" رفيق الروح"
الفصل23
يوسف: جبت لاميرتي الحلوه الوان و كراسه عشان تلون فيها مش اميرتي بتحب تلون
مريم: اه يا يوسف انا بعرف الون
يوسف: و جبت عروسه جميله ليكي كمان
مريم: الله يا يوسف انا بحبك خالص
يوسف: و انا بحبك يا اميرتي
مريم: و دي هديه مين يا يوسف
يوسف: دي بتاعه بابا
مريم: هفتحها انا يا يوسف
يوسف: افتحيها يا حبيبتي
مريم: دي ساعه يا بابا
حات ايدك عشان تلبسها
مريم: بتضحك ليه يا بابا بتضحك عليا
عمر: لا يا حبيبتي مش بضحك عليكي بضحك عشان افتكرت اول ساعه اشتراتها انا و ماما مع بعض و كانت ساعه مميزه بالنسبه ليا و اكيد دي هتكون مميزه عشان يوسف الي جابها
مريم: دي هديه ماما مش كده يا يوسف
يوسف: اه يا حبيبتي
مريم: شوفي يا ماما يوسف جاب ايه ليكي
ملك: ليه يا ابني تعبت نفسك يعني اول مرتب ليكي تصرفه علينا
يوسف: و انا عندي اعز منكم
ملك: ربنا يبارك لك يا ابني
......................................
مريم: بابا انا عايزه اجي معاك الشركه
ملك: ما ينفعش يا حبيبتي تروحي
مريم: طب ما يوسف بيروح
ملك:يوسف كبير و بشتغل هناك
مريم: انا هشتغل انا كمان
عمر: خلاص تعالي معايا يا حبيبتي
مريم: شكرا يا بابا انا بحبك خالص خالص انا هدخل انام عشان اصحي بدري يا بابا
عمر: ماشي يا حبيبتي
ملك: هتاخدها معاك الشركه
عمر: اعمل ايه ما بقدرش اشوف نظره حزن في عنيها نفس النظره بشوفها في عنيكي لما تكوني زعلانه و انا مقدرش علي زعلكم انتو الاتنين
ملك: ربنا يبارك لي فيك يا حبيبي
ملك: تسمعي كلام بابا و تقعد ساكته
مريم: حاضر يا ماما هسمع الكلام
عمر: يلا يا مريومه عشان هنتأخر
مريم: انا خلصت يا بابا
مريم: بابا هو يوسف هيروح معانا
عمر: اه يا حبيبتي
مريم: ماما ماما انا جيت
ملك: غلبتي بابا ولا سمعتي الكلام
مريم: سمعت كلام بابا يا ماما
ملك: شاطره يا حبيبتي
مريم: انا فرحانه خالص يا ماما يوسف جابلي شكولاته و شيبسي و آيس كريم كمان و اتصورت انا ويوسف و يوسف صورني و انا قاعده علي المكتب بتاع بابا انتي عارفه يا ماما مكتب بابا حلو اوي انتي شوفتيه يا ماما
ملك: اه يا حبيبتي
مريم: بس عارفه يا ماما انتي واحشتني خالص و انا بعد كده مش هسيبك لوحدك تاني يا ماما
ملك: قلب ماما العسوله
.......................
مريم: ماما ماما
ملك: نعم يا حبيبتي
مريم: مش ده يوسف يا ماما الي جاي هناك ده
ملك: اه يا حبيبتي
مريم: هو شايل ايه يا ماما
ملك: دي يا حبيبتي المسطره بتاعته
مريم: يوسف يوسف
يوسف: مريومه حبيبتي
ملك: عملت ايه يا حبيبي في الامتحان
يوسف: الحمدلله الامتحان كان كويس
ملك: ربنا يوفقك يا ابني روح نام عشان تصحي تذاكر
مريم: يوسف يوسف
يوسف: نعم
مريم : عايزه اشيل المسطره بتاعتك
يوسف: بس كده خدي شيلها
مريم: دي كبيره عليا خالص يا يوسف
يوسف: ما تزعليش تعالي اشيلك
مريم: كده بقت مش كبيره عليا يا يوسف انا لما اكبر هكون
مهندسه زيك و هاخد المسطره بتاعتك
يوسف: ماشي يا اميرتي هعين المسطره عشانك
مريم: استني يا يوسف
يوسف: في ايه تاني
مريم:خد شكولاته يا يوسف عشان انت حليت صح في الامتحان ماما جابت ليا شكولاته عشان انا خلصت واجب المس بسرعه و هنروح عند جدو
يوسف: شكرا يا أميرتي
مريم: تاكلها و بعدين تنام
يوسف: حاضر
مريم: سلام
..................
مريم: جدو جدو انا جيت
ابو ملك: حبيبه جدو
مريم: انا بحبك خالص يا جدو
ابو ملك: و انا بحبك يا قلب جدو
مريم: يلا عشان تلعب معايا يا جدو
ملك: بس يا حبيبتي جدو تعبان
ابو ملك: انا هلعب مع مريومه حبيبتي هو انا عندي اعز منها
...........................
