الحلقه 11 من روايه ( اختياري الغلط )
للكاتبة: ويــــــــ💛ــــــدي آعـــبـــــيــــد 🍒
دانه ودموعها ع خدها :مش معقوله يلي في بالي يصير توا نرن عليه ونتاكد شن صار يارب يرن يارب
ويفتح الخط
دانه: تبكي ص....
معتز : اها درت حادث في طريق بس جت خفيفه كان في واحد وراي نقذني
دانه : تعرف كان صارت فيك حاجه نموت
معتز كان غير يفكر كيف يبي يقوللها انه مافيش نصيب بيناتنا ولا حيصير :
دانه تبكي : كنك متحكيش اكيد صيرتلك حاجه
معتز: لا صحتي تمام بس في موضوع نبي نحكي في معاك
دانه وقفت بكيتها شوي : شن هوا
معتز: اصبري توا يجي وقت ونحكيلك بس مش ليوم هي باي
دانه : الحقير هذا وحتى نا خايفه عليه سكر في وجي
كنه اكيد صارت معاه حاجه خلا ايتعامل معاي هكي
نا خليني ننزل نشوف البنات
اصلآ ما شفت حد ليوم منزلتش
وقفت جنب المرايه وتلتفت تشوف شكلها
هييي هذا منضر بنت المكياج تلبز وخشش في بعضه
نمشي نغسل وجي احسن لي وندير مكياج خفيف
نزلت لوطه
عايشه : عليك قصه هيا موال الحنه هذي موالها موال انتي امته تكملي
البنت يلي تحني فيها : غير سعديني وارفعي رجلك فوق بي نكمل بسرعه
عايشه : مليت ونا رافعته
اسيل صديقه عايشه المقربه : مغير كان حنيتي ايديك بس
عايشه: ما التيس محمود يموت في الحنه قالي كان تقدري حتى جسمك كله حنيه
سلوى: خلاص انتي اخذه معاك شوي حنه ووكليها له بلا ه العذاب
دانه: هلا بنات
اسيل: وين رايحه يا كلبه
دانه تضحك وتسلم عليها : قاعده مغير انتي امته جيتي
اسيل : مش من توا لي ساعه ونص هكي
دانه: ونا وين معقوله ماشفتكش
اسيل : ما كنتي مشغوله معا حبيبك
موده : قلبت وجهه
دانه : بي نظرات شرير اه حبيبي ياحنه مغير كنت نقوله متخشش لي الحوش اله بي اذني
اسيل: ايوه ربيهه كويس خليه يسمع كلامك
سلوى: اصلآ ما يسمع غير في كلامها
دانه: موتآ قهر يا حناااتي
البنت : ارفعي رجلك را زعمتي كبدي اول مرا نحني عروس وتزعم كبدي هكي
عايشه تضحك: الله لايسامحك يا محمود ع هل بهدله
دانه : قتلك ممكن بعد تكملي تحنينا نا وسلوى كل وحده يد وحده بس
أنت تقرأ
اختياري الغلط 😇
Ficção Geralكاتبه :ويــــــــ💛ــــــدي آعـــبـــــيــــد 🍒 هذي اول روايه نكتبهاااا ونبيكم تعطوني فرصه وتقروهاا بليز وقولولي لو عجبتكم
