اختياري الغلط 😇

مقدمه

الكاتبه : ويــــــــ💛ــــــدي آعـــبـــــيــــد 🍒🍓

المقدمه :
كنت طايحه ع الارض ونسمع في الصوت الناس يلي جنبي (كانه الصوت تحت الميه ) الدم معبي المكان وجسمي امسقع ومتكسر من الضرب ونسمع في صوت امي وحنان مرات عمي ايتباكن وسلوى تجري وتقوللهم ارحموهاا قريب اتموت وهم ايقولو خليها اتموت لانه نغسلو العار بي الدم وانا في وقتها كان يلي واجعني اني مضلومه ومافي حد امصدقني من هلي كلهاا خذو عليا فكرا غلط وانا وقتها انقول كله من اختياري الغلط لو من الاول اخترت صح ما صار في هك وكنت وقتها حاسه انه نهايتي في الدنيا قريب ويلي وجعتني اكثر عمي يلي رباني بعد موت بوي قللهم اقتلوها
وتوا انقولو للناس ماتت مريضه او حادث موقف ما اتحمله بنت في العلم واصعب شي الضلم وانه البنت ماتقدر ادافع عن نفسهاا لانه مجتمع متخلف

لاني ننزف في واجد جسمي امسقع بكل وا تميت نفقد في الوعي شوي بي شوي لعند ما غمضت اعيوني وسلمت نفسي وقلت التشهد وا ..............

_____________________________

انعرفكم ع الشخصيات

اسمي دانه مواليد2000 انا لما كنت اصغيراا وكان عمري 5 سنوات بابا وماما انفصلو
وبعد سنتين من الانفصال بابا مات في حادث في الطريق وماما ازوجت وعاشت في مدينه اخرا وقعدنا انا وخوتي الاثنين عايشين معا عمي طبعا عمي ومراته ايحبونا زي اعيالهم وحتى اكثر وطبعا انا من صغري وهم ايقولو انه دانه ل عمار وعمار هدا ولد عمي ويحبني ويموت في بس اكيد انتو تبو تعرفو شن هواا (اختياري الغلط )
موصفاتي طيبه وكل الناس تحبني مش قصيرا ولا طويله متوسطه شعري بني لون اعيوني عسلي بشرتي بيضه وطبعت نقرا في الجامعه مجال طب اسنان في السنه الثانيه طب
(رويـــــااااات بــنــيـه شــــرقــــاويــه 💛 )
( ويــــــــ💛ــــــدي آعـــبـــــيــــد 🍒🍓)

عمار ولد عم دانه مواليد 1992 يقرا طب بشري في بريطانياا شخصيته طيب بس عصبي ومحترم مايحبش البنات بس يحب بنت عمه بجنون الي هي دانه مواصفاته طويل وعنده عضلات واسمر وشعره اسود وعيونه سوود ولاكن ايجنن وشخصيه وكل البنات ميتتات فيه

طاهر هدا عم دانه وطبعن فلوس وعنده محلات ومعارض اثاث وسيارات وزوجته حنان تهبل وطيبه ودمها خفيف وجوها سمح وعندها بنتين
سلوى نفس عمر دانه وفي نفس المجال والاخرا عائشه ومتخرجه ومخطوبه وابراهيم وعلي خوت دانه ابراهيم مواليد 93 وعلي 95 وطاهر عنده 4 شباب محمد .وعمار .مصطفي .ميلود

___________________________

طبعن راح تعرفو شن هوا الخيار الغلط🙂 بس كل شي في وقته حلو

السوال هل دانه تموت 🤔
وتطلع برئتها بعد ماتموت او ايصير شي غير متوقعه في القصه وهل اخيارها الغلط يلي سببلها مشكله هوا نفسه يلي ايحل مشكله

انتظرونا قريباا في اول روايه في حياتي نكتبهاا وانتمنه تكسب اعجابكم

معاكم الكاتبه : ويــــــــ💛ــــــدي آعـــبـــــيــــد 🍒🍓