القصه حقيقيه
الكاتبه زهراء
__________________
ﺳَﺄﺑﻘﻰ ب اﻧﺘﻈﺎر ﻳﻮم ﺟﻤﻴﻞ صنعته ﺑﻤَﺨﻴﻠﺘﻲ '🤍
شهد: طلعت كتبي وكعدت ابجي رجعت داومت وصارت الامتحانات نصف السنه واني كمت لا اركز لابدراسه ولاشي ثاني
صار يوم النتائج طلعت اكمال ب3 لان لادرست ولا ركزت.
حيل نقهرت صديقاتي كلهن ناجحات واني اطلع اكمال !
رجعت للبيت روحي طافره ومالي خلك
شهد: السلام عليكم
الكل: وعليكم السلام
ام شهد: خيرج ماما شبيج اشو وجهج مايكصه السيف
شهد: اني بطلت بعد مااريد اداوم او بالاصح اول وتالي اني ابطل مستقبلي ضايع لكدام.
ام شهد: هاهيه براحتج
شهد: مرت الايام بسرعه واني وخطيبي لااجه ولا كعد وياي مثل باقي الناس.
مواصفاته طويل حيل تقريبا مترين.
وضعيف شكله موكلش حلو يعني عادي
اجه خالي انطه العداد لامي مليونين وكلهه الخميس العرس.
شهد: الناس فرحانه وتحضر واني بغير عالم.
ثاني يوم رحت وي ماما ومرت خالي اشترن الذهب هنا اختارنه كتلهن بكيفجن صار بمليون ونص كلاده وتراجي وحلقه ومحبس.
رجعنه للبيت وبدت التحضيرات بقن 500 للملابس ومكياج.
رحنه وره يوم اني وامي وجيرانه امشي وياهن مسلوبه روحي وهنا شنو يكولن اكولهن بكيفجن.
ام شهد: ماما شهد هذا الفستان حلو شنو رئيج بي
شهد: بكيفج ماما
جيرانه: شنو بكيفج انتي رح لتلبسي لو امج
شهد: غلست مالي خلك ارد عليهه.
جيرانه: شبيج شهد جنج مراضيه شنو مجبوره.
ام شهد: لا عيني شنو مجبوره بس تستحي.
شهد: خلصن كلشي مكياج ملابس رجعنه يوم الثلاثاء.
اكو مره يمنه عدهه صالون بس بيتهه. ميشتلي شعري وحفتلي.
اباوع ع نفسي بالمرايه شكل ثاني لان احنه بطبعنه منحف اله نتزوج فطلع تغيير جبير بوجهي.
شهد: رجعنه جاي نمشي شفت الشخص الي احبه بالباب صديت اله ودنكت وكملت مشيتي واني دمي يفور دخلنه للبيت.
بنت خالي: بتعجب هاي شنو شهد شطالعه.
شهد: شطالعه؟
بنت خالي: لج تخبلين صايره متغيره حيل
شهد: شكرا
شهد: صار يوم الحنه. رحت لنفس المره وهم سوتلي مكياج وتسريحه لبست البدله بس مطلعت حلوه يعني عاديه.
رجعت للبيت ولكيت البنات كالبات الدنيا بالاغاني والركص تونست وياهن وفرحت اكثر من فرحتي بزواجي صراحه.
ثاني يوم العرس رحت للمره هم سوتلي مكياج وتسريحه ام البرمات طلعت احلا من يوم الحنه اخذتلي شكم لقطه بكامره اني واختي وامي صارت ب2 اجه خالي ياخذني شافني صلى على محمد.
وصلت للبيت لكيت البنات كلهم مبدلات ومكيجات ومنتضراتني وهم نسوان جيرانه موجودات.
شغلو الديجي وضلو يركصون صارت الساعه 4 اجت الزفه سمعت اصوات الهورنات دخلو بهوسات كومني واخذني صعدت بالسياره امي صعدت بالصدر واحنه وره.
شغلو اغاني هستوهه نازله اغنيه نصرت البدر بوسه لروحك وكلبك يعمري.
باسني وهمس بذني وين تريدين ابوس.
اني بس ساكته وجانت الزفه طويله ربع ساعه تقريبا.
وصلنه وذبحو ع رجلي دجاجه وكعدنا وكامن يهوسن النسوان هو طلع يم الزلم واني بقيت كاعده البنات مشغلات الديجي ويركصن صار وكت الاذان طفو الديجي ولتهو بالعشا.
اني دخلوني بغرفتي جانت غرفه عاديه خشب عراقي وفارشيهه نزله ماروني يعني مرتبه.
اختي بقت وياي تصورني صاحتله علمود يصور وياي
بقت تاخذلنه صور بعدين طلعو وبقيت شويه ودخل الشيخ وخالي وماما.
عقدنا وطلعو بقينه بس احنه سد الباب واجه كعد.
ادم: ها شلونج.
شهد: بقيت ساكته باسني من خدي وكبل مد ايده ع سحابه البدله.
شهد: شنو هاي شجاي تسوي!
ادم ; نبدل غير.
شهد: اني ابدل بس طفي الضوه.
ادم: لا مااطفي وتبدلين كدامي.
شهد: شبيك تره امي مشايفه جسمي تريد انته تشوفه.
جر البدله وشكاهه وضربني راشدي وكمل عليه بثاني.
استسلمت اله وتقرب!!!!
فجئه كام عني وجهه ميتفسر من العصبيه.
خفت منه حته حلكي احسه يبس.
أحتـــاج أن أعــــود لنفســــي " القديمـــــة " . . ولــــــو قليـــــــلاً
يتبعععع
