ناديه طفله اوصلت امها الى حبل المشنقه

توضيح

مساء الخيرات على اجمل واحلى قراء ومتابعين على قلبي
يارب يكونون الجميع بخير وصحه وعافيه

اذا كنتو تسالون على ايدي شويه احسن لان الحقيقه تاركه الكتابه ولان العلاج الي اخذه مخليني طول الوقت
احس بتعب ودوخه وخفقان بالقلب ومن راجعت الطبيب يكلي هو العلاج يسوي هالشكل لانو يرخي العصب
او وصاني ما اتعب نفسي بلكتابه وابتعد عن العصبيه والتشنج

المهم
الكثيير سالني ليش نهيت قصة ناديه او بالاحرى ليش اختصرتها
وهم الكثيير صار عنده تساؤل عن وجودها وكملت او لا وين عايشه حاليا حنين اخبارها شنو
هادي وافراح شنو الي صار بيهم

طبعا راح اوضح الكم نهاية الي كتبته والي اتكلل بزواج ناديه من سراج كان نهاية 2018بداية 2019

سراج اتحمل خوف ناديه واخذ بنظر الاعتبار خوفها من الي صار وحالة الاغتصاب الي اتعرضت الها فهو
ما ضغط عليها وراجع بيها طبيب نفسي وبعدين تزوجو وحملت وصار عدهم عباس

ناديه رجعت الكليتها هم بعد عناء واكثر واحد شجعها هو سرااج واتخرجت طبعا هي رجعت او رجعها سراج بمجرد
ما لگاها وعرف الحقيقه وامتحنت دور ثاني
اما حنين فهي رافضه الحمل الى ان تتخرج رغم دائما سكنه تگلها ابني وحيد واريدله ضنى
فهي حملت لان بسبب ظروف كورونا والدراسه صارت الكتروني وهي الان بالشهر السابع وهي حامل بولد
وعايشه مرتاحه ويه زوجها وخالتها سكنه ومريم

نجي الهادي وافراح مثل ما عرفتو شالو الغير محافظه وصار الحل والربط بايد عمار يعني سحب البساط منهم
الي صار يشتغل اعمال حره وحسب ما يكول سراج اطمع من افراح وهادي
هديل واسيل اتزوجن من نفس المنطقه الي شالو بيها ولان الناس ما تعرف شي عن ماضيهم فتزوجن
الله يستر عليهن واصلا ما صارن ايسالن ولا يتدخلن بشي خصوصا هديل

كرم يحاول بكل مناسبه يعتذر من ناديه وحنين لكن هنه ابد يقابلنه ابرود تام
ام سراج باركت زواجه من ناديه لكن هو يعرف وناديه تعرف انو تريدله وحده ابوها واصل مثل سجى لكن
هذا الشي ابد ما اثر بعلاقتهم بيها

ناديه تسمي سراج بابا وعمو وحبيبي وابو عباس
وهو يسميها ندووش ابنيتي
سراج يحبها الناديه وابد ما يزعلها بحسب كلامها تگول ولا يوم زعلني وبالمقابل انا هم ما ازعله ابد ابد ابد

احدى العزيزات سألتني ع الخاص
شلون انا عرفت باغتصاب ناديه رغم سراج ضما على اقرب الناس الها الي هي زهراء وحنين
صحيح الكم حق بهذا التساؤل
انا من قابلت ناديه واتفقت ان اكتب قصتها بوجود سراج همه ما ردو عليه انا ما لحيت لكن گلت
يجوز اكو بنات او امهات ممكن ان يغلطن نفس غلط مياده يمكن اذا قرن او سمعن بيها يمكن راح يراجعن
نفسهن الف مره قبل ان يقترفن ذنب الخيانه
وبعدها وافقو لكن كان هناك شرط من الطرفين