السلام عليكم.
ضلم يتيمه
القصه حقيقيه %
الكاتبه زهراء.
__________________
::الــكل مـجـــرد وقـــــــــ🕒ــــــت...! فلاا تتــعـلـق بـأحد....!☹️💔
شهد: كعدت العصر كلش بالشت بالعشا جاي اسوي عشه كعد ادم.
ادم: الحمدلله ع السلامه شلونج.
شهد: الله يسلمك الحمدلله.
شهد: تعشينه كلنا وكملو كمت اغسل المواعين.
كعدت وياهم بقينه نسولف اني وحماتي ازغر مني بسنه تقريبا نفس العمر.
وهيه كلش طيوبه واحبها لان قربنه سوه مثل الاخوات صارت ب11.
دخلت لغرفتي بدلت لبست ملابس نوم وتعطرت وخليت مكياج انتضرت ادم يجي من الاسواق.
وعلى هل روتين مرت الايام.
حماي خطب بنيه من اقربائنه اسمها رسل.
صديقتي ومثل اختي من زمان.
فرحت لان حتجي يمي.
وصار يوم العرس.
والكل فرحان ويركص. لبست فستان جويتي وصبغت شعري عسلي ولبست عدسات سمائي ومكياج صرت غير شكل.
خلص العرس ومرت الايام واني ورسل خوات صرنا روح بروح بحيث الناس تضرب مثل بينه لان عجبه بهل وكت نسوان حماه صديقات.
شهد: جان كلشي تمام واجه اليوم لخسرت الاسواق وزوجي كعد من الشغل.
شدت العائله كلها وياي خالني تكعد الساعه 6
ام ادم: كومن هوانم كومن نايمات للضهر نسوان خايسات.
شهد: كعدت الصبح تعدوت على هاي السطوانه نسعها قبل الريوك.
رسل عزلت بيت وحدهه ماتحملت هاي المشاكل.
مرت خالي هم عزلت.
بقيت بس اني وادم كاضيها بنهار نايم وبليل طالع يجي وجه الصبح تغير كلش وياي.
شهد: احم ادم يعني لشوكت تبقى هيج بدون شغل.
ادم: ماكو شغل.
شهد: بس انته مجاي ادور على شغل.
ادم: انتي طلعي من هاي السالفه لتدخلين.
شهد: زين اني اريد مصرف اريد شي.
ادم: ماعندي منين اجيبلج ابوك مثلا.
شهد: مكتلك بوك بس كتلك اشتغل.
ادم: كافي لغوه اريد انام يلا.
شهد ; اكوم احسلي لان الكلام وياك ضايع.
ادم: تسوين فضل والله.
شهد: كمت من يمه وكعدت ابجي على حضي الجابني يمه وين جنت وين صرت.
شهد ;اهله بدو يضغطون عليه يردوني احاجي يشتغل وبس احجي وياه يضربني وضلينه على هاي الحاله خالتي شوفتني نجوم الضهر ماعاجبها العجب.
وبس تغلط وتصيح ومسويه عليه حصار ضامه الفواكه وحته الخيار بكنتورهه ولو جعت واكلت شي.
بس تشوفني دكلي كون سم الهاري واني ابقه ساكته.
خابرت امي.
شهد: الوو. شلونج ماما شخبارج.
ام شهد: هلا ماما الحمدلله انتي شلونج.
شهد: الحمدلله بخير.
ام شهد: ادم شلونه.
شهد: زين بس اكل ونوم وطايح براسي الحجي ماما كلش تعبت والله.
ام شهد : اصبري ماما هيه المره كلشي تتحمل من العيال الغلط والكتل والجوع. ياما شفنه بحياتنه.
شهد: ماما بس اني تعبت جنهه ماتسمع متنطي بيت اخوهه.
شهد: ضلينه على هذا الوضع ماكو تغيرات بحياتنه من سيئ الي اسوء ادم لو جبل هم حس وهو لا يمه يحجون عليه اهله ويتعاركون وياه وهو ولا مهتم كاضيهه نوم وطلعات واني ضاله بحسرت المصرف.
ولا حجايه حلوه من التجبرني كل شهرين او 3 اشهر يله يخليني اروح اشوف اهلي وهم قريبين علينه ربع ساعه بسياره.
بس هو عناد ميخليني اروح ارتاح اغير جو خطيه امي مو تدري بوضعي ماتخلي شي متجيبه من ملابس واكل تترس الجنطه ويومين يجي ياخذني ورجع للاهانه.
شهد: مرت سنه وماكو حمل بس كلت عادي بعدني زغيره ومرت حماي هم ماكو بقينه على هلحال.
واجه اليوم الي ادم تعارك وي اهله وطرونه بالشارع اخذني وصلني لبيت امي وراح بس شافتني وجهي عرفت.
ام شهد: شنو ماما جايه زعلانه.
شهد: ادم تعارك وي اهله وطردونه.
ام شهد: يلا ميخالف ضلي هنا ارتاحي ويحلها الف حلال.
شهد: بقيت شهرين عد امي وهو بيت عمه لكه وضيفه براتب 600 هو استلم الوضيفه.
وخالي ثاني يوم اجه رجعني بس سمعو بي اشتغل رجعت وياه كلت بالكي يصيرون زينين وياي.
وصلت سلمت ع الكل ونضفت غرفتي وسبحت اجه ادم. فرحان لان رجعونه لان صار هواي متفاركين المهم اني هم كلت الله هداه وصار زين كعد الصبح وراح للشغل وخالتي جنه هم مهوده.
كلت ياالله بلش يومي شويه ادم صار احسن وياي َ من اشتغل.
يتبععع
_____________________
خصـم الحجـي ڪُـلة :
المرايـة التنڪسر ما ترجـع بـ فدوه
☹️💔
