حور&ادم
Shaimaa Mohamed
الفصل الخامس عشر
معتز: كنا نقول ايه
اه. افتكرت بصي من غير مقدمات وقبل ماحد يجي يطب علينا انا بحبك
بحبك يامنه بكل حالاتك ومقدرش استغني عنك
تقبلي تتجوزيني
خجلت منه كثيرا ولم تجيبه
معتز: السكوت علامه الرضا
انا مش عايز منك حاليا غير حاجه واحده موافقه تتجوزيني يامنه
منه: وكليتي
معتز بمرح: يعني انتي موافقه ياشابه
هزت راسها بحرج دليل علي موافقتها
معتز :لو علي دراستك نكتب الكتاب دلوقتي
والفرح بعده علي طول
منه: لا والله
معتز :يعني انتي فالحه اوي في التعليم
وفيها ايه لما تكملي في بيتي
دا انا هنقلك الامتحانات
منه بضحك: لو كان كده ماشي
معتز: مصلحجيه ياحبيبتي
&&&&&&&&&&&&&&&&&&&&&&&&&&
في صباح اليوم التالي
نهضت ورد بسعاده: النهارده عيد ميلادي
ياتري بابي هيجبلي ايه المرادي
ركضت الي غرفه والدها
ورد:ممكن ادخل
ادم: تعالي ياحبيبتي
ورد:صباح الخير
ادم: صباح النور
عايزه حاجه قبل مااخرج
ورد صمتت قليلا ثم تحدثت:بابي النهارده كام
ادم :28
ليه
ورد:ميفكركش بحاجه دا
ادم بتفكير : لا ليه النهارده ايه
ورد بحزن: لا ابدا مفيش
ذهبت الي عمتها
ورد:منه.
منه: نعم
ورد بضيق: انتي راحه فين انتي كمان
منه: راحه اقابل معتز
تيجي معايا
ورد. :لا انا هاقعد مع جدو وتيته
رحلت ورد حزينه كيف لاباها ان ينسي عيد مولدها
وعمتها ايضا لم تتذكره لم تعتاد علي ذلك في كل عام تستيقظ علي الهدايا بجانبها وعائلتها يهنؤها بمولدها
اما هذا العام فيبدو كل شخص مشغول بهمه
ورد بعبوس: صباح الخير
نصر:صباح الورد مكشره ليه
ورد: مفيش
زينب: شكلك زعلانه مين مزعلك
ورد :محدش
نصر: ايه رايك تخرجي معايا النهارده بدل حبسه البيت دي
ورد:ماشي
نصر: يالا بينا
زينب: هتروحوا فين
نصر: نروح عند مجدي
زينب: خلاص ماشي بس متتاخروش
نصر:لا ان شاء الله علي المغرب نكون هنا
&&&&&&&&&&&&&&&&&&&&&&&&&&
ذهب نصر هو حفيدته الي صديقه ومكث معه
ضجرت ورد كثيرا مع هذان العجوزان
ورد: جدو يالا نمشي
نصر:ايه ياحبيبتي المره الكام دي
طاب خلاص تعالي نروح نشتري ايس كريم ونتمشي شويه
ورد:اوكي يالا بينا
باي جدو مجدي سلملي علي ماما حور
هي اتاخرتي كده ليه بره
مجدي: مع السلامه ياحبيبتي
مش عارف والله يابنتي
