"رفيق الروح "
الفصل التالت
عمر : السلام عليكم و رحمته الله السلام عليكم و رحمته الله
ملك: معلش مكنتش اعرف انك هنا بس كنت جاي عشان اصلي عشان برتاح في المكان ده
عمر: عادي و لا يهمك انا خلصت صلاه و بعدين البيت بيتك تصلي في المكان الي يعجبك
ملك: انت متعود تصلي القيام
عمر : الحمد لله ربنا يثبتنا
ملك: و ايه اثر القيام في حياتك
عمر: دعوتي الي كنت بتمناها اتحققت
ملك : و ايه هي الدعوه دي
عمر : انتي
عن اذنك هروح المسجد الفجر قرب يأذن
معقول كان بيدعي بيا يعني بيحبني عشان كده اتجوزني ماما كان عندها حق انا لازم ادي عمر فرصه و ادي لنفسي فرصه عمر مش وحش زي ما انا كنت متخيله
عمر: ملك انا رايح الشغل عايزه حاجه
ملك : اه يا عمر معلش خلي يوسف يجي يقعد معايا بدل منا لوحدي
عمر: حاضر يا ست البنات هبعتهولك
يوسف: السلام عليكم
ملك: و عليكم السلام اتفضل يا استاذ يوسف
يوسف: بابا ....عمو عمر قالي انك عايزاني
ملك: ايه رايك نبقي صحاب
يوسف: و انا موافقه
ملك: كلام الي بنا هيبقي سر
يوسف: طبعا
ملك : قلي انت و عمر اتأخرتم ليه يوم الجمعه
يوسف: عشان عمو عمر بيحفظنا قران في المسجد بعد الصلاه انا و صحابي و انا اشطر واحد فيهم
ملك: هو عمر حافظ القران
يوسف: اه حافظه كله زيك و انا كمان هحفظه كله زيكم
ملك( شكلك عارف كل حاجه عني يا عمر):ان شاء الله تحفظه و انا كمان هحفظك عشان تخلصه بسرعه
يوسف:بجد انا فرحان اوي
ملك: مين مروان و ياسين دول صحابك
يوسف: اه دول صحابي الي في الملجأ بنروح نشوفهم و بابا عمر بيجبلهم هدايا لما يحفظوا
ملك( انت طلعت طيب اوي يا عمر )
ملك: ممكن اسألك سؤال
يوسف: اكيد احنا صحاب
ملك: انت ليه بتقول لعمر يا بابا و ساعات يا عمو
يوسف : اقولك بس ما تزعليش
ملك: قول
يوسف: انا بحب اقوله يا بابا بس تيتا قالت لي اقوله يا عمو عشان انتي ما تزعليش
ملك: فين اهلك يا يوسف
يوسف : بابا و ماما ماتو و انا عايش مع تيتا
ملك: آسفه يا يوسف ربنا يرحمهم ما تزعلش بابا عمر هيفضل معاك
يوسف: يعني اقوله يا بابا عادي مش هتزعلي
ملك: لا مش هزعل
يوسف؛ انا ينفع اقولك يا ماما
ملك: اه ينفع
يوسف: بجد
ملك: اه يا حبيبي تعالي في حضني و ما تعيطتش
عمر : السلام عليكم
ملك و يوسف: و عليكم السلام
عمر: الظاهر انكم بقيتوا صحاب
يوسف: احنا بقينا صحاب انا و ماما ملك مش كده يا ماما
ملك: ايو يا حبيبي
ملك:ثواني يا عمر هجيب الغدا يلا يا يوسف عشان تتغدي معانا
يوسف: انا همشي عشان اساعد تيتا في تجهيز الاكل
ملك: ماشي يا جميل هستناك بكره اوعي ما تجيش
يوسف: ان شاء الله هاجي سلام
ملك: سلام يا حبيبي
عمر: مش عارف اشكرك ازاي علي معاملتك مع يوسف هو محتاج حد يبقي معاه و انا انشغلت عنه الفتره الي فاتت
