" رفيق الروح"
الفصل 16
ملك: لو سمحت يا دكتور عمر فاق ممكن تيجي تشوفه
الدكتور بندهاش : فاق !!!
ملك: اه فاق لو سمحت تعالي عشان تشوفه
الدكتور: الحمدلله تجاوز مرحله الخطر و ينتقل اوضه عاديه و يفضل تحت الملاحظه النهارده
ملك: ماشي يا دكتور شكرا لحضرتك
يوسف: خلاص يا بابا هترجع البيت
عمر: اه يا حبيبي قولي بقي يا بطل كنت واخد بالك من ملك و انا تعبان
يوسف: اه يا بابا كنت بروح اقعد معاها عند جدو
عمر: شاطر يا حبيبي
ملك: ممكن تبطل كلام انت لسه تعبان
عمر: حاضر يا ملاكي
ابو ملك: حمد لله علي سلامتك يا ابني
عمر: اتكلم يا ملك
ملك: انت كده ما اتكلمتش يعني
عمر: الحمدلله بقيت كويس يا عمي
ابو ملك: ربنا يتم شفاك علي خير يا ابني
تعالي يا ملك عايزك
ملك: نعم يا بابا
ابو ملك: الدكتور قالك علي حاله عمر
ملك: اه يا بابا عرفت انه مش هيقدر يمشي علي رجله اليمين الفتره دي بس ان شاء الله مع العلاج الطبيعي هتتحسن
ابو ملك: خليكي يا بنتي جمبه الفتره دي هو محتاج وجودك جمبه انتي مصدر الدعم له لازم تكوني قويه
ملك: مش لازم توصيني علي عمر يا بابا انا معاه و هفضل جمبه لحد ما يتحسن
ابو ملك: سرحتي في ايه يا بنتي
ملك: انت عارف يا بابا انا بحمد ربنا ان العمليه ما نجحتش لو كانت نجحت مكنتش هعرف اهتم بعمر و كان وقتها هحس بتأنيب ضمير علي تقصيري في حق عمر
" اذا كان المنع من عند الله فهو قمه العطاء"
عمر: ملك فين يا عمي
ابو ملك: راحت مشوار و راجعه
ملك: لو سمحتي فين المريضه الي كانوا بيجمعوا ليها تبرعات
الممرضه: في الدور التالت بس الي عايز يتبرع ليها يروح لدكتور حمدي هو الي بيجمع لحالتها عشان تعمل العمليه بره
ملك: ربنا يشفيها
فين اوضه الدكتور لو سمحتي
الممرضه: اخر الممر ده
ملك: ماشي شكرا ليكي
عمر: كنتي فين
ملك: كنت بشوف حاجه سيبك مني دلوقتي قولي عامل ايه دلوقتي
عمر: الحمدلله احسن طالما انتي جمبي
ملك: انا جمبك دايما
يلا عشان تأكل
عمر: بتأكليني بإيدك ده ايه الحب ده كل لو عرف كده كنت تعبت من زمان
ملك: هو انا عندي كام عمر ربنا يبارك لي فيك
الممرضه: مدام ملك مش يلا انتي عارفه التعاليم هنا و وقت الزياره انتهي
ملك: حاضر ثواني بس و خارجه
ملك: معلش يا حبيبي لازم امشي مش هينفع افضل هنا اكتر من كده بس اول ما تصحي هتلاقيني قدامك
عمر: ماشي بس بشرط
ملك: شرط ايه
عمر: تكوني اول حد اشوفه اول ما اصحي
ملك: حاضر من عنيا يا حبيبي من الفجر تلاقيني قدامك
...................................
عمر: ملك انتي جيتي
ملك: اه زي ما وعدتك جيت قبل ما تصحي
عمر: كنت هزعل لو كنتي اتأخرتي
ملك: و انا اقدر علي زعلك يا جميل
عمر: ملك انا هخرج من هنا امتي
ملك : عايز تخرج امتي و انا اخرجك
عمر: انا بتكلم جد يا ملك
ملك: هانت يا حبيبي شويه و الدكتور يجي و يقرر هتخرج امتي
الدكتور: السلام عليكم
ملك: و عليكم السلام
الدكتور: الحمدلله حالتك اتحسنت
ملك: يعني هينفع يخرج النهارده
الدكتور: يفضل يبقي في المستشفي يومين كمان عشان الاهتمام بيه
ملك: انا ههتم بيه و مش هقصر معاه قول لي علي كل التعليمات و انا هنفذها بالحرف الواحد
الدكتور: خلاص ماشي يقدر يخرج بعد ما تخلصي اجراءات الخروج و الادويه دي ياخدها في معادها و بعدها يتابع مع دكتور علاج طبيعي
ملك: ماشي يا دكتور شكرا لحضرتك
ملك: انبسط يا سيدي هتخرج اهو
عمر: الحمدلله انا البيت واحشني جدا
ملك: هنزل اخلص الورق مش هتأخر عليك
ابو ملك: اخبارك ايه يا ابني
عمر: الحمد لله بقيت احسن
ملك: يلا يا بابا انا خلصت الاجراءات الخروج
عمر: فين العكاز يا ملك مش الدكتور قال همشي عليه
ملك: و ايه لازمه العكاز و انا موجوده انا عكازك انفع
عمر: تنفعي يا جميل
ملك: يلا بينا يا بطل امشي علي راحتك و انا معاك اسند عليا
ملك: البيت نور بيك يا حبيبي
عمر: ايه ده كله لحقت تجهزي البيت بسرعه دي و بلانين و ورد
ملك: مواهب يا ابني
عمر: ما نمتيش طول الليل مش كده
باين عليكي
ملك: و انا هسهر لاعز منك اهم حاجه يكون البيت عجبك
عمر: عجبني البيت و صاحبه البيت
ملك: ارتاح علي ما اجيب الغدا
عمر: و ماله اكون شوفت العبارات الحلوه الي علقتيها في الاوضه
" لا بأس طهور ان شاء الله".
