الفصل الثامن والعشرون
أنا مش محتاج إثبات بكلام أنا لامِس حُبِك ف الأفعال.
❤️عمرو حسن ♥
في صباح يوم جديد مليئ بالسعاده والعشق أشرقت الشمسعلي أبطالنا لتزيد من إشراقها وجمالها إستيقظ الجميع من
النوم وبدؤا في الإستعداد وقام مالك ورن علي جميله
مالك: صباح الخير ياروحي وحشتيني
جميله: صباح الخير ياقلبي واحشني أكتر والله
مالك: نعمل إيه بقا في أمك اللي شبه ماري منيب
جميله: ههههههههههه دي حلفالك والله
مالك: ربنا يستر المهم النهارده هعدي عليكي كمان ساعتين
عشان حجزتلك عند دكتوره عاوز أتطمن علي البيبي
جميله: يااه كان نفسى أووي تبقي معايا في الوقت دا وأنا عند
الدكتور كنت برفض دايماً أروح ولحد حالا معرفش حامل في
إيه لسه والله هههههههه
مالك: عارف إني ظلمتك سامحيني المهم إجهزي وأنا هاجي
حالا بس هدخل شقتنا وإنتي تخرجي من غير ما أمك تشوفك
وحشاني أوووي ياقلبي
جميله بكسوف: حاضر ياقلبي هحاول أهرب وأدخل البيت
مالك: ماشي ياروحي يلا إجهزي عشان وحشاني أوووي
جميله بكسوف: يلا بقا سلام ياقلبي
مالك: هههه ماشي سلام ياروحي
وقفلوا المكالمه ونزل مالك بسرعه عشان يوصل البيت لعشقه
وأيضاً جميله كانت بتستعد عشان تقابل جوزها اللي غاب عنها
شهور فهي تشتاقه بشده
دخلت ملك: صباح الخير ياجوجو كلمي ماما
جميله: حاضر......وخرجت جميله
مني:صباح الخير يلا عشان نجهز البيت وننضفه
ملك:نعم ماهو نضيف أهوه ياماما حرام عليكي
مني:نضيف إيه يامعفنه والله ما إنتي نافعه
ملك:ياستي إرحميني بقا والله حرام عليكي طب الغلبانه دي
هتعمل إزاي وهي حامل كدا
الأم:مالكيش فيه هتعمل زيك زيها
جميله بتوتر:هاه ل..لا أنا عندي ميعاد عند الدكتور
مني:ميعاد حالا الساعه عشره وإنتي من إمتا بتروحي للدكتور
جميله: م.. ما.. ما انا قولت بقا أتطمن علي البيبي
الأم: ماشي ياختي إدخلي إلبسي وإنتي ياملك روقي علي
ماجيلك هنزل أجيب شويه طلبات