الوحده.

Untitled Part 2

نفسى الاقى امى فى يوم تصحينى وتقولى قوم يابنى اصحى من النوم الاقيها قاعده قدامى كل حاجه بلخصها فى كلمه نفسى وللأسف هفضل اقول نفسى ونفسى (11)
-
عموما أنا شاب عايش لوحده فى بيت طويل عريض قرايبى بعاد عنى محدش بيسأل عنى رغم إن انا بسأل عنهم كل فترة عشان هما من ريحه أمى و ابويا (12)
-
" موبيلى بيرن " ايوة يامعلم خلاص مش هنفع ادخل معاكم الجامعه التنسيق جابنى فى جامعه بعيده و هسافر كمان يومين عشان اشوف هعيش فين (13)
-
بعدها اتصلت بالانسانه اللى بحبها و عرفتها كل حاجه طبعا هى زعلت اوى و قالتلى مش هعرف اشوفك زى الاول لازم تشوف حل للى إحنا فيه ده ؟ (14)
-
قولتلها وانا فى ايدى ايه اعمله أكتر من كده؟ حاولت ادفع فلوس قالولى دى مفهاش فلوس قالتلى طيب انت هتيجى ليا تشوفى ولا هتنسانى هناك ؟ (15)
-
قولتلها طبعا هجيلك قالتلى حاسه انك هتروح هناك هتشوفلك بنت تحبها وتنسانى صح؟ قولتلها والله ابدا يابنتى انا هفضل معاكى على الفون كمان (16)
-
المهم بعدها خرجت نتقابل ان وصحابى نتعشى برا قبل ما نفترق عن بعض و قولتلهم هتوحشونى اوى يا كلاب مين هيحاسب على الاكل ده؟ انا معايش فلوس (17)
-
قالولى عيب عليك محنا هيكون فى بينا موبيلات وبعدين إنت ماشاء الله يعنى معاك فلوس كتير و هتعرف تظبط نفسك ابوك سايبلك فلوس كتير ياخويا (18)
-
قولت جوايا و هتفيد بأيه الفلوس وامى وابويا مش معايا؟ كنت عاوز اقولهم تاخدو الفلوس كلها و ترجعلى امى وابويا وتعيش إنت وحيد زيى كده ؟ (19)
-
المهم بعد ما خرجنا رجعت البيت خلاص مسافر بكرا جبت هدومى و جهزت كل حاجه و روحت الجامعه قالولى هتسكن فى مساكن المغتربين قولت اجرب (20)
أول ما روحت هناك لقيت الحياه مش حلوة كله بينفسن على كله و مش مرتاح معاهم و حاسس إنهم بيحقدوا على بعض اوى ومش مرتاح فى المساكن دى (21)

-
قررت اروح اشوفلى شقه برا المساكن دى لقيت واحد قالى فى بيت بس بعيد حوالى 20 كيلو عن المدينه اللى فيها الجامعه فكر و عرفنى (22)