( دعاء للمريض)
" ادام الله وجودك في حياتي "
" قد غاب عني نور حياتي و ها قد عاد لي من جديد"
" انتصر حسن ظني بالله و اعادك الله الي "
ملك: يلا يا بشمهندس الغدا جاهز
عمر: تسلم ايدك يا جميل
ملك: يلا خد العلاج و نام
عمر: مش هتنام انتي كمان انتي سهرانه طول الليل
ملك: شويه و هنام
عمر: هتفضلي تتأملي في كتير
ملك: عندك مانع
عمر:لا بس ده انا وشه كله مشلفط من الحادثه
ملك؛ بكره يا حبيبي ترجع احسن من الاول
و بعدين انت اجمل واحد في عنيا
عمر: بجد
ملك: اه بجد
انا بحبك زي ما انت و هفضل احبك حتي بعد ما تعجز و تكرمش و شعرك يبيض
اصل جمال الشكل ده جمال زائل مافيش احلي من جمال الروح
عمر: كل يوم بعيشه معاكي بكتشف فيكي حاجه جديده
ربنا يبارك لي فيك يا ملاكي
ملك: يلا نام و انا كمان هنام
ياااه مش مصدقه انك جمبي و هصحي علي صوتك و ابتسامتك الحلوه الحمدلله انك رجعت ليا يا عمر
عمر: معلش يا ملك عايز مايه
ملك: احسن كوبايه مايه ليك يا حبيبي
عمر: ايه ده يا ملك فين دهبك
ملك: دهبي
عمر: بعتيه مش كده
ملك: اه يا عمر
عمر: ليه يا ملك
ملك: بعته عشانك عارفه انك مش هتحب ان بابا الي يصرف عليك و انت تعبان فبعته عشان مصاريف علاجك
بكره تجبلي غيره و لا مش ناوي تجبلي
عمر: انا اجبلك دهب الدنيا كلها ليكي انا مرتبي زاد و هجبلك كل الي انتي عايزاه
ملك: مرتبك
عمر: مالك
ملك: زعلانه منك يا عمر ازاي تقدر تخبي عليا انك بتشتغل شغل تاني بعد الشركه
ليه يا عمر تعمل كده انا زعلانه منك اوي
عمر: حقك عليا يا حبيبتي بس ما كنتش عايز اقلقك انا عملت كده عشان تعملي العمليه تاني و يكون عندنا ولاد
ملك: بس انا مش هعمل عمليات تاني
عمر: الامور هتتحل يا حبيبتي كلها يومين و ارجع الشغل من تاني و نجمع فلوس العمليه
ملك: المشكله مش مشكله فلوس انت عارف اني جبانه و بخاف من الحقن و العمليات ده انا مش عارفه ازاي اتبرعتلك بالدم و مخوفتش
' ذاك الزوج المضحي براحته من اجل سعاده زوجته و تلك الزوجه المضحيه بسعادتها من اجل راحه زوجها '
عمر: انتي اتبرعتلي بدمك
ملك: اه شوف ازاي وراك وراك حتي دمي بقي بيجري في عروقك
عمر: و حصلك حاجه بعد ما اتبرعتي
ملك: انت عارف اني شجاعه
اتبرعت من هنا و وقعت من هنا
عمر: شجاعه اوي يا حبيبتي
ملك: طبعا يا حبيبي انت هتقولي
...........................
ملك: بتكتب ايه يا حبيبي خليني اشوف
عمر: اتفضلي يا ملاكي
ملك:
حبيبتي في الدلال طفله و في الشده ذاك العكاز الذي استند عليه
الله ايه الكلام الحلوه ده بمناسبه العكاز يلا يا حبيبي عشان تعمل التمارين الي الدكتور قال عليها
عمر: تمارين تاني انا تعبت
ملك: تاني و تالت لحد ما تتحسن
عمر: ده الدكتور ما بيعملش معايا كده
ملك: الدكتور معتمد عليا عارف اني هقوم بالواجب و زياده
عمر: انتي فعلا تعبتي معايا الفتره الي فاتت مش عارف اشكرك ازاي علي تعبك معايا
ملك: احنا ما بينا شكرا يا عمر انا و انت واحد يا حبيبي
مش لازم تقول كده
عدي شهرين بعلاج الطبيعي و عمر بدأ يتحسن و بقي يقدر يمشي علي رجله
# يتبع
# آيه عفيفي
