سراب

سراب (المقدمة)

#المقدمة
في الحوش بالتحديد غرفة رناد
رناد: مقعمزة في سريري نفكر ونكفر بس ملقيتش حل لنفسي ...
كنت نبي نجتاز المحنة هادي وكنت نبي نحاول الكارثة لصارتلي بس كان ديما قدامي وضميري يقولي انتي السبب كنت نبكيي كل ليلة 💔🔥 لان كان يحوم في كل مكان نمشيله كاني كنت قاصده ندير الكارثة هاذي بس انا نيتي مكانتش هكي نيتي بغرض ندافع عروحي متوقعتش ان يكون شخص هذا شخص قريب بكل ليااا دخلت فحالة هستيريا لدرجة امالية بيديرولي جلسات عند دكتور نفسي
مقدرتش نرقد من كتر ما نفكر ولما نتلفت نلقاه واقف زي السراب 💔.
... قصتي معرفتش اوصفها بنخلي الوصف ليكم

            ......💓راوية بتو💓....

اسمي ريناد متزوجة عروس جديدة يعني مسكرتش شهر عزواجنا انا وحب عمري ❤️
انا صاحبة رواية بنحكي وبنسرد قصتي عهيئة رواية ونوصل قصتي ليكم ... كنا ع حالنا وعايشين عالعسل بس الكوارث بدت تجي شوي شوي ..
نبدوو ..

في حوشنا ...
عمر: ريناد
ريناد : هاا
عمر : قلبي
ريناد : خيره
عمر : ياهمي انتي قلبي
ريناد: 😂 غر شن فيه تعال فكوجينة راني
عمر : غر هكي جايتني عليك اسمعي كلمتني امي قاتلي تعالوو عالغدا مستاحشينك
ريناد: ريت مش قتلك رح يحبوني
عمر : اي هدا ليش حبيتك بسرعة
ريناد : تي بهي به
عمر : شن قلت 😐
ريناد :لا شي
عمر : اهاا باس راسهاا هي الغي لبديريه ووتي روحك
ريناد : تمام هي
عمر : وهو ماشي بيطلع ريناد
ريناد : هااا
عمر : نحبكك
ريناد : نموت فيك 😂
عمر : باي قصدي نراجي فيك لوطة
ريناد : اوك 😂
اهبل
سكر الباب وهو كيف بينزل
عمر : يارب مايفرقني عنها شي غير الموت ❤️
ريناد : لبست ووتيت روحي ونزلت ركبت سيارة ومشينا

_______________________________________

في حوش عيلة عمر . طبعا الحوش كبير علي تلاتة دوار  حوش الوسطي تع العيلة لفوقهم حوش عم عمر تالت تع الضيوف لهو الحوش اللوطي  وجنان كبير بكلل لدرجة يمكن فيها بني فيلا حداها كانوو بيبنو حوش عمر بس اسبااب خلا عمر يبني فمكان تاني ..

فوسط الحوش

خيرية ام عمر : قسم بالله زي مانحكيلك هي قصدي مش معقولة ره
مفيدة اختها : عندك الحق راجلك كترهاا بزيادة الفترة هادي 😕
خيرية : مش قتلك وله  والله خايفة علي بناتي تلاتة  كان يدير فيهم حاجة كان نعرفه هكي من الاول ماتزوجته احسن شي مرت ولدي درنالها حوش بعيد خير والعرس درنااه منغير مايندري كان هداا والله بيشردهاا احنا كيف متحملين مشعارفة ربي يهديه وخلاص
مفيدة : اي والله ربي يهدي الحمداالله ولدك جا غير بوه
خيرية :اي والله خلاص اسكتي اهم جوو
تفضلو تفضلو يامرحبتين يامرحبتين خشو
ريناد : كيف حالك مرت عمي
خيرية : الحمدالله بخير شن حالكم انتم
ريناد :بخير ❤️والله كيف حالك عمتي مفيدة
مفيدة : الحمدالله بنيتي قعمزو
عمر : اي شن حالكم ..
قعدوو يهدرزو
ونزلوو البنات هما ع روس بعض وحدا تقرا تالتة ثانوي وتانية ثانية ثانوي قعدوو يهدرزو وجوهم حلوو عيلة حلوة يعني ويتغدوو اذن العصر
خيرية لما سمعت أذان العصر توترت راجلها قريب يجي

          .......💓راوية بتو💓.......

ريناد : عميمة امت بيجي عمي نشوفه ماريته
خيرية: ءاااا مهوو عنده خدمة بنيتي مانشوفو فيه حتا احنا
ريناد ربي يعاونه انشالله
مفيدة : هي نوضو يبنات ديرو صفرة شاهي المرا قريب بتروح بظلم الدنيا
ريناد : ها بنوض معاكم
خيرية : عيب كيف عاد
ريناد : عادي عميمة هدا ولا حوشي تاني
خيرية :ربي يحفظك بنيتي الحوش حوشك هي يبناويت وروها الكوجينة وتعاونوو مشوو مع بعض كيف بيمشو طق الباب
عمر يلي كان في دار سمع الخبطة طلع يجري وقف قدام داره وشبح لامه
خيرية : لحظة صمت وجهاا اصفر من الخوف تدعي يارب مش هوو وفداخلها يقول هو مافيش مهرب
ريناد : اكيد عمي هذا 😊
عمر : بداا يعرق وخايف من شكه انه بوه لان لو يعرف بيلي يصير بتصير مشكلة كبيرة  .
نور اخت عمر صغيرة : مشت تفتح الباب
مفيدة : مشينا فها 😰
_____________________________________
في حوش عيلة ريناد :
غادة اخت ريناد : اي اي زي مقتلك تجهيزات
كلها واتية للبيان
تمام خلاص يعني غدوة يوصلو
اهاا صحيتي تعبتك معاي
سلام
ميرة ام ريناد: اه كل شي تمام
غادة : الحمدالله كل شي واتي يام
ميرة : به قلتي لريناد خير ره بعدين بتولع فيك ره
غادة : عارفتها 😂 مه خلهاا بيتش نقلها لين تتصل الحيوانة نستهاا لما نربيها
ميرة : ربي يصبرني عليكم 🤦‍♀️
سمعو تكسير صواني وعيطة في المخزن
غادة: حييي 😱 يماا نوضي نلحقوو
يتبع .....
توقعاتكم ورايكم فتعليقات في المقدمة نستمر ولا نوقف ❤️🔥
رواية خيالية 🤞
#راوية بتو