🥺♥️-
لا شيء مُستحيلَ إذا توكّلت على الله ، فلا تيأس مادامَ اللهُ يعلمُ مافي قلبك..✨🦋
Nothing is impossible if you trust in God, so do not despair as long as God knows what your heart is.💭♥️
══════ ❁✿❁ ═════
📘|| T.me/TOB05 🩺💛’
#القصه حقيقيه
اني شهد مواليد 1994 مواصفاتي مثل اي بنت عاديه حلوه كلشي بوجهي ناعم بشرتي حنطيه جسمي مرتب. شعري سرح.
طبعا بابا متزوج نسوان ثنين ماما الثانيه تزوجهه عن حب ماما خلفت 2 بنات اني واختي اما الجبيره عدهه 5 بنات اني جنت المفضله عد بابا
يموت عليه واني متعلقه بي كلش وبيوم المشؤوم بابا جان رايح لبغداد واجانه خبر بابا مقتول.
اني بوكتهه ماتذكر عمري 5 سنوات بس كل الي اتذكره ماما تصرخ وشكت ثوبهه وحته شعرهه كصته لان جانت حيل تحب بابا بعد ماتوفى بابا امي اخذتنه. لاهلها ب الكوت رحنه بس احنه وياها زغار اذكر نزلنا من السياره الوصلتنه لراس الشارع واني
شايله صوره بابا وامي شايله الجنط البيها الملابس ماعدنه غيرهن ابوي معافنه لابيت ولا شي وصلنه لبيت كلش جبير وبي هوايه نسوان وجهال وضلينه نباوع ب الوجوه وهنا جانت بدايه حياه جديده.
بعد فتره قليله سمعنه زوجه ابويه صاير عدهه توم ولد وبنيه يعني سبحان الله ابويه مات وماشاف الولد شكد جان يتمنه يصير عنده ولد.
عشنا اني وامي واختي بيت خوالي هو اصلا بيت امي من زوجهه الشهيد لان ماما قبل لاتزوج بابا جانت متزوجه وعدها بنات 2 مستشهد بحرب ايران وبناتهه عاشن عد عمامهن.
البيت متروس ناس خولي 3 ونسوانهم وكل واحد عنده 4 او 5 وجدتي مره جبيره وكلمن ماخذ غرفه بس احنه فرغولنه المطبخ وخلو شغلات المطبخ جوه الدرج.
طبعا الغراض عباره عن طباخ عشتار قديم وجنطه حديد جبيره بيهه اماعين.
مرت الايام محد سئل علينه من عمامي وخوالي كلمن ملتهي بمرته وجهاله واحنه يادوب بس اللكمه وياهم
كوه عايشين كبرت وسجلونه ب المدرسه وجابولي ملابس رغم بساطتهم بس اني كلش فرحانه بيهم وداومت وجنت شاطره واحب المدرسه بس محد يدرسني ماما ماتقره ولا تكتب معتمده ع نفسي ومرت الايام وكمت انجح من الاصف لصف الثاني
واختي هم تسجلت بس حياتنه متغيرت نفس حالنه امي حايره بعيشتنه من اروح للمدرسه البنات جايبات مصروف وياهن واني امي تسويلي لفه واستحي اطلعهه يوميا ارجع الفه وياي
عشت بحرمان من كلشي من اللبسه الحلوه من الاكله بعدها وصلت متوسطه وحسيت بروحي كبرت فجئه وكامت تبرز ملامحي الانثويه وجسمي حلو جنت ماالبس عبايه ومرت خالي تحجي لخوالي من تشوفه تكله عليه لبسوهه عبايه صرت مره وجنت كلش مرتبه من اطلع
اشوف الشباب اباب المدرسه بس اني ماحب هاي السوالف اروح وارجع بطريقي الحمدلله كل سنه انجح وجنت احلم اصير مدرسه بس للاسف ماتحقق حلمي جانت عندي صديقات هواي واحبهم بس اني اختلف عنهم همه يحجون كله ع الحب بس اني لا.
كل وحده تحجي شلون تواعد وشلون تحجي بس اني جان بالي يم شخص ثاني جنت احب ابن جيرانه من طرف واحد
يعني هو مقابيل بيتنه من اطلع اشوفه يباوعلي واني هم اباوعله وكلبي يكوم يدك سريع صار هوسي احبه بس اريد اشوفه جنت اطلع الصبح اشوفه كاشخ ويريد يروح للدوام وشكله يجنن طويل عيونه موضوع ثاني كحليه وشكله حلوو
جنت افكر شلون احاجي بس استحي منه وضليت متردده بس ساكن خيالي 24 ساعه افكر بي
مرت الايام وماكو هوايه تغيرات نجحت لثاني متوسط ومتمسكه حيل بدراستي ونهار كله ادرس اكعد ب5 اصلي واراجع دروسي لان تصير ب7 ونص اروح للمدرسه ونفس كل يوم اشوفه لحبيبي وباوع عليه وهو هم بس ماعرف اذا هو هم يحبني كلما اشوفه نفس الشعور ودكت كلبي ليكول دمام ومرت الايام واني اكبر وحبه يكبر بكلبي من طرف واحد اتمنى يجي ويعترفلي بحبه وماكو اي شي
- يتبعع
