غفران العاصي

اقتباس

انا نزلت اقتباس زي ما طلبتم ، بس انا كمان ليا طلب عندكم ..
الفوووت ضعيف جداً جداً علي الفصول فارجوكم ما تنسوش الفوت علي الفصول رجاءاً .....
..............................................

هدرت صارخه فيه بعضب وهي تدفعه بقبضه يديها الصغيره في صدره المعضل القوي والذي ازداد قوه ًصلابه عن ذي قبل....
انت ايييييييه!!!!!
انت اكتر انسان اناني انا شوفته في حياتي ...
عاوز كل حاجه تمشي علي هواك وزي ما انت عايش.
ثم تابعت تضيف بقهر : انا عيشت معاك ست شهور شوفت فيهم اللي عمره ما اشوفته وانا بخيبتي كنت بستحمل واعدي علشان كنت بحبك!!!!
في الاول اتجوزتني غصب عنك وجرحتني وهينت كرامتي يوم فرحي في اليوم اللي كل بنت بتستناه علشان تجتمع فيه مع الانسان الوحيد اللي حبيته..
وانا سكت واستحملت وعديت...!!
وانت عجبتك حكايه البت الهبله الصغيره اللي كل نظره من عنيها بتقولك انك الرجل الوحيد اللي في الكون وده كان بيرضي غرورك ورجولتك...
وبعدين قلت ماشي وفيها ايه يعني اما اقرب منها واتم جوازي منها ما انت رجل ولك رغبات ودي مراتي وفي الحلال يبقي ليه لاء...!!!
والدنيا مشيت زي الفل وقدرت تخدعني انك بتحبني وبتموت فيا، وعند اول اختبار مرينا بيه اكتشفت ان جوازنا وحبنا وبيتنا مالوش اساس قوي عامل زي ببت الرمل مع اول موجه اتمسح ومبقالوش وجود.
مع ان نفس الموقف حصل منك وانا صدقتك ودافعت عنك وعن حبي ....
صمتت واقتربت منه تتطلع في عينه تضيف بقوه: علشان انا كنت بحبك ، لكن انت عمرك ما حبيتني!!!
انا بالنسبه لك شيء امتلكته زي ما بتمتلك اي حاجه في الدنيا بتتعامل معاها بتملك وانانيه...
وبرضه انانيتك هي اللي خلتك تطلقني وانانيتك هي اللي خاليتكً ترجعني لعصمتك غصب عني...
بس انا بقي بقولها لك ، نجوم السما اقرب لك مني يا عاصي ، والعيله الصغيره اللي كانت متعلقه في ايدك كبرت وبتقولك لا مش عاوزاك...
هي خلاص خرجت باره حياتها من زمان اوي ومابقاش لك وجود في حياتها.../

اقترب منها ووقف امامها حد الالتصاق وهتف بنبره حنونه رغم الالم والحزن والانكسار الذي عاشه في بعدها عنه ، الا ان كلمتها انها كانت تحبه اكثر ما اوجع قلبه ،فهو يعطيها كل الحق في كل فعل وتصرغ يصدر منها وعلي اتم الاستعداد لتحمل كل غضبها وعصبيتها ، الا كرهها له وبعدها عنه ....
فهو قد اكتفي من البعد ، لا يريد بعد اخر بينهم ، تفعل ما تفعل وهي بجانبه يملي عينه وقلبه من قربها...
همس بنبره حنونه امام شفتيها وهى يتشرب حلاوه ملامحها التي اشتاق لها حد الجنون: اعملي اللي انتي عايزاه وانتقمي مني براحتك وعلي اقل اقل من مهمك وانا مستعد اتحمل كل حاجه منك ،بس وانتي في بيتي وفي حضني ...
ثم همس بجانب اذنها بنبره مثيره خطره بها لمحه من الجنون والتملك: لاني مش هسيبك او ابعد عنك الا بموتي يا غافي، انتي بتاعتي انا وبس...
انتي غفراني ... انتي غفران العاصي....!!!!!