اختياري الغلط 😇

اختياري الغلط 1

الحلقه الاوله من (اختياري الغلط )

للكاتبه وي💛دي اعبيد 🍒🍓

ونبدو قصتنا

حنان: دانه سلوى هي نوضن الساعه 8ونص را تاخرت ع الجامعه
دانه : دانه ناضت منفجعه كيف الساعه 8 ونص وووو 😭 كيف نبي نلبس ابسرعه وانا محاضراتي تاخرت عليها

سلوى: راقده ولا كانه سمعت حاجه 😪

حنان : خلاص امشي انتي يا دانه وخلي سلوى امعاي بعدين نمشو للسوق انجيبو حاجات نقصات لل لمه

سلوى : لا يا امي توا نمشي وخلي بنتك الكبيراا عايشه هي تمشي معاك انا ماشيه للجامعه

دانه :هي وتي روحك تاخرنا را ع المحاضرا الاول خلينا انطقو في الثانيه

سلوى: به 😒

دانه :وين تلفوني كان قاعد ع الشحن🤔

حنان: قاعد في الشحن لوطه في الصاله

دانه: وشن جابه لوطه تلفوني ☺

حنان :امس اخرب شحنيي وخذيت شحنك نشحن بيه بعدين خديت تلفونك شحنته لوطه 🤗

دانه : قولي هك من اول اخرا مرا يامي اتعوديهاا 😂😂به ولا لا

حنان :خلاص هي وتي روحك انتي وياهاا

دانه : خلاص معاش انطقو فيها المحاضره الاول توا نلحقو في الثانيه

حنان : تضحك به تمام 😂😂

دانه : ع شنو الضحك يا مام 🤔

حنان: غيرت الموضوع توا وين سلوى ؟

دانه مش عرفه توا انشوفهاا مشت دانه لقت سلوى راقده في الحمام 😂 ودانه ماتت من الضحك وقتهاا ونادت امها جت حنان اضحكت وتمو يضاحكو لين وعت سلوى

سلوى :😱 هييي انشالله رقدت في الحمام

دانه وحنان 😂😂😂😂 اها رقدتي في الحمام

بعدين دانه وسلوى البسن دبشهن ونزلن لوطه ع اساس يفطرن ويمشن للجامعه

طاهر : ايش يلي لبسكن بدري مزال را الساعه 6 ونص 😅

دانه. وسلوى 😱 قالن في نفس الوقت الساعه 6 ونص

حنان : شن اندير اصلا لو وعيتكن وقلتلكن الساعه 6 را ماوعيتنش بس هك خير ع الاقل تلبسن وتجهزن ارواحكن وتفطرن مش ديما تمشن بلا فطور 😏

سلوي : الله ايسامحك يا امي توا احلى وقت في النوم

دانه: يعني مزال عندنا ساعه انرقدو فيهاا😂😂🤔

سلوى: ولله معاك حق خلينا انرقدو بي دبشنه ساعه ع الاقل نوعو الساعه 7 ونص او 7:40 سلوى طبعن ارقدت ع الصالون وفي سابع نومتهاا

اماا دانه خذت تلفونها ولقت رساله من عمار ايقول فيهااا حكيت معا بويي ومصارش منه الموضوع ومزال ايقولي فكر فيه 😶 وحتى انتي فكري اشويي