الفصل السابع عشر
ودعت حور والديها وانتقلت الي منزل نصرالدين لحين عوده والديها.
ومكث ادم مع صديقه معتز
في منزل معتز
سعاد: ونويت تتجوز امتي ياادم
ادم: لسه بعد الامتحانات ان شاء الله
سعاد: ربنا يتمملك علي خير
انت ومعتز يارب
معتز بعد ان غادرت والدته
معتز بضيق: اشمعنا انت تتجوز بعد الامتحانات وانا لا
ادم: وانت مستعجل ليه يامعتز
منه لسه صغيره
معتز بغيظ: لا والله
بس انا مش صغير وبصراحه بقي انا هاعمل الفرح معاك
ادم: دا بعينك
حتي الفرح هتشاركني فيه
معتز: اه
وغير كده ده طلب البرنسيس اختك
ادم : ان كان كده مفيش مانع
&&&&&&&&&&&&&&&&&&&&&&&&&&
ورد: تيته صحابي جايين نحل الواجب سوا
زينب: وانتي زعلانه ليه مش كده احسن
بدل ماتروحي. انتي
يالا افتحي الباب
ركضت ورد لتفتح الباب لاصدقائها وادخلتهم الي غرفتها
زينب: منه
اتت منه اليها: نعم ياماما
زينب: اقعدي مع حور واصحابها ساعديهم في الواجب
منه : واجب ايه ياماما الي اساعدهم فيه
دول في Kg2.
زينب: اعملي مره حاجه مفيده
منه علي مضض: خلاص هنقعد معاهم انا وحور
ذهبت اليهم بعد انا اخبرت حور
منه: اكيد مش محتاجين مساعده
وكزتها حور: بس يا منه
ورد: تعالي ياماما اعرفك علي صحابي
دي لوجي ودا معاز اخوها ودي شذا ودا ميدو وزياد
منه:ايه ياورد انتي مصاحبه المدرسه كلها ولا ايه
زياد :طنط بصي كده حلو
منه: ايه القرف دا
حور: احم جميل ياحبيبي
ثم همست الي منه: منه اتعدلي بتعامليه ليه كدا
منه: يابنتي انا عارفه العيال دي
دول شياطين. متنخدعيش بالمظهر
حور: حرام عليكي الحلويات دول شياطين
منه بتهكم: اه حلويات
استني وهتشوفي الحلويات هيعملوا فينا ايه
اقترب معاذ ببرائه من حور: شوفي البلونه الي جابهالي بابا ياطنط
حور :الله جميله يا
صرخت فجاه حور بعد ان فرقع البالون بوجهها
ضحك عليها الاطفال
منه: تستاهلي
حور وهي تكاد تموت قهرا: شوفتي الواد عمل ايه
وعامل فيها برئ
شذا وهي تشد منه من شعرها: طنط ياطنط
منه بصراخ: شعري.
شذا :شعرك وحش مش عاجبني تعالي اقصهولك
منه بحده: بنت انتي ملكيش دعوه بشعري خالص
ركل زياد الكره ناحيه حور
حور: مش تحاسب ياحبيبي
ركض الاطفال في جميع ارجاء الغرفه واغتاظت منه منهم كثير فلقد قلبوا الغرفه راسا علي عقب
منه بصراخ: بس يالا منك ليه
ايه مش هنقدر عليكم يعني
