الفصل الرابع عشر
"أنا لا أندم على أي شيء دخل حياتي، فالمخلص أسعدني، والسيئ منحني التجربة، والاسوأ كان درسًا لي، أما الأفضل فلن يتركني أبدًا."
“I don’t regret it.. the loyal one gave me happiness, the bad one gave me experience, the worst one gave me a lesson.. Yet, the best one will never leave me.”
الكل متجمع علي الفطار
عامر بحده: بنتك من إمبارح ومرجعتش يا أستاذ إنتوا إزاي
تسيبوها كدا دي بنت لازم نحافظ عليها
عادل: أنا والله يابابا تعبت لازم أشوف لها صرفه البنت دي
ميرفت: فيها إيه يعنى لما تخرج وتعيش حياتها دي ياعيني
مرهقه خالص فخرجت مع صحابها شويه
عامر: يعني إزاي ياهانم يعني تيسيبي بنتك برا من إمبارح
وتقوليلي بارتي لاااا دإنتوا شكلكوا إتجننتوا
عادل: خلاص يابابا متتعبش نفسك أنا خلاص أول حد هيتقدم
لها ويكون مناسب هوافق مش هرفض تاني كفايه كدا
ميرفت: يعني إيه هتحبس بنتك في الجواز والمسئوليه
عادل: ومن إمتا الجواز والمسئوليه حبس مانتي راحه جايه
خروج وسفر وشوبينج حد حبسك ولا منعك
ميرفت: إنت بقيت لا تطاق كفايه بقا
عادل:ياخساره حبي ليكي ياميرفت يا بنت عمي
قاطع كلامهم دخول عز ووجهه لايبشر بالخير وبصوت عالي
عزت: شوفت يابابا شوفت الأستاذ عمل إيه
عزه: إهدي كدا ومين بتكلم عنوا
عز: مالك ياهانم إتجوز وياريت إتجوز واحده بنت ناس دي بنت
فقيره أكيد ضحكت عليه ماهو مفيش واحده هتبصله بمنظره
دا أكيد ضحكت عليه
عامر:وإنت مالك إنت يتجوز ولا لاء هو حالا يهمك
عز:يهمني منظرى قدام الناس رايح يتجوز واحده فقيره
عامر:مالك إتجوز وهو معرفني كل حاجه والبنت كويسه
أنا سألت عليها كفايه حقد بقا دا إبنك من لحمك ليه مش عايز
تنسي هو مالوش ذنب في اللي حصل زمان
عزه بدموع:حرام عليك كفايه ظلم بقا حرام عليك إبنك ليه
تظلمه وهو مالوش ذنب قرب من إبنك إبنك محتاجك تقف
جمبه تسنده مش تكسره ليه القسوه دي يابن عمي ليه إنت
عمرك ماكنت كدا دا انت الضحكه مبقناش بنسمعهالك ليه
بتبعد عننا ليه بتجرحنا تفتكر لو كانت عايشه كانت هتبقي
مبسوطه وإنت بتعاملوا كدا دي أكيد دلوقتي زعلانه منك
هتقابلها إزاي هي دي الأمانة اللي قالتلك عليها
وظلت تبكي كثيراً
عز: كفايه بقا محدش فيكوا حاسس بيا أنا كنت عاوزها هي
مش عاوز غيرها هي اللي صممت تكمل الحمل مع إنهم حزروها
مسمعتش كلامي قولتلها مش عاوز أولاد كفايه إنتي معايا
وعاندت والتمن حياتها ليه هي تموت وهو يعيش ليه تسيبني
عزه: كفايه بقا إنساها وإدعيلها بالرحمه وقرب لإبنك عشان
تريحها وتريح نفسك وتريحنا كلنا
عز: إنتي مالكيش حق تقوليلي أنساها إنتي أصلاً مش أمه
مفيش غير مازن اللي إبنك
عزه بصوت عالي: لأ ياعز مالك أه مش إبني بس يوم ما إتولد
وانت إتجوزتني وانا إعتبرته إبني ومتنساش إن أمه كانت
أختي مالك إبني أنا مالك روحي اللي مقدرش أستغني عنها
ولم تكمل كلامها بسبب صدمتها عندما رأت.................
