حور: انا ..انا... ككككككن
ادم: انتي واحدة مستهترة معندكيش ذرة احترام الهانم جاية متأخرة ولا ايه بتلبخ في الكلام .
غادر آدم تاركا خلفه حور متجمعة الدموع في عينيها
مي بتعاطف: معلش يا حور
انا مش عارفة ايه الي حصل بس لكل ده .
حور بدموع :محصلش حاجة
انا همشي سلام .
حور وهي خارجة من باب الجامعة .
نادت عليها فتاة
منة : حور حور حور استني
هي مالها دي .
حور وصلت الي المنزل
أخذت تنادي علي والدتها بصوت عالي
حور : يا فاطمة يابطوط انتي فين .
أتت والدتها من داخل المطبخ : ايه في ايه ايه الغاغة الي انتي عاملاها دي .
حور : جعانة اكليني ينوبك ثواب .
فاطمة بابتسامة هادئة : غيري هدومك يكون الغدا جهز .
ثم تركتها لتكمل طهي الطعام
أدت حور فرضها وسمعت رنين هاتفها
حور:الو
منة: ايه يابنتي مالك كنت ماشية من الجامعة معيطة .
حور بتنهيدة : عدي عليا في المحل احكيلك .
مي : تمام ياعسل .
حور بعد انتهت وخرجت جلست مع والدها علي مائدة الطعام .
حور : الغالي علي قلبي شو اخبارك .
مجدي بابتسامة : بخير طالما بنوتي الأمورة بخير .
أتت فاطمة وهي تضع الطعام علي المائدة .
فاطمة : يالا بسم الله .
نذهب الي منزل آخر يتكون من ثلاث طوابق انه منزل اللواء نصر الدين .
علي مائدة الطعام .
زينب وهي وبيدها معلقة طعام تطعم بها ورد : يلا ورد افتحي بقك هم بأجمل .
ورد بعبوس: كفاية بقي يا تيتة شبعت خلاص .
زينب : شبعتي اذاي بس يا بنتي واكلك زي ماهو .
آدم وهو يمسح علي رأس ابنته : سيبيها يا ماما علي راحتها يالا ورد روحي اغسلي إيدك .
ورد : حاضر .
زينب : البنت محتاجه لأم يا ادم
دي علي طول ساكته ومتتكلمش كتييير مهما كنا كلنا بنراعيها بس برضو محتاجه ام .
آدم بعصبية : وبعدين يماما مش كل ماتشوفيني تقوليلي كدة .رحل تاركا خلفه أمه حزينة
نصر الدين وهو يربت علي يد زوجته : سيبيه براحته يا زينب ادم مبقاش صغير .
زينب : يعني عاجبك حالته دي عايش في الماضي ومش راضي يفوق منه و لا البنت اليتيمة دي مش نفسها يكون لها ام .
منة : ماما ادم حر يعمل الي عايزة .
منة وهي تنظر الي والدها :بابا انا راحة لصاحبتي حور هاقعد معاها شوية .
نصرالدين :ماشي بس متتاخريش .
زينب : خدي معاكي ورد يامنة خليها تغير جو .
منة وهي تنهض وقبلت والديها : حاضر
عند أوضة آدم :كان آدم سارحا في الماضي
آدم : حبيبتي بتعمل ايه
نهي :خضتني يا ادم . اخص عليك .
آدم بابتسامة جذابة وهو يحضنها من الخلف :وحشتيني .
نهي بابتسامة حالمة : وانت كمان .
فاق آدم من شروده علي طرقات الباب
منة وهي تدخل :ايه يا بني ليا ساعة بخبط علي الباب .
آدم : معلش مسمعتهوش .
اومال لابسة كدة رايحة فين .
منة : راحة لصاحبتي .
منكم اطلب منك طلب
آدم : اتفضلي ياستي بس مش متعود علي الأدب ده .
منة وهي تضع ايديها في وسطها : قصدك ايه اني قليلة الأدب .
آدم بضحك : لا ياستي وقولي عايزة ايه يالا .
منة وهي تجلس بجانبه : ايه رأيك اخد ورد معايا .
