#القصه حقيقه ✋الكاتبه زهراء
ڪـبريـائي يـقول لـي دائمـا مـادام هنـاك فـي السـماء مـن سيحـميـني فالـيس هـنا في الارض من سيـكسرنـي 🖇️💕
شهد: كعدت من النوم غسلت وكعدت جوه اجتي جيرانه سيرت علينه سلمت عليهه
ام مصطفى: يايمه شهوده صلوات صايره تخبلين
شهد : شكرا خاله
ام مصطفى: ليش هيج ام شهد متنطون شهوده لمصطفى.
ام شهد: والله ام مصطفى اعذريني بعدهي زغيره وتريد تكمل دراستهه.
شهد : اني بهاي اللحضه صخنت احس الي بصفي يسمع دكات كلبي.
يعني الشخص الي احبه واريد خاطبني ومحد گلي. ورافضين من يمهم بس ليش محد اخذ رئيي. ؟؟
كمت بسرعه من يمهم والدموع عشره عشره صعدت فوك متت بجي ليش هيج ياالله
ابجي بسكته والشهكه ابلعومي بس ماكدر اطلعهه اخاف واحد يصعد ويحس بيه اني احبه ويسولي سالفه لان عائلتنه كلش معقده.
ويسونها قصه ماكدرت احجي لاي احد عن وجعي
تعبت حيل وحالتي النفسيه صفر 😔😔
خلال ماحسيت مرت خالي الها ايد ومخربه عليه لان هيه خبيثه بس تسوي نفسهه الملاك البريئ.
مرت الايام واني نفس حالتي
بس العرفته انو هو هم يحبني بس ماعترف دز امه وخطبني ورفضو.
ضليت بين دراستي والبيت حيل شديت نفسي بالدراسه مرت سنه وصرت صف ثالث متوسط.
وخالي الجبير انتقل من البيت اشتراله قطعه ارض وبناهه لان اولاده كبار وكلهم بغرفه وحده.
بس احنه اجانه الفرج انتقلنه من المطبخ للغرفه خاصه بينه
شكد رتاحينه بيهه
خلال هاي الفتره اني اداوم ثالث واختي ديما اول متوسط بقيت مستمره بدراستي.
وبيوم من الايام جاي اقره وضايجه كلش والدنيا طالعه من عيني اجتي امي
ام شهد: كومي شهد اجو بيت خالج تعالي سلمي
شهد: ماما جاي اقره عندي دروس كومه؟
ام شهد: لج كومي سلمي ورجعي عيب منهم ياامي
شهد: صار جايه نرلت سلمت عليهم وكعدت يمهم
فجئه خالي حجه وكال
مادام كلكم موجودين خيتي ام شهد اريد اخطب البنات الادم واحمد.
شهد: اني خليت وكمت للغرفه وره ماراحو حجت ماما
ام شهد: سمعتن خالجن شنو حجه
شهد: ماما اني مااريد اتزوج اريد اكمل دراستي
ديما: واني هم ماما اريد اكمل
ام شهد ; هاهيه ماما من يجي خالجن اكله البنات يردن يكملن دراسه
شهد: بهاي الايام ضليت ملتهيه بين الدراسه والبيت ونسيت السالفه.
كلعاده رجعت من المدرسه صليت وتغديت وجاي اقره اجت ماما
ام شهد : شهد تره اجه عليجن خالجن شنو اكله
شهد: كتلج ماما مااريد اتزوج؟
نزلت ماما واني بقيت يم الدرج اسمعهه تكلهه
ام شهد: والله ياخويه مستحيه منك بس ديما مموافقه بس شهد وافقت
شهد: صفنت واحس الدمعه واكفه بطرف عيني شلون هيج تسوي وليش؟؟
شهد: ليش هيج ماما موكتلج مااريد اتزوج 😓
ام شهد: ابن خالج ماتلكين احسن منه خوش ولد ومعنده سوالف مكسره ولانسوان ولا شرب وبعدين اني تعبت انتن بنات تريدن عيشه ومصرف واني مابيه حيل تعبت من مسؤليتجن
شهد: سكتت بس الغصه ابلعومي شريد احجي بعد كلساع وجاي واحد يقنعني ساعه مره خالي ساعه بنات خالي اووف مليت كتلهم ماريده وخلص.
عمامي سامعين كالو احنه موافقين بس نريد ديما لابنه.
امي هم وافقت بسرعه.
شهد: بلحضه نهدم كلشي شخص الي احبه وعايشه على نضراته وحلمي ودراستي كله راح
كالعاده ثاني يوم رجعت من المدرسه لكيت هوايه سيارات بابنه ستغربت.دخلت
شهد: هلاوو شكوو شنو هاي السيارات؟
ام شهد : خوالج جاين يخطبوج وعمامج هم يخطبون اختج.
شهد:نصدمت صدمت عمري ضليت حته مابيه حيل اوكف. ولا اكدر احجي اختي موافقه وماعدهه اعتراض اله اني مااريد اتزوج بس منو يسمعني 😔
بدلت بدشداشه عاديه وكعدت ع الدرج شويه واسمعهم قرو الفاتحه عدو علينه.
اهنا احس كولشي وكف ماكو ناس خوالي يباركولي واني الدمعه بعيوني جابولي 25 الف وكالو هاي بياضج كتلهم ماريده.
ام شهد: جيبوو عيني اني اتبرع بي للموكب هنه وبياض ديمه.
شهد: طلعت كتبي وكعدت ابجي رجعت داومت وصارت امتحانات نصف السنه واني كمت مااركز لابدراسه ولا اي شي ثاني
اذا أحْبَبــتَ يـــوْماً !...كُــنْ عَـــلى قَـــدرْ المَســـؤلـيّة !
لأن العَــبث بالمَـــشاعِرْ أســوَأ جَــريــمَة لا يُعــاقِـب عَــليْهَا القَــــانُون
بــــل يُعــاقِـب عَــليْهَا القَـــدر .~!
يتبععع