ملك: ما فيش داعي تشكرني
بدات علاقتي بعمر تتحسن بدانا نتكلم بس كلامنا كان بسيط و بقيت بذاكر ليوسف و بقعد معاه يحكيلي عن عمر و عرفت حاجات كتير عن عمر خلتني احترمه اكتر و يكبر في نظري
عمر: السلام عليكم
يوسف: عليكم السلام انت جيت يا بابا واحشني اوي
عمر: ملك انا داخل انام و مش عايز اكلم حد
يوسف: بابا انت زعلان مني
عمر : انت عملت حاجه تزعل و ما بتروحش دروسك بس صح
يوسف : انا عارف انت زعلان مني بس
عمر: بس ايه انا قولتك ايه قبل كده انت مسؤل مني
عمر دخل الاوضه و قفل الباب
يوسف: خليه يفتح الباب و يكلمني هو بيحب و هيسمع كلامك و انا خلاص مش هزعله
ملك: عمر معلش افتح الباب عشان خاطري و يوسف مش هيزعلك تاني مش كده يا يوسف
يوسف: ايو يا بابا هسمع كلامك و مش هزعلك
عمر: انا فتحت الباب عشان خاطرك يا ملك انتي غاليه عندي لكن يوسف انا لسه زعلان منه
يوسف: سامحني يا بابا انا خلاص هروح الدروس انا قولت مش لازم اروح ماما ملك بتذاكر معايا و انت كمان بتذاكر معايا ليه اروح الدروس و ندفع فلوس علي الفاضي
عمر: انا قولتلك ميت مره انت ابني و مسؤل مني
يوسف: بس انا
عمر: بس ايه يا يوسف انا مش عايزك تعيشي الي انا عشته انا موجود علشانك
يوسف: خلاص يا بابا ما تزعلش مني
عمر: انت بتعيطي ليه دلوقتي
في رجاله بتعيط
يوسف : خلاص مش هعيط تاني بس انت ما تزعلش مني
و هذاكر و اطلع الاول كمان
عمر: خلاص ما تزعلش و تعالي في حضني واحشني
يوسف: و انت واحشني اوي يا بابا انا بحبك اوي و مش هزعلك تاني
عمر: يلا عشان تتغدي معانا
يوسف : ماشي
اد ايه انت حنين يا عمر ده مش ابنك و بتعامله كده امال هتعمل ايه مع ولادك. و ايه الي انت عيشته و مش عايز يوسف يعيشه
عمر : ملك
ملك: هااا كنت بتقول حاجه
عمر: بقول يلا نتغدي
ملك : ثواني هجيب الغدا
يوسف: و انا هاجي اساعدك
ملك: ماشي يا حبيبي يلا بينا
...................
ملك: ايه ده الفجر اذن و عمر ما جاش يصحيني ماشي يا عمر .
ايه ده و اتأخر في مسجد كده ليه مش هيروح الشغل ولا ايه . اتصل عليه اشوفه فين
رن رن
ملك: ايه ده التليفون بيرن في اوضته شكله نسيه طب ما ممكن يكون جوه طب ادخل الاوضه ولا لا هدخل و خلاص انا عايزه اطمن عليه
ملك: عمر انت هنا
عمر: اه
ملك: مالك
عمر: مفيش بس تعبان شويه
ملك: قول لي حاسس بايه ايه الي تعبك
انا فرحان اوي بنظره الاهتمام و الخوف الي في عنيكي
ملك: عمر ردي عليا حاسس بايه
قربت منه لقيته سخن اوي
ملك: انت تعبان كده ليه ما صحتنيش
عمر: مش عايز اتعبك
ملك: خد الدوا ده و ان شاء الله تخف
#يتبع
#آيه عفيفي
هستني رايكم يا حلوين حقيقي كومنتاتكم بتفرحني جدا و لو في وقت هرد عليكم كلكم
