الفصل الثالث عشر
لازم تبقى واثق أن الله لا يُقدِّر إلا الخير.. لو آمنت بكده قلبك هيستريح قلبك
في بدايه يوم جديد علي أبطالنا تشرق الشمس بنورها الساطع
قام مالك من النوم واستعد وخرج من غرفته ببدلته السوداء
التي زادته وسامه رغم تشوه وجهه ودخل لغرفه جميله
دخل مالك غرفتها وتفاجأ من المنظر فكانت نايمه ومنزله
رجليها وإيديها من السرير والمخده علي رأسها ضحك مالك
عليها وذهب ليوقظها: جميله قومي يلا أنا نازل الشغل يلا
عشان عندك محاضرات النهارده
جميله: ونبي ياماما سيبيني شويه أنا مش نافعه أصلا
مالك بضحك: قومي يافاشله يلا وقام بشدها
جميله بفزع:إيييه في إييه مالك إنت جيت هنا إزاي يالهوي
ماما لوشافتك هتقتلني إهرب بسرعه
مالك:هههههههه إهدي ياهبله أنا جوزك
جميله وهي تحك رأسها:ااااه إفتكرت صح إنت جوزي
ولما إنت يالا ياجوزي تبقي جوزي جاي تصحيني ليه وبعدين
المفروض النهارده صباحيتنا يابابا إيه عايز الناس تقول طفشت
جوزها ولا إيه لايابا فوق كدا لنفسك واعرف متجوز مين
مالك بصدمه:يالا ياجوزي دا إيه الدلع دا يابت
جميله:أوماااال ياباشا دا لسه فيه حبت دلع متشالين بردو
مالك:أقول إيه بس أنا اللي جبته لنفسي أستاهل والله
جميله ببرود:إيه يامالك إنت في حاجه مزعلاك
مالك:لا لا مفيش مفيش أنا ماشي
جميله:مفيش خروج يابا
مالك:يعني إيه هو إن......قاطعه رنين الهاتف
مالك:الو
علي:ياعريس ياعريس صبحيه مباركه يا نمس إيه ياباشا
يامشرفنا ياعريس ياجامد يابختك والله عقبالي يارب
مالك:إقفل ياحيوان وقفل في وشه السكه
علي وهو ينظر للهاتف:لو بس مكنش يحلف إنه يقفل يلا مش
مهم عقبالي يارب أما أبقي عريس
وإنشغل علي في عمله وجميله لم تدع مالك يخرج
في بيت أم جميله
ملك:يلا ياماما أنا نازله هروح المستشفي بعد المحاضره
الأم:جميله هتيجي معاكي
ملك:إنسي دي عروسه
الأم:ربنا يسعدها ويسعدك والامتحانات اللي قربت دي
ملك:أسبوعين فاضلين وإحنا جاهزين متخافيش
الأم: قوليلي بقا مازن أخو مالك دا
لسه مافاقش ولا أي حاجة
ملك:لسه ياماما بس فيه تحسن وبدء يستجيب
الأم:ربنا يقومه بالسلامه يارب
ملك:يارب همشي أنا بقا سلام يامزه
الأم: سلام ربنا يحفظك يارب
ونزلت ملك راحت محاضرتها وخلصت وراحت المستشفي
ودخلت غرفه مازن وجلست بجواره
ملك: عامل إيه يارب تكون سامعني تعرف إني سميتك الأمير
النائم قوم بقا كل دا نوم أنا معرفكش لكن مرتاحه وأنا بتكلم
معاك عارف حاسه إننا متقابلناش صدفه أكيد في حكمه من
مقابلتنا دي حاسه إننا هنبقي أصدقاء كويسين يارب تقوم
بقا أنا ليه إتعلقت بيك كدا هو أنا حبيتك ولا دا مجرد تعلق
ياريت تقوم عشان الأقي إجابه لسؤالي يلا بقا أنا هسيبك
عشان لازم أمشي حالا عشان ماما ممكن تاكلني لو إتأخرت
أه نسيت أقولك أنا يتيمه لكن ماما دي أم جميله صاحبتي
بحبهم أوووي هما أهلي وكل اللي ليا أه وكمان مالك أخوك
إتجوز جميله غصب زي الروايات ههههههههههه لكن بيحبوا
بعض متخافش الإتنين بيعشقوا بعض ولما تفوق هتشوف
جميله وهتحبها أوووي هي وماما بس حبني أنا أكتر ماشي
يا أميري النائم يلا بقا سلام هتوحشني أوووي هجيلك بكرا
وقامت ملك بتقبيل رأسه وخرجت من الغرفه
بعد وقت دخل الطبيب إلي الغرفه للإطمئنان عليه
الطبيب: حمدالله عالسلامه يابطل
مازن: الله يسلمك يادكتور متشكر إنك معرفتش حد إني فوقت
الطبيب: بصراحه دي معجزه الأنسه ملك وجودها فرق معاك
المره اللي فاتت بعد ما مشيت إنت فوقت كأنك لقيت أمل
عشا تفوق وترجع للدنيا
مازن: فعلاً أنا كنت نايم في الغيبوبه ومكنش عندي أمل إني
أعيش زهقت من خناقهم جمبي لكن ملك حسيت معاها
بحاجه غريبه خلتني أقاوم عشان أفوق
الطبيب: شكلك حبيتها
إبتسم له مازن وخرج الطبيب من الغرفه
مازن: كنت حابب أقولك إني فوقت وأعملهالك مفاجأة بس
كلامك فاجئني فرحت أوووي لما قولتيلي بحبك أوعدك إني
هخليكي ليا وهستناكي عشان أشوفك هتعملي إيه لما
تشوفيني وأنا فايق بس هتكون المفاجأةبعد امتحاناتك عشان
تبقي فايقه للي جاي بحبك ياملاكي