مريم: ماما يلا يا ماما عشان نروح المسجد
ملك: حاضر يا حبيبتي بس هخلص الغدا عشان يوسف هيجي يتغدي معانا
عمر: يلا ملك لما تيجي تبقي تخلصي
ملك: في ايه يا عمر شكلك متحمس اوي
عمر: اصل في امام جديد هيخطب النهارده و عايز نحضر الخطبه من الاول
مريم: يلا يا ماما بقي انا لبست لوحدي
ملك: حاضر يلا انا لبست بابا مشي
مريم: اه سبقنا
ملك: يلا بينا يا حبيبتي
ملك: احنا هنروح المسجد عشان نصلي مش هنقعد نلعب في المسجد
مريم: حاضر يا ماما
ملك: و نسمع الخطبه و ما نتكلمش لحد ما تخلص
مريم: حاضر يا ماما مش هتكلم خالص و هسمع الخطبه عشان هتكون حلوه
ملك: و انتي عارفه منين انها هتكون حلوه
مريم: ده سر يا ماما
ملك: سر اممم
مريم: يوسف انا سمعتك انا وماما و ماما كانت فرحانه خالص
يوسف: يعني ماما عجبها الخطبه
مريم: اه يا يوسف
عمر: عيوطه هانم
ملك: بس يا عمر
عمر: فرحانه بتعيطي زعلانه بتعييطي تعبتيني معاكي
ملك: فرحانه اوي بيوسف يا عمر يوسف حقق لي حلمي مكنتش مصدقه نفسي اول ما سمعت صوته
عمر: طول الخطبه بيمدح فيكي و يدعيلك
( امي هي من زرعت في قلبي حب القران حتي ختمت القران علي يديها .كانت دائما تقول لي يا بطلي حتي صرت انظر لنفسي علي انني ذاك البطل فما صرتُ عليه الان هو بفضل امي ،رزقكِ الله الفردوس يا أمي و ادام وجودك في حياتي"
ملك: ربنا يباركله
عمر: علفكره انا بقيت بغير منه
ملك: بس يا عمر احنا كبرنا
عمر: مهما كبرتي هتفضلي حبيبتي و روح قلبي و لسه بشوفك العروسه الي خطفت قلبي من اول يوم شوفتها
ملك: لسه شايفني حلوه بعد ١١ سنه جواز
عمر: لو سمحتي ١١سنه و ٥شهور و ٣ اسابيع و ٥ ايام
ملك: ده انت فاكر بقا
عمر: عمري ما انسي يوم عشته
مريم: فين الاكل يا ماما انا جعانه
ملك: بابا هو الي معطلني يلا يا عمر خرج الاكل
عمر: حاضر يا ملاكي
يوسف: و اخيرا النهارده حققت حلمك يا ماما لسه فاكر اليوم الي وعدتك فيك اني اكون امام المسجد
ملك: ربنا يفرح قلبك يا ابني زي ما فرحتني
مريم: يوسف تعالي حل معايا الواجب
يوسف: حاضر
مريم: شوف يا يوسف المس قالت لي انتي شاطره يا مريومه و انا قولت للمس لما اكبر هطلع مهندسه زي يوسف
يوسف: شاطره يا اميرتي بكره تكوني مهندسه
مريم: انا خلصت الواجب يلا نلعب بقا يا يوسف
يوسف: يلا يا جميل
.............................
عمر: تعالي يا حبيبتي عايزك
ملك: في حاجه يا عمر
عمر: كنت عايز اكتب الشقه الي فوق باسم يوسف ايه رأيك
ملك: اكيد موافقه يوسف ابننا
عمر: هكتبها باسمه و علي ما يخلص الكليه يكون ربنا عني و جهزت الشقه ليه
ملك: يخلص كليه و نشوف له بنت الحلال الي تسعده
........................
عمر: مريومه يا حبيبتي تعالي يلا عشان هنروح عند جدو و تلعبي مع محمود هناك
مريم: مش هلعب مع محمود تاني
عمر: هو زعل حبيبتي
مريم: لا يا بابا بس يوسف قالي ما تلعبيش مع ولاد تاني عشان انتي كبرتي
عمر: ماشي يا حبيبتي اسمع كلام يوسف
........................
يوسف: السلام عليكم
عمر: و عليكم السلام يا حبيبي
يوسف: قالو لي المدير عايزني
عمر: بس انا عايز اتكلم معاك كابني ينفع
يوسف: شكل الموضوع جد
عمر: اسمعني يا ابني انت دلوقتي اتخرجت و ان الاوان تخطب يا ابني اختار البنت الي تعجبك و انا اخطبهالك
يوسف: لسه بدري اوي
عمر: ليه يا ابني انا جهزت الشقه عشانك و انت بتشتغل و تقدر تفتح بيت
يوسف:عايز اعتمد علي نفسي كفايه علي حضرتك كده عايز اجهز شقتي بنفسي عشان لما اخطب اكون تعبت عشان اوصلها
عمر: اعمل الي يريحك يا ابني
يوسف: عن إذنك عندي شغل
.......................
مريم : بابا بابا
عمر: نعم يا حبيبتي
مريم: انا خلاص مش هخرج بشعري تاني
عمر:شاطره يا حبيبتي ماما الي قالت ليكي
مريم: ماما قالت لي هي و يوسف
و يوسف قالي اني شعري حلو خالص و مش لازم حد يشوفه غير بابا و ماما و جدو و تيتا صح يا بابا
عمر: صح يا حبيبتي
مريم: شوف يا بابا يوسف جابلي طرحه حلوه خالص انت عارف يا بابا انا بحب الهدايا بتاعه يوسف اوي
عمر: قولتلي ليوسف شكرا
مريم: ايو يا بابا
#يتبع
# آيه عفيفي