آدم وهو ينظر الي ابنته التي كانت تلعب في شرفة الغرفة : مش هينفع يامنة .
منة: يا ادم حرام عليك خلي البنت تختلط بالعالم الخارجي مش كدة عاجبك سكوتها دا .البنت منغلقة علي نفسها جامد .
آدم بتنهيدة : خلاص يامنة بس متتاخروش برة وخلي بالك منها .
منة وهي تبوس خده : حاضر
منة : يالا ورد هنروح مشوار .
ورد وهي تنظر الي والدها
آدم : روحي مع عمتو .
هاني حضن بقي علشان هتوحشيني
جرت ورد الي والدها .
منة وهي تنظر إليهم بتاثر وهي تمسح دمعة وهمية : تراني تأثرت .
في المحل والد حور
تجلس حور علي كرسي وهي تلعب بهاتفها .
منة : بخخخخ.
حور بخضة : خضتيني يا حلوفة .
منة : الي واخد عقلك .
حور : وهي تنحني الي ورد
حور: مين القمر دي يابت منه
منة :بنت اخوي .
حور: ايه الحلاوة دي
اسمك ايه يا قلبي .
ورد بخجل : ورد
حور وهي تقبلها : احلي ورد .
تعالوا ادخلوا يالا .
حور : وهي تنادي علي شخص ما
يا ميدو يا ميدو
ميدو: نعم ياابلة حور
حور : طلبت منه شيء ثم غادر .
أخذت حور تلاعب ورد حتي اندمجت ورد معها وأخذت تضحك بصوت عالي .
منة : اول مرة ورد تنسجم مع حد كدة .
حور : ليه يعني
منة : اصلي باباها مش بيخليها تختلط بحد
وهي بقت تخاف الناس .
حور : وليه مامتها فين .
منة : لا اصلي مامتها
ميدو وهو يدلف قاطعا كلام منه : اتفضلي يا أبلة حور .
حور وهي تناول شيء ما لورد: اتفضلي يا ورد احلي شوكولاته لاحلي بنت في الدنيا .
ورد وهي تقبلها في خدها :ميرسي .
حور : يا قلبي ايه العسل دا
وهي تنظر الي منة انتي متأكدة انها بنت اخوكي .
منة :اه والله حتي نسخة مني .
حور :ياشيخة حرام عليكي عايزة تجيبي للقمر دي ليكي .
منة: المهم احكيلي ايه الي حصل معاكي .
قصت عليها حور كل شيء
منة بضحك: وايه يعني انتي اول مرة تتخانقي مع دكتور .
حور : انا دا انا غلبانة والله وفي حالي😆.
منة : انتي هتقوليلي .
حور : انا مش عارفة بتكلم معاكي ليه يالا يا ماما من هنا .
منة :خلاص خلاص المهم جاية بكرة الجامعة .
حور : بصراحة ماليش مزاج .
منة : ليه ياحور موقف وراح لحاله
انا عزماكي بكرة في الكافية الي جنب الجامعة .
حور : ايه يا بنتي هو انتي بتروحي الجامعة تدرسي ولا تصيعي .
منة : اصيع فين اخويا مشدد عليا بطريقة فظيعة .
حور بضحك : احسن تستاهلي.
منة وهي تجيب علي هاتفها .
آدم بقلق : ايه يامنة التأخير دا كله .
منة بحرج: معلش يا ادم الكلام اخدنا .
خلاص راجعين اهو .
آدم : لا قوليلي انت فين واجي اخدكم .
منة :مش مستاهلة يا ادم .
ادم: اسمعي الكلام متتحركيش من مكانك انا هاجي اخدكم ابعتيلي الموقع .
بعته منة الموقع لآدم والتفتت الي حور التي كانت تلاعب ورد ويبدو عليها لم تستمع لمكالمتها .
منة :يالا يا ورد علشان بابا جاي يأخذنا .
حور : ليه كدة خليكم قاعدين شوية .
دا حتي نقفل المحل ونطلع عندي في الشقة .
منة : لا معلش علشان تأخرنا .
حور وتكاد تتكلم : ايه الي جاب البني آدم الغتت دا هنا .
ياتري حور شافت مين ؟
دا الي هنعرفه المرة الجاية
