السلام عليكم.
اسفه ع التاخير بنات بس مريضه هاي الفتره.
_________________
ضلم يتيمه.
الكاتبه زهراء.
شهد: وصلت سلمت ع الكل ونضفت غرفتي وسبحت اجه ادم فرحان لان رجعونه لان صار هواي متفاركين المهم اني هم كلت الله هدا وصار زين.
كعد الصبح وراح لشغل وخالتي جنهه هم مهوده مني.
شهد: كلت ياالله وبلش يومي شويه ادم صار احسن وياي من اشتغل بس وره شكم يوم رجعو مثل قبل صياح وغلط ورزايل بدون اي سبب تعلمو عليه ساكته فهوايه تمادو لان من البدايه انطيتهم مجال.
تعودت عليهم وعلى تصرفاتهم عيالي معدهم ذره نضام واحترام وادم تصرفاته مو احسن منهم.
هملني كلش كانما مامتزوج بس وقت حاجته يتقرب بعدها يدير وجهه وينام.
شهد اجه ادم من الشغل بليل.
ادم: السلام عليكم
شهد: وعليكم السلام
ادم: هاج هذا عشه.
شهد: اخذت منه العشه مستغربه فتحته لكيته كباب
شهد: شنو اليوم عيد لو اكو واحد حيجي يتعشه.
ادم: لا بس استلمت راتب وكلت اعشيكم على حسابي.
شهد: ضحكت وسويت لفات للعائله كلها وبقه شويه.
ادم: كافي كعدي تعشي.
شهد: كعدت تعشيت واضحك
ادم: شبيج اليوم اشو تضحكين هوايه.
شهد: لا بس اليوم معدتي تصيح هذا الغريب منين 😅
ادم: هههه كافي لحد يسمعج.
ابو ادم: هاا ادم اليوم ستلمت الراتب.
ادم: اي يابه.
وجه كام يضحك لان يموت على الفلوس.
ابو ادم: نطيني 500 مصرف بيت وخليلك ميه.
شهد: انطاه وانطاني 25' مصرف ضميته كلت شكم يوم واروح للسوك محتاجه هوايه شغلات لان الفتره الراحت كلها كاعد.
نمت كعدت نفس روتيني اليكول بمعسكر دكو الباب ب6 كعدت غسلت ونطوني القصعه مالتي بين قوسين الريوك.
كمت على شغلي ومر اليوم عادي كلعاده ملل عندي جهاز صرصور عود اتسله بي لعبه الدوده.
ثاني يوم اجه ادم.
ادم: اكلج اني فلوسي خلصن كلهن صرفتهن.
شهد: اي واني شسويلك ¡
ادم: انطيني ال25 دين واني ارجعهم.
شهد: نطيتهم ومارجهن وضليت على هاي الحاله كل شهر ينطيني مصرف يرجع ياخذه ثاني يوم.
مليت منه كلشي ممحصله منه ولا من اهله.
صادف اجه الشهر ونطاني. مصرف خليته يروح واجيت لحماي الصغير يطلع عمره 16 سنه.
عنده ستوته كتله فدوه حسون ماتروح تتسوكلي كال شكد عندج فلوس كتله ب 25. كال هاهيه بيهن هوايه حلويات.
جابلي وخليتهن بالكنتور ابيع ع الجهال بيهن ربح بس قليل كلت ميخالف احسن من الماكو هم من اجوع اكل منهن وهم مطلعه ولو جزء بسيط من مصرفي بقيت على هاي الحاله امي مرات تجي يمي واني كل شهرين اروحلهه.
ام شهد : شهوده ماحبلتي
شهد: لا والله ماكو
ام شهد: صار الكم شكد متزوجين.
شهد: سنتين.
ام شهد: ليش انتي متراجعين.
شهد: منيلي اراجع انتي اعرف بلحال.
ام شهد: ولا يهمج اني اخذج لدكتوره. العصر. ونشوف تكول.
شهد: صدك صار العصر ورحنه اني وماما انتضرنه شويه ودخلتنه السكرتيره.
فحصتني الدكتوره. وسوتلي سونار كالت مبيج شي عدج التهابات. خلي زوجج يحلل.
انطتني علاج مقويات ورجعنه للبيت.
شهد: ادم الدكتوره تكول مبيج شي بس خلي زوجج يحلل
ادم: اني مبيه شي ماحلل ولا هم يحزنون.
شهد: سكتت عن الموضوع مبيدي شي. ومرت فتره وماكو حمل. الناس ضلت تسئل كتلهم شسوي ميقبل يحلل.
بطلت من الحلويات. وكامت امي تجيبلي شغلات من بغداد. عطور مكياج ملابس.
خليتهن بالكنتور منو التجي تخيط عد خالتي اكلها تشوفهن. وتشتري. منا على ماتعودن عليه النسوان.
يتبععععع.
-كون يَمك
-ما أريد هواي أطلب بس أشمك ♥️🔥
