واقع وطن

البارت الراابع

زينب الجوري العراقية♡̷̷ -

واقــع وٌطــن ..♥️

———————

لم أعد أخشى أن يُغادر أحدهم، لأني في الحقيقة غادرت نفسي مُنذ زمن

———————

نكمل .....

فتحت عيني بالمستشفئ يمي عمامي ومرت عمي خالد وبناته اثنين
بيت عمي خالد قريبين علينه وشوي احسن من باقي عمامي
بس معندي تواصل وياهم ماعرفهم زين

رجعت غمضت مر كل شي كدامي مثل الشريط نزلت دمعتي حيلي مهدود راسي يريد ينفجر كلت اريد اهلي اهلي ووين

الكل يبجي احس نضربت ع راسي من بجوا تخبلت ذبيت الكانوله وصحت اخذوووني لاهلي

لزمني واحد باوعت هذا راكان دفعته وصحت بي وخرر اريد اهلي
راكان حبااب حيل ويحب بابا واخواني اني شايفته اكثر شي صور ومرات يجي ع جون

كال اهدي وهسه اخذج والله

اخذني هسسه بسرررعه يلا

دخت رجعت كعدت وماشوف واحد كدامي راسي نسطر رجعت كمت اختل توازني لزمني راكان دفعته صاااح

ع اخواته الزمننها يربي حتووووكع

اريد اهلي حباب

راكان فرك وجهه وكال امشي

طلعنا 3 سيارات صعدني راكان بسيارته وامه واخواته ويانة وابو صعد وي الباقين

وعمامي ماكالو شي و صوتهم بس يبجون

وصلنه لبيت راكان يلي هو بيت عمي خالد ابو راكان

دكيت رجلي وصحت هذا مو بيتنااا

راكان كاال بابا انزلي منا عالم

طبعا اخواته وامه بسرعه نزلوا ويردون ياخذوني

باوعتله بحزن وكلت اريد بابا

هو دار وجهه وبجه مسح عيونه وكال شوي ويجيبون اهلج

بهالاثناء شفت جوري نزلت من سياره حسيت اجه واحد يسندني

صحت جوررري وصلت كدام الباب وحضنتها وكعدنة بالكاع وبجيت احس بكل دمعه وجهي يتشگگ وهي تبجي اكثر مني ماحس غير شخص واكف كدامي مسوي سد لان كدامنا زلم صايرين بوجهي رفعت راسي رجال عاكد حاجبه وكاال بصوت اخترق مسامعي جوووري منا النااس اخذي البنيه وادخلي جوه

هي بسرعه كامت وكومتني دخلنه جوه

اني احس ماعرف احد الكل التم عليه واني بحضن جوري يبجون ويلطمون
خنكوني صحت كاافي عوفوني
بنات عمو خالد اجو وخروا الكل مني

البنات وحده عمرها 20 نور ووحده 19 سهئ

صحت ارريد راكان راكااااان حسيت مالي احد بس هو ياخذني لاهلي
رغم مو حيل اعرفة بس هو الاقرب لاهلي
بسرعه نور كامت كالت لطفل صيحلي راكان