" رفيق الروح"
الفصل السادس
ملك: اليوم كان حلو اوي
انا بجد فخور بيك يا عمر و ازاي قدرت تزرع مبادئ و قيم في يوسف مش موجوده في شباب اليومين دول
عمر: سن ده انسب سن تزرع جواه القيم و اهم حاجه مراقبه الله هتخليه يطلع بيتقي الله و لازم نكون ليه القدوه و نشجعه
ملك: فعلا انت قدوه ليه و بيقلدك في كل حاجه
عمر: الطفل في السن ده بيبقي عنده دافع لتقليد الي حواليه و لازم نستغل الدافع ده في حاجات كويسه زي تشجيعه علي حفظ القران و الصلاه في المسجد
ملك: ابهرتني ايه كل المعلومات دي و عرفتها منين
عمر: قرأت كتب كتير في التربيه
ملك: لا برافو عليك انت طلعت متعدد المواهب و انا مش عارفه
عمر:..........
ملك: مالك سرحت في ايه
عمر: انتي ليه كنتي رافضني حتي من غير ما تتكلمي معايا
ملك: كل الحكايه انا صحاب بابا و قرايبنا شايفين اني معقده و متشدده عشان لبست الخمار من ثانوي و بدات اروح المسجد احضر دروس و كانت عايزه صفات معينه في الانسان الي هختار و مش هلاقي الشخص ده بسهوله
عمر: و طبعا افتكرتي اني زيهم مش كده
ملك: اه و ده الغلط الي وقعت فيه اني عممت القاعده علي الكل المفروض كنت اديك فرصه و اسمعك
عمر: و ايه المواصفات الي كنتي عايزاها بقي و ياتري لقتيها فيا ولا لا
ملك: مفيش سيدي كنت عايزه واحد فاهم يعني ايه جواز و مسؤليه حد يحتويني و يتقبلني بكل عيوبي قبل مميزاتي حد يشوفني اعظم انتصاراته حد فاهم ان اساس اي علاقه المود و الرحمه و الثقه و الاحترام المتبادل الي يشوف كرامته من كرامتها و ما سمحش لحد انه يقلل منها. عايزه انسان غيور يشوفني جوهره و مش لازم حد يشوفني غيره مش يخليني ارقص في الفرح و الناس كل تتفرج عليا هو واقف يصقف و مش عنده مانع اهم حاجه الناس تمدح في اختياره و انه اختار واحده حلوه .في فرق كبير بين واحد عايز يبدا حياته بطاعه و فرح اسلامي و حد اهم حاجه عنده انه يهيص و يفرح و عادي يوم و هيعدي.عايزه حد يشجعني اني اقرب من ربنا اكتر مش ابعد بعد ما بقيت علي الطريق .حد يكون قدوه لاولادنا و يشجعني نربيه صح نربيه علي سيره النبي و ازاي يقتدوا بيه و نهيئ ليهم البيئه الي تساعدهم يكونوا صالحين و نحفظهم القران عشان يلبسونا تاج الكرامه يوم القيامه .عايزه انسان ياخد بايدي للجنه
عمر : فكرتيني بمقوله" الزواج عكاز يتوكأ عليه اثنان تالف علي نفص و رضيا بالمتاح يقطعان الطريق الي الكمال في الجنه"
عمر : تعرفي انك كبرتي في نظري اكتر بعد الكلام ده و انتي تستاهلي اني احارب عشان اكسب قلبك
ملك: انا بعد ما عشت معاك عرفت انك الشخص الي كنت بحلم بيه فيك كل الصفات الي اتمناها
توعدني انك تاخد بايدي للجنه
عمر : اوعدك بس انتي شجعيني
ملك: عمر عايزه اطلب منك طلب
عمر: انتي تؤمري يا ملاكي
ملك: ثواني
عمر : ايه ده
ملك: دي نوته هنكتب فيها كل واحد هيكتب ايه الحاجات الي بيحبها و ايه الحاجات الي بتضايقه غششك يعني عشان لما تزعلني تعرف تصالحني
عمر: ان كان كده ماشي
اكتبي يا ملاكي
ملك: اخيرا خلصت يلا اكتب
عمر: حاضر
ملك: وريني كتبت ايه
عايزك تكوني جمبي دايما في كل حالاتي
ملك: وانا موجوده دايما جمبك
ملك: نروح علي الجزء التاني
عمر: " بقي الود ما بقي العتاب" ايه ده
ملك: ده جزء العتاب
لما تكون مضايق مني في حاجه اكتبها و بعدين سامحني عليها و انا لما اكون مضايقه منك هكتب فيها
عمر: ليه نكتب لما يكون بايدينا نتكلم مع بعض
ملك: في حاجات ساعات مش بناخد بالنا منها ممكن تزعل التاني و في حاجات ممكن نكون مش قادرين نقولها فنكتبها
و كل واحد لما يشوف التاني كتب ايه يصالحه بطريقته
عمر: ماشي طالما انتي عايزه كده
بس مع الوقت مش هنحتاج نكتب عشان هنفهم بعض من غير ما نتكلم
ملك: يلا عشان نصلي القيام في ركننا الهادي
عمر: يلا بينا يا ملاكي
ملك: عمر ايه رايك نروح عند بابا النهارده
عمر: اكيد موافق هو انا اقدر ارفضلك طلب هصلي الضهر و نروح بإذن الله
ملك: و انا هلبس علي ما تيجي
..........................
