حور&ادم. Shaimaa Mohamed
الفصل الثاني عشر
فاطمه:بقولك ايه يامجدي
عايزين نعزم الدكتور ادم وعيلته عندنا علي الغدا
مجدي:تمام
تناول هاتفه واتصل بنصرالدين
مجدي:السلام عليكم
نصر: وعليكم السلام اذيك ياراجل ياطيب
مجدي:الحمدالله بخير
انا باتصل بيك علشان اعزمك انت والاسره الكريمه علي العشا
نصر: مالهوش لزوم مش عايزين نتعبكم
مجدي:لا تعب ولا حاجه
متنساش خطيب بنتك علشان انا مش معايا رقمه
نصر: خلاص تمام هنكون عندكم علي العشا
زينب: مين دول عندهم علي العشا
نصر: دا مجدي عازمنا علي العشا
هاتفت حور منه
حور: هاا يامنه ايه الخطه
منه:مفيش خطه بس الحظ معانا
انتو مش عازمينا علي العشا
حور:اه
بس مينفعش يامنه اهلي واهلك موجودين
منه:اسمعي بس
دا احلي حاجه انهم متجمعين كحمايه لينا
حور: ليه انتي ناويه علي ايه
منه:علي خير ياقلبي يلا سلام علشان اجهز
ذهبت زينب الي غرفه ابنها: ادم
يالا علشان تجهز
ادم: ليه
زينب:اصلنا معزومين علي العشا
ادم: اوعي تقولي عند عمي انا ماصدقت
ان دينا مشت
زينب: لا دول اهل حور
ادم:تمام
اكيد ورد هانم عامله فرح
زينب: مش ناوي ياموكوس يابن الموكوسه
تتجوزها وتخلصني
ادم:بعيد عن موكوس دي
مين دي
زينب:حور
ادم : مالها حور
زينب:علي امك برده انا قفشاك من الاول
ادم:لا طبعا مفيش حاجه
زينب:طالما كده ايه رايك اخطبها لابن خالتك
البنت بصراحه كويسه وابن خالتك بيدور علي عروسه
ادم بغيظ: وانا مالي روحي اساليها
زينب وهي تنهض:عندك حق ابقي اقولها
&&&&&&&&&&&&&&&&&&&&&&&&&
في المساء
حضر نصر هو وعائلته الي منزل مجدي
مجدي:منورين
نصر: البيت منور بصحابه
ورد ببرائه: البيت بينور اذاي
معتز وهو يهمس لادم:الله صحيح يادم البيت بينور اذاي
ادم:اخرس يالا
دا تعبير ياحبيبتي الناس بتقوله في الكلام
حور:تعالي منه ساعديني نجهز السفره
منه: اكيد ياحبيبتي
معتز:هو انا ليه مش مطمن لاختك
ادم:بصراحه ولا انا
معتز:طمنتني
ورد:انا هروح معاهم
ادم:روحي ياحبيبتي
منه وهي تخرج كيس ما
حور بقلق:ايه دا
منه:دا شطه
حور:اها بس ابعديها علشان مش باحملها
خالص
