واقع وطن

البارت التاسع

زينب الجوري العراقية♡̷̷ -

واقــع وٌطــن ♥️
______________________

ان واقع ولكن تمنيت ان يكون حلم

اين انا ?? ماذا سيحدث ??

ماهو القادم ??

نباگت مني ضحكاتي الصدُگ والدنيا كُلها

___________________

كالت شنسوي وعوجت حلكها همست هذا المرعب

وينه

لا يعني هو الي مخلي كامرات

ماعرف ليش بس احس مخايفة حيل كانوا جاية زيارة هنا بموافقتي مو خطف شعور غريب

تعرفين شي حتى اني من شفتج حسيت احساس حلو والله كنت مرعوبه وبس ابجي

اخذت نفس عميق الله كريم يلا شوفي اني ادنك واتوضى وانتي اوكفي كدام الكامرة

شذئ
تمام

وعلمت شذئ وحسيتها فرحانه

رجعنه نصلي بس هي مو محجبه وشعرها ذهبي ف كوتلها تلبس حجاب

بهالغرفة الجبيره كل شي متوفر للبنات ولولا الاعمال القذره جان كلت هالبنات عايشات بدلال هنا بس للاسف عيونهم تحجي معاناتهم وخوفهم من المجهول

لبست حجاب وتربة ماكو كوتلها عادي نصلي هيج شنسوي وعلمتها صلاة المغرب احجي بصوت وهي ترد وراي وتسوي نفسي

فاتت من عدنا ساره وكالت اووو اول مااجت فتحت جامع ست ليالي

ماهتميت كملت صلاة وكعدنه نسبح علمتها تسبح تسبيح فاطمة الزهراء عليها السلام الله اكبر 34 والحمدلله 33وسبحان الله 33
صرنة نسبح بادينه

كملنه وكلت شوفي اسجدي وصلي ع النبي وابدي باسم الله الرحمن الرحيم واستغفري وادعي للبنات وبعدها الج واي شي تردين تكولي لرب العالمين حيسمعج ويشوفج او بلاهم هالمقدمات ولكن افضل حتى يستجاب الدعاء

هزت راسها وسجدت واني سجدت شوي وسمعت صوت بجي بحركه وتكول ربي فدوه ساعدني والله مالي غيرك اعذرني مجنت اصلي واجي اقابلك بس محد علمني مو تدري اهلي يمك وعمه تعرف بس ماتعلمني ربي هاي ليالي دزيتها الي وعلمتني شكرا الك

هي تحجي واني زدت بجي حيل ختنكت كلامها زرف كلبي عبالك طفل كاعد يحجي

شذى
ربي ساعدني رجاًء طلعني منا وطلع البنات وياي يارب ماشفت شي من الدنيا ابد بس عذاب اترجاك طلعني منا هنا اخاف والله اخاف منهم لايصير بيه مثل هذنيج البنات

اني ماتحملت من كالت اخاف والله اخاف كالتها بطريقة موتتني بسرعة رفعت راسي ورفعت راسها وحضنتها وهي حضنتني وصاحت والله اخااف واالله مااريد ابقئ هنا ماما بابا تعااالوا