤنا ويشافي جرحانا
ناديه
من اخذت المدرسه دفتر الامتحان وگلتلي روحي المديره طالبتج
بساعتها خفت وانا امشي بالممر واگول ...ياساتر شتريد مني ليش انا شمسويه
وصلت يم الاداره وگفت دگيت الباب شفت المديره الي اومآت براسها وگالت //تعالي ماما ناديه ادخلي
انا دخلت وگتلها ......نعم ست
باوعتلي وابتسمت وگالت //شلونج اليوم بالامتحان
بلعت ريگي ...الحمد لله ست كلش زينه
المديره //اي عفيه ادري بيج شاطره وسبعه هاي ست خوله تريد تحچي وياج
باوعت ع الجانب لان ما منتبهه من ارتباكي شفت مره يجي عمرها بالاربعين او اكثر گاعده باوعت الها وانا
ساكته هي اتكلمت //انتي ماما ناديه ان شاء الله تردين تكملين سادس
انا هزيت راسي ...نعم ست
ست خوله //عفيه شوفي ماما احنه نسوي دورات تقويه للصف السادس بيها مدرسين اكفاء
قاطعتها...... ست بس انا ما اگدر ادخل دورات
هي هزت راسها وگالت //اي اعرف خليني اكمل اسمعي احنه كل سنه ناخذ طالبه من كل مدرسه تدخل مجانا
ومن اجيت المدرستكم ست عفراء حمدت بيج وبشطارتج واخلاقج يعني انتي راح تدخلين دورات ابلاش
انا ما صدگت بين الفرحه والمفاجأه دمعت عيوني ست عفراء گامت من وره الميز وانطتني كلنس وگالت
- - لا تبچيين ماما انتي من احسن الطالبات اخلاق وجمال وشطاره وست خوله كل سنه تاخذ طالبه والسنه
اختيارنه انتي لان تستاهلين
انا ما حچيت شي بس گتلها ......شكرا ست
ست خوله گالت //ناديه الدوره بعد اسبوع وحتى الملازم تاخذيهن من عدنا تمام
هزيت راسي ست عفراء باوعتلي // اهم شي ترفعين راسنه وتنجحين ياالله ماما روحي البيتكم وگليلهم
......ان شالله ست شكرا
اريد اطلع ست خوله گالت //من الفرحه حتى نست تسالني وين وبيا مدرسه
انا وگفت وهي گالت بمدرسة ال ...الاهليه يوميه الدوره الساعه بثمانيه ونص اعتبارا من السبت القادم
ست عفراء //اكو خط لان شويه بعيده
ست خوله //اي اكو خط وانطيت اسمها للسايق وراح يمر عليها اسبوع القادم وهم ابلاش
ست عفراء ابتسمت // ياالله شدي حيلج اريد اسمع عنج كل الاخبار الطيبه
انا اتقربت على ست عفراء وحظنتها لا اراديا هي مسحت على ظهري وگالت //ياالله حبيبتي روحي وارتاحي
واتحضري وشدي حيلج تره السادس مصير مو لعبه
أنت تقرأ
ناديه طفله اوصلت امها الى حبل المشنقه
ChickLitفي هذا الزمن المتقلب هنالك الكثير من القصص التي حين نسمعها لانكاد نصدق انها موجوده في مجتمعنا هذه قصه حقيقيه واقعيه ولازالو من عايشوها يتكلمون بها رغم قساوة الحياة وصعوبة اليتم الا ان المجتمع لا يتقبلها ناديه فيها الكثير من المعاناة لكن الحيا...
