ناديه طفله اوصلت امها الى حبل المشنقه

البارت السابع والخمسون

مرحبا
نزلتلكم البارت وضغطت على نفسي زايد وعلى ايدي بالذات لان هواي شفت قراء كتبولي وحتى ع الخاص
البارت السابق قصير جدا  وما بي احداث واحداثه معاده ومو مهمه ولازم اختصر
وما يمهم اتكلم عن حنين او ام سراج المهم ناديه

وبيهم من كان مصوتلي بالبارتات السابقه ورجع حذف تصويته
المهم تعرفوني كلش زين انا  اتقبل النقد واحترم كل وجهة نظر
البارت السابق اكثر من 5300  كلمه وبدون اخطاء يعني مو قصير
اما الاحداث ابد مو معاده وضحت وجود حنين ابيت سكنه واكيد القارئ راح يتساءل شلون
اتصرفت وشلونهمه اتقبلوهه واكيد راح تسألون ليش سراج سب ناديه

لازم اقرب للقارئ الاحداث حتى من تقرؤون القصه تتعايشون وياها
الي يصوت شكرا والي ما يصوتلي بكيفه
وهذا لعيونكم بارت سريع بديت بي من الفجر وهسه انتهيت منه
تحياتي الكم
آنيين الليل
//////////////////////////////

سراج
من رجعت انا ورضا من البصره البغداد انو افكر شلون اوصل الناديه كل الي شفته وسمعته من العصابه
لكن تصرف امي او وگعتها وعرفت السبب بي افراح خصوصا اتهامها الي بعلاقتي بمياده واعرف محد
يتجرأ يتهمني هذا الاتهام اله افراح لكن امي نفت هذا الشي الي انا بالاساس ما انطيته اهميه وخليته على صفحه
الى ان انتهي من قضية ناديه  لكن الي دمرني بلحظه والي تعبني لمن ما امي گالت

انو ناديه چذابه وهي شايفه تسجييل الها وهي من (واحد الواحد ) هاي الكلمه مصيبه لكل انسان عنده غيره
خصوصا وانا اعرف امي ما تچذب وما تتجنى على اعراض الناس واعرفها تحب ناديه وما تحب افراح 
  بسبب ظلمها للبنات واساسا امي دائما تشوف افراح همجيه ومن نحجي عليها تگول
هاي عينها فارغه ما مليانه لوهادي يسجل البصره بااسمها هم ما تشبع

امي بعد طلاگ سجى قل سؤالها عن ناديه وحنين لان اعتبرت ناديه واختها هي السبب بطلاگي السجى
فكرت وشفت انو انا بالوقت الحاضر لازم اكسب الجميع حتى اشتغل براحتي
لذلك حاولت اطمن امي انو انا راح اترك كل شي واتفرغ الوظيفتي وحتى اتزوج وحتى اطمنها اكثر
گتلها بس تطلعيين من المستشفى وتصيرين زينه انتي شوفيلي بنيه وانا تزوجها

كان كل همي امي تصير زينه ما احب اقهرها باخر عمرها وبنفس الوقت ما اخلي ناديه بالصوره
طلعت انا ورضا وصدگوني هالمره خجلان من نفسي ومن رضا الي ما سمع كلام امي على ناديه
لكن خجلان قامي ابد ما تخلي ابختها ولا تچذب يعني ناديه چان الها علاقه ويه ياسر وعلاقات هواي بالكليه

  بوقتها اتصلت بيه ناديه عن طريق اخت رضا وانا ما اتمالكت  غلطت عليها وسديت التلفون
صحيح ما مصدك الكلام والاتهام الي امي وجهته الها لكن هيه اكدتلي انو هيه شايفه الها تسجيل
وهذا خلاني بحيره كلش چبيره

رضا ساكت ما حچى وياي ولا كلمه وصلني البيتي وهو راح اعرفه يريدني اهدا وبعدين يناقشني لكن هو ما
يعرف بيه غادي نار ونار تحرك الدنيا كلها
وصلت للبيت وشمرت نفسي ع القنفه مالت الصاله وانا ما مستوعب الي سمعته