مرحبا هاي الملاحظه هسه كتبتها قبل ما انشر البارت
احبابي هذا البارت لعيونكم لان البارحه اكثركم اتاذى وانقهر على ناديه والي حصل الها
وانا ما يهون عليه تنقهرون او تضوجون حبيت اطمنكم 🌹💔🌹
لكن بعد لا تطالبوني اكتب بارت الى ان تتشافى ايدي الصراحه ضغطت عليها وهسهالالم وصل الاصابعي
ادعولي بالشفاء🤲🤲
وان شاء الله ما اغيب عليكم واتمنى توصلون القصه المتابعيكم لان مع الاسف ما ماخذه حقها
وهي باعتقادي تستاهل ان تكون قضية رأي عام لما فيها من حقائق ومواقف وظلم 😭
لا تنسوون تدعولي لان كلش متألمه 😭😭
تحياتي آنيين الليل 🌺🌺
بارت اكثر من 5500 كلمه
///////////......///////////
سراج
من رجعت انا وعمتي جميله وزهراء البغداد چان ويانه رضا الي ما فارگتي مره انا اسوق ومره رضا چان
السكوت سيد الموقف واحس بجميله بينها وبين نفسها تبچي وتدندن بكلام ما مفهوم وزهراء تشهك من البچي
وتحاول ما تسمعنا
اباوع العمتي بالجامه واشوفها شلون ذبلت على ناديه
ناديه اليتيمه الي ما الها احد والي ما اعرف هسه هي وين
بقيت اسأل نفسي واگول معقوله عمتي جميله تزعل من كرم وانا اعرف شگد هي تحبه لو كرم الي انگلب الف
درجه من يوم ما اختفت ناديه شفته مو هو كرم العصبي الي كل شي گدامه ايكسره بس بنفس الوكت ابو گلب الطيب
ودمعته الرخيصه
شفته شلون يتهدد ويعض بايده واصابعه ويغلط ويتهجم على ناديه
وسمعته شلون يتوعد بس يلگاها يذبحها
لكن الي فاجأني اكثر كرم ليش بهالوكت وبهذا الظرف بالذات ليش زوج ابنه الهديل بت هادي ليش عبالك جاي
يتشفى بحنين
لو هذا الحقير مرتضى الي قبل على نفسه يتزوج بت هادي بحجة انو من يتزوج حنين الناس راح تعيره
والي خلاني اتعجب اكثر انت ياهادي قبلت تنطي بتك وبهذا الظرف لو كرم الي حتى ما مانع لو بكلمه انو
عمتي جميله تروح ويه زهراء الطريق كله وانا اسال بنفسي ليش وليش وليش وبصراحه ما لگيت جواب الاسالتي
يتردد نفس السؤال ابالي :: ناديه انتي وين ويامن رحتي منو هذا الي گلتي علي ابن عمج ورايحه ويا منو هو
معقوله استغفلتينه وضحكتي علينه ومثلتي البراءه
وصلنه بالليل وقبل ما نوصل البيت زهراء وصيتهن انو ما يجيبن سيره گدام امي او بيت عمي جميل باختفاء ناديه
رغم انو ولد عمي يدرون لكن انا وصيتهم السالفه تبقى ابيناتنا ومن رحت البيت اهلي وموفق سولفلي هم فهمته ما يجيب
سيره يم امي او زوجته چان بداخلي خوف قوي لان اعرف البنيه اذا انخطفت الف علامه استفهام تكون عليها
والناس ما ترحم تبقى تتقول وتزيد وتنقص ومحد يرحمها حتى لو مظلومه
وصلت عمتي هي وزهراء البيتها ورحت البيتي والصبح رحت البيت اهلي الي من ادخله اشم بي ريحة ابوي
وطيبته واتذكر شلون يوصيني وصوته يرن باذاني ويگلي
— انت دائما راح تبقى مهموم لان ما راسيلك على بر دايخ
أنت تقرأ
ناديه طفله اوصلت امها الى حبل المشنقه
Literatura Femininaفي هذا الزمن المتقلب هنالك الكثير من القصص التي حين نسمعها لانكاد نصدق انها موجوده في مجتمعنا هذه قصه حقيقيه واقعيه ولازالو من عايشوها يتكلمون بها رغم قساوة الحياة وصعوبة اليتم الا ان المجتمع لا يتقبلها ناديه فيها الكثير من المعاناة لكن الحيا...
