واقع وطن

البارت الثالث

زينب الجوري العراقية♡̷̷ -

واقــع وٌطــن ♥️
———————————

::
::
::
::
مشة وعافنة وكسر الجناح
شهيد وراح واحنئ ولابينة مرتاح

ماما حييل تاذت وانقهرت ع اخوها (ابو ناصر ) اكثر مما انقهرت ع ناصر وتكول هو راح شهيد يم ارحم الراحمين بس اخوي حيبقئ يتعذب ع فراقة وراحوا للفاتحة كولهم ماعدا رضا راح ورجع يبقئ يمي لان اني مااحضر فواتح من صغيرة هيج ومن كبرت ابد ماروح ومااعلية عتب او واجب وهي فاتحة محد يسئل بس اذا عرس اول وحدة يسئلون علية اتصدر الميدان

اول يوم ....

كاعدين اني ورضا ومقهورة وافكر معقولة بعد مانشوف ناصر هذا هو مات فعلا ماندري شوكت نموت الموت يجي غفلة ع ابن ادم دخيلك ربي لاتزغ قلبي بعد اذ هديتني

اكول رضا ناصر مو جان يحب وحدة وع اساس يخطبها

رضا
اي خطية يمعوودة متخبلة من سمعت بي من جنت هناك تخربطت واخذوها للمستشفئ

ليالي
اووي شحالها هسة الله يصبرها

رضا
والله هو كل احنئ العراقين شحالنة نخلص من ازمة نوگع بالثانية من انفجار لنفجار بغداد شحالهة

ليالي
هو العراق هيج متعود مايكدر بدون حروب وازمات صارت هالامور جزء لايتجزأ من حياتنا

الله يستر من الجاي تعرفين مرة صديقي كال العراق شگد اناني يشبه الدنيا تاخذ منك ماتنطيك والفرق انو العراق مو ياخذ احنئ ننطي بس حتئ يصيرلنة وطن مثل باقي الاوطان لكن ياحيف يغزر بي

بس احنئ نحبة حيل ليشش رغم مشايفين شي منه هسة شوف الدول المتطورة وشعب هالدول يعني عادين يفتخرون ويحبون بلدهم بشكل طبيعي بس احنئ لا نعشقة واحس لازم تنكتب بينة مقولةة كلما زاد العذاب زاد الحب ومرات افكر واكول حب العراق ابتلاء يعني مثل من تحب شخص وتشووفة يتعذب ومابيدك شي تسوي اله هنا عذابك يكون اكبر

اييي والله وهذا الحب للوطن احس مزروع بجيناتنة لان تشوفين طفل بعدة ميعرف شنو العراق ويحبة
ماعرف شحجي يمعودة قهر بقهر

هههه هو اصلا شعجب دنتناقش بهدوء

اني احجي بهدوء دائما مو مثلج مخبلة

لا بربك دروح انت المخبل ومشيت منه

صاح مال الثول كون وياج كيك من هذا ع الميز