" رفيق الروح"
الفصل 25
الدكتور: مش لازم تقلقوا المرض لسه في اوله احمدوا ربنا اننا اكتشفناها بدري ان شاء هتخف منه
علت الصدمه وجوه الجميع لم يستطيع احد فعلا شئ سوي الرضي بقضاء الله
مريم: الحمدلله علي كل حال جايز المرض ده جه عشان يغفرلي ذنوبي عشان لما اموت اقبل ربنا من غير ذنوب
ملك: انتي هتعيشي انتي فاهمه هتخفي و ترجع زي الاول
و خرجت من الغرفه و لحق بيها زوجها
يوسف: انتي قويه و هتقدري تتعالجي و ترجعي زي الاول
و ان شاء الله هيتم شفاءكي علي خير
مريم: ان شاء الله
يوسف: مش عايزك تعملي فيها تعبانه كتير شهرين كده و ترجعي انا مش هحفظ الولاد لوحدي دي مسؤليتنا احنا الاتنين
مريم: ان شاء.
يوسف: و بعدين في سر عايز اقولك عليه كل الولاد بيحبوكي اكتر مني فاكره زمان لما قولت لي انا عايزه ابقي زيك عشان الناس تحبني زيك
دلوقتي الناس بتحبك اكتر مني
مريم: كويس هلاقي حد يدعيلي بعد ما اموت
خرجت و سبتها مكنتش هقدر اقعد اكتر منك كده كانت دموعي هتضعفني
يا ليت الزمان يعود يوما فأستطيع احتضان طفلتي و تجفيف دموعها يا ليتني استطيع التخفيف من المها فيا ربي هب لي طاقه لاستحمل رؤيتها وهي تتألم من ذلك المرض اللعين
عمر: بس يا ملك ما تعيطيش ان شاء الله خير احنا مصدر قوتها لازم ندعمها مش نضعفها يا حبيبتي
يوسف: ادخلي يا ماما اقعدي معاها و انا عارف دكاتره كتير و ان شاء الله هتتعالج و هتبقي احسن من الاول
عمر: يلا يا حبيبتي ادخلي اقعدي معاها و انا و يوسف هنصرف
ملك: تعالي في حضني يا حبيبتي
مريم:و ليه الدموع دي يا جميل انتي عارفه الحاج ما بيحبش يشوف دموعك هتزعلي مني كده
ملك: خليك دايما بتضحكي ان شاء الله هتخفي يا حبيبتي
مريم : ان شاء الله يلا امسحي دموعك بقا
عمر: هااا يا يوسف يا ابني عملت ايه
يوسف: في دكتوره شاطره هتيجي تشوفها دلوقتي
الدكتوره نور: السلام عليكم
عمر: و عليكم السلام
نور: ايه ده عمو عمر
حضرتك بخير
عمر: اه يا بنتي بخير بس بنتي الي تعبانه
نور: ما تقلقش ان شاء الله تكون بخير هدخل اشوفها و طمنكم عليها
نور: السلام عليكم يا جميل
مريم: و عليكم السلام
نور: تقدري ترفعي النقاب محدش هيدخل غيري
نور: قول لي بقي يا جميل اسمك ايه
مريم:مريم
نور: و انا نور بيقولوا عليا الدكتوره بس انا عايزه نبقي صحاب ايه رأيك
مريم: اكيد هنكون صحاب
نور: انتي في سنه كام
مريم: داخله اولي ثانوي
نور: و عايزه تطلعي ايه بقا
مريم: مهندسه
نور: زي يوسف و عمو عمر
مريم: انتي تعرفيهم
نور: اه والدك له فضل كبير عليا انا و مروان جوزي لولاها مكنش اتجوزنا ،و كان اول واحد جه فرحنا و كأن مروان ابنه باباكي طيب اوي و كل الناس بتحبه و مروان بيحبه اوي و انا حبيته من كتر كلامه عنه
مريم: انتي مرات مروان
نور: اه
مريم: تعرفي انه كان بيرخم عليا و انا صغيره بس هسامحه عشان خاطرك انتي
نور: كده خلصنا حسيتي بحاجه
مريم: حاجه بسيطه
نور: معلش يا حبيبتي
مريم: الحمدلله كله في ميزان حسناتي
وراء كل محنه منحه و مش لازم استسلم و لازم احقق حلمي
نور: شكلك طالعه زي بابا مروان كان بيقولي انه دايما متفائل و عنده رضي بقضاء الله
يلا اشوفك المره الجاي تكوني احسن
مريم: ان شاء الله
عمر: طمننيني يا بنتي مريم عامله ايه
نور: هي كويسه ما شاء الله عندها اراده قويه و ان شاء الله هتخف
يوسف: هتبدأ علاج من امتي
نور: هي عايزه تشوف صحابها قبل ما تيجي المستشفي فخليها علي راحتها و ان هبقي معاكم علي اتصل لو حصل حاجه
عمر: عامله ايه دلوقتي يا حبيبتي
مريم: ما تقلقش عليا انا مش بس خدت لون عنيك لا انا كمان قويه زيك ماما حكت ليا لما تعبت و عملت الحادثه و الدكاتره قالوا انك مش هترجع تمشي علي رجلك زي الاول بس انت ما استسلمتش و رجعت زي الاول
عمر: انا رجعت زي الاول بسب دعمها ليا و وقوفها جمبي
و احنا دلوقتي يا حبيبتي هنوقف معاكي لحد ما تخفي و ترجعي احسن من الاول
مريم: ان شاء الله
يوسف: خدي راحتك انا خارج و لو احتاجتم حاجه نادوا عليا
مريم: بابا انا هخرج امتي
عمر: بكره الصبح يا حبيبتي
...........................
مريم: بيتنا واحشني اوي يا ماما مع انها كانت فتره قصيره الي غبتها عنه و اكيد هيوحشني الفتره الجايه
ملك: ان شاء الله يا حبيبتي تخفي و نرجع بيتنا بسرعه
مريم: انا هروح اودع اسماء و سلام علي الولاد
ملك: خليكي يا حبيبتي و انا اكلمهم يجوا
مريم: انا عايزه اخرج
عمر: سبيها علي راحتها بنتي قويه مش كده يا مريومه
مريم: ايوا يا غالي
يلا مش هتأخر
....................
مريم: السلام عليكم ازيكوا يا حلوين
الاطفال: الحمدلله يا ابله مريم
ساره: بس انتي واحشني خالص
مريم: و انتي يا واحشني اكتر يلا عايزاكي تحفظ مع ابيه يوسف و تبقي اشطر واحده و شوفي انا جبت هدايا ليكم كلكم
يوسف: انتي جيتي ليه يا مريم
مريم: جيت عشان اودع الولاد و اقولهم يسمعوا كلام ابيه يوسف علي ما ارجع
يوسف: انتي كويسه
مريم: اه بس دايخه شويه
يوسف : طب اقعدي ارتاحي شويه و بعدين نروح
يوسف: النهارده اجازه يا ولاد عشان ابله مريم تعبانه
قومي يلا عشان اروحك