ملك: انا جيت نورت البيت
ام ملك: مش هتعقلي يا بنتي هتفضلي طفل حتي بعد ما اتجوزتي الناس بتدخل تقول سلام عليكم
ملك: حاضر هعقل و هقول سلام عليك كده كويس
ابو ملك: سيبها علي طبيعتها مفيش احل من الطبيعه
ملك: انت الي ناصفني يا حاج والله اخبارك ايه طمني عليك
ابو ملك: الحمدلله بخير انتي الي واحشني
ملك: لا اوحش الله لك قبرا ولا قلبا
ابو ملك: ازيك يا عمر يا بني عامل ايه
عمر: بخير طول ما حضرتك بخير
ابو ملك: انتو هتقعدوا معانا النهارده و نتغدي سوا
ملك: هنتغدي ليه كده بس بعد كده مش هياكل من اكلي
عمر: اكلك ما شاء الله حلو
ملك: امدحني علي معنوياتي قدامهم انا ست بيت شاطره مش كده
ابو ملك: طبعا حد يقدر يقول غير كده
ابو ملك: تعرف يا عمر ملك كانت بتدعي ربنا يرزقها بواحد يعرف يعمل اكل
ملك: و الحمد لله ربنا استجاب عمر بيعرف يعمل اكل حلو اوي
ام ملك: ربنا يكون في عونك يا بني
ملك: في ايه يا غاليه انا بنتك علي فكره مش عارفه مالك مضايقه مني كده ليه اكيد عشان بابا
بيحبني اكتر صح يا بابا
ابوملك: انت نور عيني يا بنتي
ملك: ربنا يبارك لنا في عمرك و تفضلي سندي لحد اخر لحظه في حياتي
ابو ملك: ربنا يبارك لي فيك و اشوفك مبسوطه دايما
عمر: يلا عمي ننزل نصلي العصر
ابو ملك: يلا يبني نروح نصلي و نيجي نتغدي
............................
ابو ملك: عايز اقولك كلمتين يا بني
عمر: اتفضلي يا عمي
ابو ملك: انا وافقت انك تتجوز ملك عشان شوفتك راجل و اد المسؤليه و هتحافظ علي بنتي و تتقي الله فيها
وانا النهارده شوفت نظره فرحه في عيون بنتي عرفت انك قدرت تكسب قلبها علشان كده عايزك توعدني يا بني انك ما تكسرش قلبها
عمر: ملك يا عمي في عنيا انا كل الي يهمني سعادتها اوعدك انا هحافظ علي قلبها و مش هخلي الابتسامه تفارق وشها
ابو ملك: و انا متأكد من ده يا بني
ابو ملك: خد يا بني نصايح من اب لابنه انت زي ابني
عمر: ده شرف ليا انك تعتبرني اني زي ابنك
ابو ملك: الست يا بني زي الشمعه محتاجه الي يحاوطها عشان تفضل تنور والا شويه هوا و هتنطفي
حاوطها يا بني باهتمامك بيها و حبك ليها اسمع ادق تفاصيلها الي ممكن تكون بالنسبه ليك تافهه .شاركها في مشاكلك و اهم حاجه يا بني الكلمه الحلوه الكلمه الحلوه يا بني بتحي القلوب .اوعي تهون عليك دموعها اوعي في تكون سبب في دموعها عشان وقتها مش هسامح
عمر: اوعدك اني هعمل كل الي اقدر عليها عشان اسعدها
# يتبع
# آيه عفيفي
هستني رايكم يا حلوين
