واقع وطن

البارت السادس

زينب الجوري العراقية♡̷̷ -

واقــع وٌطــن ♥️
————————

لم ولن يدوم شيء حزن كان ام فرح  لهذا يجب ان نعيش كل مايحدث معنا وخصوصا الايام الجميلة او لنجعل ايامنا الحزينة سعيدة لكي نكمل الحياة

————————————

تغدينة وبحر گال اقروأ الفاتحة بثواب اهل ليالي

كملنة وراكان وبحر راحوا بالستقبال وطلبوا جاي

والحجية كعدت بالصالة

واني وجوري غسلنة المواعين وخدرنة جاي

صبت جوري الجاي وصااحت بحررر

وترتب بالصحون

واني واكفة اصب جاي النة وصافنة وصوت من ورااي گمزني هاااا جووورية

گمزت والتفتت

بحر
اسم الله هلگد صوتي يخرع

جوري
هههه ليالي هاي عود يحجي بهدوء

يمعودة راح گلبي ياهدوء

الحجية
يممة جوووري تعاي بسرعه

جوري
ايي جاية

بحر
لا بس الصافن هيج يگمز من اي صوت

ليالي
اي صحح واني اذا صافنة اگمز حيل وهذا الجاي برد

اخذة وراح

صبيت جاي النة واخذتة ورحت يم الحجية كاعدة جوري تطلعلها علاجها

كعدنة نسولف واجة ع بالي سؤال

سئلتها خالة بحر ليش سميتي بهذا الاسم

وصارت تسولف ع ايامها قبل تكول

بحرر سميتة بحر لانة نولد من بحر الحب البيني وبين ابو المرحوم جان يحبني حييل

جوري
يوم سولفيلها ع قبل الريف وكذا ليالي تحب هالسوالف

جنتوو بالريف قبل ??

ايي جنة گبل بالريف اني جبيرةة اهلي وبوكتها عمريي 16 بذيج العصرية مرينة ع بيت عمي ليش ماشافني ابن عمي خالد الله يرحمة وانوبة خطبني من هلي وصارت القسمة صار يعشگني وحبلت ببحير

اني ضحكت ههه شنو بحير

جوري
خاب ليالي دسكتي يمعودة امي الا تكسر الاسم تسوي بي تشوهه

الحجية
اسسكتي جويرية المجوربة

جوري خلت ايديها ع وجهه وتستغفر

واني متت ضحك هسة جويرية ايي مال المجوربة لا ليش شحلاتها جوري اسم ع مسمئ

الحجية
وانتي لويلية المسودنة هم اسكتي